Daniel 11:6

Ang Biblia 2011

Human sa pipila ka tuig sila makig-abin ug ang anak nga babaye sa hari sa habagatan moadto sa hari sa amihanan aron sa pagpakigdait, apan dili magpabilin kaniya ang kusog sa iyang bukton. Ang hari ug ang iyang kaliwat dili makalahutay, hinuon itugyan ang babaye ug ang nagbantay kaniya, ang iyang anak ug ang nanag-iya kaniya.

Cross References

Job 38:15

Gikan sa mga tawong daotan ang ilang suga gihikaw, ug ang tinuboy nila nga bukton nabali.

Salmo 10:5

Ang iyang mga dalan nag-uswag sa tanang panahon; ang imong mga panghukom anaa sa itaas, layo sa iyang panglantaw; ang iyang mga kaaway iya lang yam-iran.

Ezequiel 30:21

“Anak sa tawo, gibali nako ang bukton sa Paraon nga hari sa Ehipto; ug tan-awa, kini wala bugkosi, aron tambalan kini pinaagi sa pagbugkos ug bendahi aron malig-on unta kini alang sa pagkupot sa espada.

Daniel 11:13

Kay ang hari sa amihanan magtigom na usab ug dakong panon nga labaw ka daghan kay sa una, ug human sa pipila ka tuig, siya mosulong uban sa usa ka dakong kasundalohan ug daghang mga kahimanan.

Daniel 11:15

Unya ang hari sa amihanan moabot ug magpabarog ug kahimanan sa pagsulong ug ilogon ang usa ka siyudad nga maayong pagkalig-on. Ug ang kasundalohan sa habagatan dili makasukol bisan ang iyang mga piniling panon kay wala gayoy kusog nga makasugakod.

Daniel 11:40

“Nianang panahona sa kataposan, ang hari sa habagatan mosulong kaniya apan ang hari sa amihanan mosulong kaniya sama sa alimpulos, uban ang mga karwahi ug mga tigpangabayo ug daghang mga sakayan sa dagat ug siya mosulod sa kayutaan, ug molukop ug moagi niini.

Daniel 11:7

“Niadtong mga panahona, ang usa ka sanga gikan sa iyang mga gamot motindog puli kaniya, siya moadto batok sa kasundalohan ug mosulod sa kuta sa hari sa amihanan ug siya makig-away kanila ug modaog.

Zacarias 11:16

Kay tan-awa, pabarogon nako ang usa ka tigbantay sa karnero diha sa yuta, nga dili magtagad sa mga nagkalaglag o mangita sa mga nangawala o mag-ayo sa nangapiang o magpakaon sa mga maayo ug panglawas, hinuon maglamoy sa unod sa mga tambok nga karnero, maglaksi sa ilang mga kuko.