Daniel 12:4

Ang Biblia 2011

Apan ikaw, O Daniel, tagoa ang mga pulong ug takpi ang basahon, hangtod sa panahon sa kataposan. Daghan ang managan ngadto-nganhi ug ang kahibalo mouswag.”

Cross References

Isaias 11:9

Dili sila manghilabot o mangguba diha sa tanan nakong bukid nga balaan; kay ang yuta mapuno sa kahibalo sa Ginoo, sama sa mga tubig nga nagtabon sa dagat.

Isaias 29:11

Ug alang kaninyo ang panan-awon mahitungod niining tanan nahimo sama sa mga pulong sa usa ka basahon nga sinilyohan. Sa diha nga ang mga tawo maghatag niini ngadto sa makamaong mobasa nga nag-ingon, “Basaha kini,” siya moingon, “Dili ako makahimo, kay kini sinilyohan.”

Isaias 30:26

Dugang pa, ang kahayag sa bulan mahisama sa kahayag sa adlaw, ug ang kahayag sa adlaw mahimong pito ka pilo, ingon sa kahayag sa pito ka adlaw, sa adlaw nga ang Ginoo magbaat sa samad sa iyang katawhan ug mag-ayo sa ilang samad tungod sa iyang hampak.

Isaias 32:3

Unya ang mga mata niadtong nakakita dili tak-opan, ug ang mga dalunggan niadtong nakadungog mamati.

Isaias 8:16

Hugponga ang pagpamatuod, silyohi ang pagtulun-an taliwala sa akong mga tinun-an.

Jeremias 5:1

Dagan ngadto ug nganhi diha sa kadalanan sa Jerusalem, tan-awa ug hibaloi! Pangitaa diha sa mga hawan nga dapit niini kon makakita ba kamo ug usa ka tawo nga nagbuhat sa hustisya ug nangita sa kamatuoran; aron ako magpasaylo sa Jerusalem.

Daniel 10:1

Sa ikatulo nga tuig ni Ciro nga hari sa Persia, usa ka mensahe gipadayag kang Daniel nga ginganlan ug Beltesasar. Ug ang mensahe matuod ug kini dakong panagsumpaki, ug siya nakasabot sa mensahe ug adunay pagsabot sa panan-awon.

Daniel 10:14

Ug ako mianhi sa pagpasabot kanimo sa mahitabo sa imong katawhan sa ulahing mga adlaw kay ang panan-awon alang pa sa umaabot nga mga adlaw.”

Daniel 10:21

Apan isulti nako kanimo ang gisulat diha sa basahon sa kamatuoran, walay usa nga nakig-uban kanako sa pagpakig-away batok kanila, gawas kang Michael, ang imong pangulo.

Daniel 11:33

Ug ang uban sa katawhan nga maalamon makapasabot sa daghan bisan ug sila mangapukan pinaagi sa espada ug sa siga sa kalayo, sa pagkabihag ug pagtulis sa pipila ka adlaw.

Daniel 11:40

“Nianang panahona sa kataposan, ang hari sa habagatan mosulong kaniya apan ang hari sa amihanan mosulong kaniya sama sa alimpulos, uban ang mga karwahi ug mga tigpangabayo ug daghang mga sakayan sa dagat ug siya mosulod sa kayutaan, ug molukop ug moagi niini.

Daniel 12:13

Apan padayon sa imong panaw hangtod sa kataposan ug ikaw mopahulay ug motindog sa dapit nga gigahin kanimo sa imong bahin, sa kataposan sa mga adlaw.”

Daniel 12:5

Unya ako, si Daniel, mitan-aw, ug akong nakita nga dihay laing duha nga nagtindog, ang usa niining daplina sa suba ug ang usa niadtong daplina sa suba.

Daniel 12:9

Siya miingon, “Padayon sa imong panaw, Daniel, kay ang mga pulong gitakpan ug gisilyohan hangtod sa panahon sa kataposan.

Daniel 8:17

Busa siya miduol sa dapit diin ako magtindog ug sa pag-abot niya, nahadlok ako ug mihapa apan siya miingon kanako, “Sabta, O anak sa tawo, nga ang panan-awon alang sa panahon sa kataposan.”

Daniel 8:19

Siya miingon, “Ania ipadayag nako kanimo ang mahitungod sa mahitabo sa kataposang panahon sa kasuko kay kini nagpasabot sa gitakda nga panahon sa kataposan.

Daniel 8:26

Ang panan-awon sa gabii ug sa buntag nga gisugilon matuod, apan tipigi ang panan-awon kay kini nagpasabot sa daghang mga adlaw nga umaabot.”

Mateo 24:14

Ug kining Maayong Balita mahitungod sa gingharian iwali ngadto sa tibuok nga kalibotan ingon nga pagsaksi ngadto sa tanang kanasoran ug unya moabot ang kataposan.

Roma 10:18

Apan mangutana ako, wala ba sila makadungog? Oo, nakadungog sila, kay “Ang ilang tingog milanog ngadto sa tibuok yuta, ug ang ilang mga pulong ngadto sa mga kinatumyan sa kalibotan.”

Gipadayag 10:4

Ug sa nakatingog na ang pito ka dalugdog, isulat ko na unta kini, apan akong nadungog gikan sa langit ang usa ka tingog nga nag-ingon, “Timan-i ang gisulti sa pito ka dalugdog, ug ayaw kini isulat.”

Gipadayag 22:10

Ug siya miingon kanako, “Ayaw ug silyohi ang mga pulong sa propesiya niining basahona, kay ang panahon duol na.

Gipadayag 5:1

Ug nakita nako diha sa tuong kamot niadtong naglingkod sa trono ang usa ka basahong linukot nga may sinulat diha sa sulod ug sa likod niini, sinilyohan ug pito ka silyo.