Daniel 11:24

Ang Biblia 2011

Sa walay pagpasidaan siya mosulong ngadto sa labing dato nga mga dapit sa lalawigan ug buhaton niya kadtong wala buhata sa iyang katigulangan o sa mga amahan sa iyang katigulangan, katagon sa taliwala nila ang linungkab, ang inilog ug ang mga katigayonan. Siya magmugna ug mga laraw batok sa mga kuta, apan alang lamang sa usa ka panahon.

Cross References

Nehemias 9:25

Ug ilang gipanguha ang mga siyudad nga kinutaan ug ang tabunok nga yuta ug gipanag-iya ang mga balay nga puno sa mga maayong butang, mga tangke nga kinalot, mga kaparasan, mga kaolibohan ug daghang kaprutasan. Busa nangaon sila ug nangabusog, ug nanambok ug nalipay sa ilang kaugalingon tungod sa imong dakong kaayo.

Mga Panultihon 17:8

Ang suborno sama sa usa ka bililhong bato diha sa mga mata sa naghatag niini; bisan diin siya moliso mouswag siya.

Mga Panultihon 19:6

Daghan ang mangita sa kaluoy sa mahinatagon nga tawo, ug ang matag usa higala sa tawo nga manghatag ug mga gasa.

Mga Panultihon 23:7

kay sama siya sa tawo nga nag-isip diha sa iyang kasingkasing, “Kaon ug inom!” siya moingon kanimo; apan ang iyang kasingkasing wala diha kanimo.

Ezequiel 34:14

Pasibsibon nako sila sa usa ka maayong sibsibanan, ug ang ibabaw sa mga habog nga kabukiran sa Israel mao ang ilang sibsibanan; adto sila magpahulay diha sa maayong sibsibanan, ug sa usa ka tambok nga sibsibanan sila manibsib didto sa kabukiran sa Israel.

Ezequiel 38:10

“Mao kini ang gisulti sa Ginoong Dios: Nianang adlawa, mga hunahuna mosantop sa imong kaisipan, ug ikaw maglaraw ug usa ka daotang buhat.

Daniel 11:23

Ug sukad sa panahon nga nahimo ang pagpakig-abin uban kaniya, siya magbuhat nga malimbongon ug siya mahimong lig-on uban sa diyotay nga katawhan.

Daniel 7:25

Siya magsulti ug mga pulong batok sa Labing Halangdon, ug magluya sa mga balaan sa Labing Halangdon, ug maghunahuna sa pag-usab sa mga panahon ug sa balaod; ug sila ihatag sa iyang kamot sa usa ka higayon duha ka higayon ug sa katunga sa usa ka higayon.

Numeros 13:20

ug kon ang yuta tambok ba o daot, kon didto aduna bay kakahoyan o wala. Ug pagmadasigon kamo, ug pagdala kamo sa bunga sa kayutaan.” Kadtong panahona mao ang panahon sa unang pagpanghinog sa mga ubas.

Mateo 9:4

Apan si Jesus nga nasayod sa ilang mga hunahuna, miingon kanila, “Nganong naghunahuna man kamo ug daotan diha sa inyong mga kasingkasing?

Mga Maghuhukom 9:4

Ug sila mihatag kaniya ug 70 ka buok salaping plata gikan sa balay ni Baal-berit, nga niini si Abimelek nagsuhol ug mga tawo nga walay pulos ug walay hinungdan, nga misunod kaniya.