Daniel 12:10

Ang Biblia 2011

Daghan ang maghinlo sa ilang kaugalingon ug magpaputi sa ilang kaugalingon, ug mangaulay apan ang daotan magbuhat ug daotan, ug walay bisan kinsa sa mga daotan nga makasabot apan ang mga maalamon makasabot.

Cross References

Salmo 107:43

Si bisan kinsa nga maalamon, papaminawa niining mga butanga; papamalandonga sila sa gugmang walay paglubad sa Ginoo.

Salmo 51:7

Hinloi ako pinaagi sa hisopo, ug mahinlo ako; hugasi ako, ug mahimo ako nga puti kaayo.

Mga Panultihon 1:5

ang tawo nga maalamon mamati usab ug magdugang sa kinaadman, ug ang tawo nga may panabot makabaton sa maayong mga tambag,

Isaias 1:18

“Dali ngari, maghusay kita, nag-ingon ang Ginoo; bisan ug ang inyong mga sala pula kaayo, himoon kining puti kaayo, bisan pa ug kini lutong pula, kini mahimong sama sa puting balhibo sa karnero.

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Ezequiel 47:11

Apan ang mga dapit niini nga kalapokan ug ang mga lamakan dili mahimong tab-ang; kini igahin alang sa asin.

Daniel 11:33

Ug ang uban sa katawhan nga maalamon makapasabot sa daghan bisan ug sila mangapukan pinaagi sa espada ug sa siga sa kalayo, sa pagkabihag ug pagtulis sa pipila ka adlaw.

Daniel 11:35

Ug ang uban kanila nga maalamon mangapukan, sa pag-ulay ug sa paghinlo kanila ug sa pagpaputi kanila, hangtod sa panahon sa kataposan kay kini alang pa man sa panahon nga gitakda.

Daniel 12:3

Ug kadtong mga maalamon modan-ag sama sa kasanag sa wanang sa kalangitan, ug kadtong nagkabig sa daghan ngadto sa pagkamatarong, sama sa mga bituon hangtod sa kahangtoran.

Oseas 14:9

Si bisan kinsa nga maalamon makasabot niining mga butanga, si bisan kinsa nga may panabot makahibalo niini. Kay ang mga dalan sa Ginoo matarong ug ang matarong maglakaw subay niini apan ang mga malapason mahisukamod diha niini.

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Malaquias 3:3

Siya molingkod sama sa tigtunaw ug tig-ulay sa plata ug iyang putlion ang mga anak ni Levi, ug ulayon sila sama sa bulawan ug sa plata hangtod nga sila maghalad ug angay nga mga halad ngadto sa Ginoo.

Marcos 4:11

Ug siya miingon kanila, “Kaninyo gihatag ang tinago mahitungod sa gingharian sa Dios apan kanila nga anaa sa gawas, ang tanan ipaagi sa mga sambingay,

Lucas 24:25

Ug si Jesus miingon kanila, “O mga tawong buangbuang, ug mga hinay ug kasingkasing sa pagtuo sa tanang gisulti sa mga propeta!

Juan 18:37

Ug si Pilato miingon kaniya, “Busa ikaw hari diay?” Si Jesus mitubag kaniya, “Ikaw nagsulti nga ako hari. Ug alang niini ako natawo, ug alang niini ako mianhi sa kalibotan aron sa pagpadayag sa kamatuoran. Ang tanan nga iya sa kamatuoran namati sa akong tingog.”

Juan 7:17

Kon buot ni bisan kinsa ang pagbuhat sa kabubut-on sa Dios, kinahanglang mahibaloan niya kon ang gitudlo gikan ba sa Dios o nagsulti ba lamang ako gikan sa akong kaugalingon.

Juan 8:47

Siya nga gikan sa Dios mamati sa mga pulong sa Dios. Busa dili kamo mamati kay kamo dili man gikan sa Dios.”

1 Mga Taga-Corinto 6:11

Ug kaniadto ang uban kaninyo ingon niini. Apan kamo gihinloan na, kamo gibalaan na, kamo gihimo nang matarong diha sa ngalan sa Ginoong Jesu-Cristo ug pinaagi sa Espiritu sa atong Dios.

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Mga Hebreo 12:10

Kay sila nagpanton kanato sulod sa mubong panahon lamang sumala sa ilang gipakamaayo, apan siya nagpanton kanato alang sa atong kaayohan, aron kita makaambit sa iyang pagkabalaan.

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Pedro 1:7

aron nga ang pagkatinuod sa inyong pagtuo, nga labaw pa ka bililhon kay sa bulawan nga madugta nga sulayan pinaagi ug kalayo, mosangpot ngadto sa pagdayeg ug paghimaya ug pagpasidungog inigpadayag unya kang Jesu-Cristo.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

Gipadayag 16:11

ug ilang gipasipalahan ang Dios sa langit tungod sa ilang mga kasakit ug sa ilang mga kabahong ug wala nila hinulsoli ang ilang mga binuhatan.

Gipadayag 19:14

Ug ang mga panon sa kasundalohan sa langit nga nagbisti ug pino nga lino, puti nga pagkahinlo, nagsunod kaniya, nagsakay ug mga puting kabayo.

Gipadayag 19:8

ug sa Pangasaw-onon gitugot ang pagbisti ug pino nga lino, sanag ug putli”, kay ang pino nga lino mao man ang mga matarong nga binuhatan sa mga balaan.

Gipadayag 22:11

Ang nagbuhat ug daotan pabuhata gihapon siya ug daotan ug ang hugaw papadayona gihapon sa pagkahugaw, ug ang matarong pabuhata gihapon ug matarong, ug ang balaan papadayona gihapon sa pagkabalaan.”

Gipadayag 3:18

Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.

1 Samuel 24:13

Sumala sa giingon sa karaan nga panultihon, ‘Gikan sa daotan mogula ang pagkadaotan’, apan ang akong kamot dili gayod makigbatok kanimo.