Daniel 12:7

Ang Biblia 2011

Ang tawo nga nagsul-ob ug lino nga didto ibabaw sa katubigan sa suba mibayaw sa iyang tuo nga kamot ug sa iyang wala nga kamot paingon sa langit, ug nadungog nako siya nga nanumpa pinaagi kaniya nga buhi hangtod sa kahangtoran, nga kini mahitabo sa usa ka panahon, duha ka panahon ug katunga sa panahon, ug sa diha nga ang pagbungkag sa gahom sa balaan nga katawhan moabot sa kataposan, kining tanang mga butang matuman.

Cross References

Job 27:2

“Ingon nga ang Dios buhi, nga nagkuha sa akong katungod, ug ang Labing Gamhanan, nga nagsakit sa akong kalag,

Isaias 62:12

Ug sila tawgon nga Ang Balaang Katawhan, Ang Tinubos sa Ginoo, ug ikaw tawgon nga Gipangita, Usa ka Siyudad nga Dili Biniyaan.

Jeremias 4:2

ug kon ikaw manumpa, ‘Ingon nga ang Ginoo buhi,’ diha sa kamatuoran, sa hustisya ug sa pagkamatarong, ang mga nasod magpanalangin sa ilang kaugalingon diha kaniya, ug diha kaniya sila magpasidungog.”

Ezequiel 20:5

ug ingna sila, Mao kini ang giingon sa Ginoong Dios: Sa adlaw sa akong pagpili sa Israel, ako nanumpa sa kaliwat sa balay ni Jacob, nagpaila sa akong kaugalingon ngadto kanila didto sa yuta sa Ehipto. Ako nanumpa kanila, nga nag-ingon: Ako mao ang Ginoo nga inyong Dios.

Daniel 10:5

akong giyahat ang akong mga mata ug mitan-aw ug akong nakita ang usa ka tawo nga nagbisti ug lino nga ang hawak gibaksan ug bulawan sa Upaz.

Daniel 11:13

Kay ang hari sa amihanan magtigom na usab ug dakong panon nga labaw ka daghan kay sa una, ug human sa pipila ka tuig, siya mosulong uban sa usa ka dakong kasundalohan ug daghang mga kahimanan.

Daniel 12:6

Ug ako miingon sa tawo nga nagsul-ob ug lino, nga didto sa ibabaw sa katubigan sa suba, “Unsa ba ang gidugayon hangtod sa kataposan niining mga katingalahan?”

Daniel 12:8

Ako nakadungog apan ako wala makasabot, unya ako miingon, “O agalon ko, unsa ba ang sangpotanan niining mga butanga?”

Daniel 4:31

Samtang ang mga pulong diha pa sa baba sa hari, dihay tingog nga gikan sa langit, “O Hari Nabucodonosor, nganha kanimo kini gisulti: Ang gingharian mipalayo kanimo.

Daniel 4:34

Sa kataposan sa mga adlaw, ako, si Nabucodonosor miyahat sa akong mga mata ngadto sa langit ug ang akong salabotan nahiuli kanako. Akong gihimaya ang Labing Halangdon ug gidayeg ug gipasidunggan siya nga buhi hangtod sa kahangtoran, kay ang iyang paghari walay kataposan nga paggahom, ug ang iyang gingharian naglungtad gikan sa kaliwatan ngadto sa laing kaliwatan.

Daniel 7:21

Samtang ako nagtan-aw, kining sungay nakiggubat batok sa mga balaan ug mipatigbabaw kanila

Daniel 7:25

Siya magsulti ug mga pulong batok sa Labing Halangdon, ug magluya sa mga balaan sa Labing Halangdon, ug maghunahuna sa pag-usab sa mga panahon ug sa balaod; ug sila ihatag sa iyang kamot sa usa ka higayon duha ka higayon ug sa katunga sa usa ka higayon.

Daniel 8:14

Ug siya miingon kaniya, “Hangtod sa duha ka libo ug tulo ka gatos ka gabii ug buntag, unya ang balaang dapit mahiuli sa iyang hustong kahimtang.”

Daniel 8:24

Ang iyang gahom dako ug siya maghimo ug makapahadlok nga paglaglag ug molampos sa bisan unsa nga iyang buhaton, ug iyang lumpagon ang mga gamhanang tawo ug ang katawhan sa mga balaan.

Lucas 21:14

Busa ibutang sa inyong mga kasingkasing nga dili kamo maghunahunang daan kon unsay inyong ipanubag,

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Deuteronomio 26:19

aron ibutang kamo niya sa ibabaw sa tanang nasod nga iyang gibuhat, sa pagdayeg ug sa kabantog ug sa kadungganan ug nga kamo mahimong balaan nga katawhan ngadto sa Ginoo nga inyong Dios sumala sa iyang gisulti.”

Deuteronomio 32:36

Kay ang Ginoo maghatag ug hustisya sa iyang katawhan ug maluoy sa iyang mga sulugoon, sa dihang makita niya nga ang ilang kusog nawala ug walay nahibilin, ulipon o gawasnon.

Deuteronomio 32:40

Kay bayawon nako ang akong kamot ngadto sa langit ug manumpa, Ingon nga ako buhi hangtod sa kahangtoran,

Deuteronomio 7:6

“Kay kamo katawhan nga balaan ngadto sa Ginoo nga inyong Dios; ang Ginoo nga inyong Dios nagpili kaninyo aron mahimong usa ka katawhan nga iyang panag-iyahon gikan sa tanang mga katawhan nga anaa sa yuta.

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

Gipadayag 12:14

Apan gihatag ngadto sa babaye ang duha ka mga pako sa dakong agila aron siya makalupad gikan sa bitin ngadto sa kamingawan, sa dapit diin siya atimanon sulod sa usa ka panahon, ug sa mga panahon, ug sa katunga sa usa ka panahon.

Gipadayag 12:6

Ug ang babaye mikagiw ngadto sa kamingawan, diin may dapit nga gitagana sa Dios alang kaniya, diin siya atimanon sulod sa 1,260 ka adlaw.

Gipadayag 13:5

Ug ang bangis nga mananap gihatagan ug baba nga naglitok sa mga pulong sa pagpangandak ug pagpasipala, ug siya gitugotan sa paggamit sa iyang kagahom sulod sa 42 ka bulan.

Gipadayag 4:10

ang 24 ka kadagkoan mohapa sa atubangan niadtong naglingkod sa trono ug magsimba kaniya nga mao ang buhi hangtod sa kahangtoran, ug ang ilang mga purongpurong ipangitsa nila ngadto sa atubangan sa trono, dungan sa pag-awit nga mag-ingon,

Gipadayag 4:9

Ug sa diha nga ang mga buhing binuhat maghatag ug himaya ug pasidungog ug pasalamat ngadto kaniya nga naglingkod sa trono, ang buhi hangtod sa kahangtoran,