Daniel 11:8

Ang Biblia 2011

Iyang dad-on ngadto sa Ehipto ang ilang mga dios uban sa mga tinunaw nga larawan ug sa ilang mahalon nga mga sudlanan nga plata ug bulawan, ug sulod sa pipila ka tuig siya maglikay sa pagsulong sa hari sa amihanan.

Cross References

Genesis 31:30

Ug karon milakaw ikaw, kay ikaw may dakong tinguha sa pag-adto sa balay sa imong amahan, apan ngano nga gikawat man nimo ang akong mga dios?”

2 Samuel 5:21

Ug didto gibiyaan sa mga Filistihanon ang ilang mga diosdios, ug si David ug ang iyang mga tawo midala niini.

Exodo 12:12

Kay molatas ako nianang gabhiona sa yuta sa Ehipto ug pamatyon nako ang tanang kamagulangan sa yuta sa Ehipto, tawo ug mananap, ug hukman nako ang tanang diosdios sa Ehipto. Ako ang Ginoo.

Isaias 2:16

batok sa tanang barko sa Tarsis, ug batok sa tanang matahom nga mga larawan.

Isaias 37:19

ug nagsalibay sa ilang mga diosdios ngadto sa kalayo, kay sila dili man mga dios, kondili buhat sa mga kamot sa mga tawo, kahoy ug bato; busa gilaglag kini.

Jeremias 46:25

Ang Ginoo sa mga panon, ang Dios sa Israel, nag-ingon, “Tan-awa, ako nagdala ug silot ngadto kang Ammon sa Tebes ug sa Paraon ug sa Ehipto ug sa iyang mga dios ug sa iyang mga hari ngadto sa Paraon ug sa mga nagsalig kaniya.

Daniel 10:3

Ako wala mokaon ug maayong mga pagkaon, walay karne o bino nga misulod sa akong baba, ug wala ako magdihog sa akong kaugalingon, sulod sa tibuok tulo ka semana.

Daniel 11:9

Unya ang hari sa amihanan moadto sa gingharian sa hari sa habagatan apan mobalik ngadto sa kaugalingon niyang yuta.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.

Oseas 8:6

Kay kini gikan sa Israel, usa ka tigbuhat naghimo niini, dili ang Dios Ang nating baka sa Samaria dugmokon.

Numeros 33:4

samtang ang mga Ehiptohanon naglubong sa tanan nilang mga kamagulangan nga gipamatay sa Ginoo sa taliwala nila. Ngadto usab sa ilang mga dios, ang Ginoo nagpahamtang ug mga paghukom.

Deuteronomio 12:3

Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.

Mga Maghuhukom 18:24

Ug siya miingon, “Inyong gikuha ang akong mga dios nga akong gibuhat ug ang pari, ug namiya kamo, ug unsay nahibilin kanako? Nganong mangutana man kamo kanako, ‘Unsay nakaingon kanimo?’ ”