Daniel 11:40

Ang Biblia 2011

“Nianang panahona sa kataposan, ang hari sa habagatan mosulong kaniya apan ang hari sa amihanan mosulong kaniya sama sa alimpulos, uban ang mga karwahi ug mga tigpangabayo ug daghang mga sakayan sa dagat ug siya mosulod sa kayutaan, ug molukop ug moagi niini.

Cross References

Isaias 21:1

Ang mensahe mahitungod sa kamingawan sa dagat. Ingon nga ang mga alimpulos sa Negeb molahos, kini naggikan sa kamingawan, gikan sa usa ka yuta nga makalilisang.

Isaias 5:28

ang ilang mga udyong hait, ang tanan nilang mga pana gibingat, ang mga kuko sa ilang mga kabayo sama sa santik, ug ang ilang mga ligid sama sa alimpulos.

Isaias 66:15

“Kay, tan-awa, ang Ginoo moanhi diha sa kalayo, ug ang iyang mga karwahi sama sa alimpulos, aron sa pagpahamtang sa iyang kasuko diha sa kapungot, ug sa iyang pagbadlong pinaagi sa nagdilaab nga kalayo.

Jeremias 4:13

Tan-awa, siya moanhi sama sa mga panganod, ang iyang mga karwahi sama sa alimpulos; ang iyang mga kabayo tulin pa kay sa mga agila— alaot kita, kay kita nangalaglag!

Ezequiel 38:4

Pabalikon ko ikaw, ug kaw-itan ang imong mga apapangig, ug pagulaon ko ikaw ug ang tanan nimong kasundalohan, mga kabayo ug mga tigpangabayo, silang tanan sangkap sa hinagiban, usa ka dakong panon nga may mga sagang ug taming, silang tanan nga naggamit ug mga espada.

Ezequiel 38:9

Ikaw motungas, moabot sama sa usa ka bagyo, ikaw mahimong sama sa usa ka panganod nga motabon sa yuta, ikaw ug ang tanan nimong mga panon, ug ang daghang katawhan uban kanimo.

Daniel 11:10

“Ang iyang mga anak nga lalaki makiggubat ug magtigom ug usa ka dakong panon sa kasundalohan nga mosulong ug molapaw ug molabang ug magdala na usab sa gubat hangtod sa iyang kuta.

Daniel 11:11

Unya ang hari sa habagatan nga nasuko pag-ayo mogula ug makiggubat sa hari sa amihanan, ug siya magpabarog ug usa ka dakong panon, apan kini itugyan ngadto sa iyang kamot.

Daniel 11:13

Kay ang hari sa amihanan magtigom na usab ug dakong panon nga labaw ka daghan kay sa una, ug human sa pipila ka tuig, siya mosulong uban sa usa ka dakong kasundalohan ug daghang mga kahimanan.

Daniel 11:22

Ang kasundalohan mangahanaw sa iyang atubangan ug mabungkag ug ang pangulo sa kasabotan usab.

Daniel 11:25

Iyang hagiton ang iyang gahom ug ang iyang kaisog batok sa hari sa habagatan uban ang dakong kasundalohan ug ang hari sa habagatan makiggubat uban ang hilabihan ka dako ug lig-ong kasundalohan apan siya dili makasukol kay adunay mga laraw nga gimugna batok kaniya.

Daniel 11:35

Ug ang uban kanila nga maalamon mangapukan, sa pag-ulay ug sa paghinlo kanila ug sa pagpaputi kanila, hangtod sa panahon sa kataposan kay kini alang pa man sa panahon nga gitakda.

Daniel 11:39

Siya magbuhat sa labing lig-on nga mga kuta tungod sa tabang sa langyaw nga dios. Kadtong moila kaniya, iyang dayegon uban sa pagpasidungog. Himoon niya sila nga mga pangulo sa daghan, ug bahinon ang yuta ingon nga ganti.

Daniel 11:7

“Niadtong mga panahona, ang usa ka sanga gikan sa iyang mga gamot motindog puli kaniya, siya moadto batok sa kasundalohan ug mosulod sa kuta sa hari sa amihanan ug siya makig-away kanila ug modaog.

Daniel 12:4

Apan ikaw, O Daniel, tagoa ang mga pulong ug takpi ang basahon, hangtod sa panahon sa kataposan. Daghan ang managan ngadto-nganhi ug ang kahibalo mouswag.”

Daniel 12:9

Siya miingon, “Padayon sa imong panaw, Daniel, kay ang mga pulong gitakpan ug gisilyohan hangtod sa panahon sa kataposan.

Daniel 8:17

Busa siya miduol sa dapit diin ako magtindog ug sa pag-abot niya, nahadlok ako ug mihapa apan siya miingon kanako, “Sabta, O anak sa tawo, nga ang panan-awon alang sa panahon sa kataposan.”

Habacuc 3:14

Gipalagbasan nimo sa imong mga bangkaw ang ulo sa iyang mga manggugubat, nga mianhi sama sa alimpulos aron sa pagkatag kanako, naglipay nga daw molamoy sa kabos diha sa tago.

Zacarias 9:14

Unya ang Ginoo magpakita ibabaw kanila, ug ang iyang udyong mokilab sama sa kilat; ang Ginoong Dios mopatingog sa trumpeta, ug mokuyog sa mga alimpulos sa habagatan.

Gipadayag 16:12

Ang ikaunom nga anghel miyabo sa iyang panaksan sa ibabaw sa dakong suba sa Eufrates, ug nahubsan kini sa tubig aron sa pagtagana ug agianan alang sa mga hari gikan sa silangan.

Gipadayag 9:16

Ang gidaghanon sa kasundalohan nga nagkabayo duha ka napulo ka libo pil-on ug napulo ka libo, akong nadungog ang ilang gidaghanon.