Daniel 11:4

Ang Biblia 2011

Ug sa diha nga mobarog na siya, ang iyang gingharian mabungkag ug mabahin paingon sa upat ka hangin sa langit, apan dili sa iyang kaliwatan o sumala sa iyang paghari nga niini siya nagmando, kay ang iyang gingharian ibton ug maadto sa lain gawas niini.

Cross References

Salmo 39:6

Sa pagkatinuod, ang matag tawo naglakaw ingon sa usa ka anino! Sa pagkatinuod, ang ilang kaguliyang kawang lamang; siya nagtigom ug wala mahibalo kon kinsa ang makaangkon niini.

Ecclesiastes 4:8

usa ka tawo nga nag-inusara, walay anak o igsoon, apan walay kataposan ang tanan niyang paghago, ug ang iyang mga mata wala gayod matagbaw sa mga bahandi, mao nga siya mangutana, “Alang kang kinsa ako naghago ug naghikaw sa akong kaugalingon sa kalipay?” Kini usab kakawangan ug usa ka makasusubo nga buluhaton.

Jeremias 12:15

Human nako sila maibot, kaluy-an na usab nako sila ug dad-on na usab nako ang matag usa kanila ngadto sa iyang panulundon ug ang matag usa ngadto sa iyang yuta.

Jeremias 12:17

Apan kon adunay nasod nga dili mamati, ibton gayod nako kini ug laglagon, nag-ingon ang Ginoo.”

Jeremias 18:7

Kon sa bisan unsang taknaa nga ako magpahayag mahitungod sa usa ka nasod, sa usa ka gingharian, nga akong ibton ug lampagon ug laglagon kini,

Jeremias 31:40

Ang tibuok nga walog sa mga patayng lawas ug sa mga abo, ug ang tanang mga uma hangtod sa sapa sa Kidron, ngadto sa eskina sa Ganghaan sa Kabayo paingon sa silangan, mahimong balaan alang sa Ginoo. Kini dili ibton, o lumpagon pa hangtod sa kahangtoran.”

Jeremias 45:4

Busa mao kini ang isulti kaniya, Mao kini ang giingon sa Ginoo: Unsay akong gitukod akong tumpagon ug unsay akong gitanom, akong ibton—kini mao ang tibuok nga yuta.

Jeremias 49:36

ug ipadala nako ngadto sa Elam ang upat ka hangin nga gikan sa upat ka suok sa langit, ug patibulaagon nako sila ngadto nianang mga hangin ug walay nasod nga dili adtoan sa mga sinalikway sa Elam.

Ezequiel 37:9

Unya siya miingon kanako, “Pagpropesiya ngadto sa gininhawa, pagpropesiya, anak sa tawo, ug ingna ang gininhawa, Mao kini ang gisulti sa Ginoong Dios: Dali ngari gikan sa upat ka hangin, O gininhawa, ug ginhawai kining mga gipamatay, aron sila mangabuhi.”

Daniel 7:2

Si Daniel miingon, “Akong nakita sa akong panan-awon sa pagkagabii ug dihay upat ka hangin sa langit nga mikutaw sa dakong dagat,

Daniel 7:6

Human niini, ako mitan-aw ug nakita nako ang lain nga sama sa usa ka leopardo, nga adunay upat ka pako sa langgam sa likod niini, ug ang mananap adunay upat usab ka ulo ug ang paggahom gihatag kaniya.

Daniel 7:8

Akong gisud-ong ang mga sungay, ug dihay migula gikan kanila nga laing sungay nga gamay, nga sa atubangan niining tulo sa unang mga sungay giibot hangtod sa mga gamot, ug niining sungaya dihay mga mata nga sama sa mga mata sa tawo, ug usa ka baba nga nagsulti ug dagkong mga butang.

Daniel 8:22

Ug mahitungod sa sungay nga naputol, sa dapit diin may lain pang upat nga mitungha, upat ka gingharian ang motungha gikan sa iyang nasod, apan dili sa iyang gahom.

Daniel 8:8

Unya ang laking kanding nagpagarbo pag-ayo sa iyang kaugalingon, apan sa diha nga nakusgan na siya, ang dakong sungay nabali, ug puli niini migula ang upat ka dayag nga sungay paingon sa upat ka hangin sa langit.

Zacarias 2:6

Dali! Dali! Biya kamo gikan sa yuta sa amihanan, nag-ingon ang Ginoo, kay gikatag na kamo nako ingon sa upat ka hangin sa kalangitan, nag-ingon ang Ginoo.

Zacarias 6:5

Ug ang anghel mitubag kanako, “Kini mao ang upat ka hangin sa langit nga mopanaw human makapakita sa ilang kaugalingon atubangan sa Ginoo sa tibuok nga yuta.

Mateo 12:25

Apan si Jesus nga nasayod sa ilang mga hunahuna miingon kanila, “Ang matag gingharian nga mabahin batok sa iyang kaugalingon mapukan, ug ang matag siyudad o balay nga mabahin batok sa iyang kaugalingon dili motunhay.

Lucas 12:20

Apan ang Dios miingon kaniya, ‘Buang! Karong gabhiona ang imong kalag kuhaon gikan kanimo ug ang mga butang nga imong giandam, kang kinsa na man unya kini?’

Gipadayag 7:1

Human niini akong nakita ang upat ka anghel nga nagtindog diha sa upat ka suok sa kalibotan, nagpugong sa upat ka hangin sa kalibotan, aron walay hangin nga mohuyop sa yuta o sa dagat o sa bisan unsa nga kahoy.