Daniel 11:25

Ang Biblia 2011

Iyang hagiton ang iyang gahom ug ang iyang kaisog batok sa hari sa habagatan uban ang dakong kasundalohan ug ang hari sa habagatan makiggubat uban ang hilabihan ka dako ug lig-ong kasundalohan apan siya dili makasukol kay adunay mga laraw nga gimugna batok kaniya.

Cross References

Mga Panultihon 15:18

Ang usa ka tawo nga masuk-anon naghagit ug panag-away, apan siya nga hinay sa pagkasuko nagpahilom sa panagbingkil.

Mga Panultihon 28:25

Ang hakog nga tawo naghagit ug away, apan siya nga nagsalig sa Ginoo magmauswagon.

Daniel 11:10

“Ang iyang mga anak nga lalaki makiggubat ug magtigom ug usa ka dakong panon sa kasundalohan nga mosulong ug molapaw ug molabang ug magdala na usab sa gubat hangtod sa iyang kuta.

Daniel 11:2

“Karon ipakita nako kanimo ang kamatuoran. Tan-awa, tulo pa ka hari ang mobarog sa Persia, ug ang ikaupat labing dato kay kanilang tanan ug sa diha nga nakusgan na siya tungod sa iyang mga bahandi, hagiton niya ang tanan batok sa gingharian sa Gresya.

Daniel 11:40

“Nianang panahona sa kataposan, ang hari sa habagatan mosulong kaniya apan ang hari sa amihanan mosulong kaniya sama sa alimpulos, uban ang mga karwahi ug mga tigpangabayo ug daghang mga sakayan sa dagat ug siya mosulod sa kayutaan, ug molukop ug moagi niini.

Daniel 11:5

“Unya ang hari sa habagatan mahimong gamhanan apan ang usa sa iyang mga pangulo mahimong gamhanan pa kay kaniya, ug ang iyang paggahom mahimong dakong paggahom.