Daniel 11:23

Ang Biblia 2011

Ug sukad sa panahon nga nahimo ang pagpakig-abin uban kaniya, siya magbuhat nga malimbongon ug siya mahimong lig-on uban sa diyotay nga katawhan.

Cross References

Genesis 34:13

Ang mga anak nga lalaki ni Jacob mitubag nga malimbongon kang Sekem ug kang Hamor nga iyang amahan tungod kay gipanamastamasan niya si Dina nga ilang igsoon.

Salmo 52:2

ikaw naglaraw ug daotan. Ang imong dila sama sa hait nga labaha, ikaw nga nagbuhat nga malimbongon.

Mga Panultihon 11:18

Ang daotan nagdawat sa mga malimbongon nga suhol, apan ang nagpugas ug pagkamatarong makabaton ug siguro nga ganti.

Daniel 11:22

Ang kasundalohan mangahanaw sa iyang atubangan ug mabungkag ug ang pangulo sa kasabotan usab.

Daniel 11:24

Sa walay pagpasidaan siya mosulong ngadto sa labing dato nga mga dapit sa lalawigan ug buhaton niya kadtong wala buhata sa iyang katigulangan o sa mga amahan sa iyang katigulangan, katagon sa taliwala nila ang linungkab, ang inilog ug ang mga katigayonan. Siya magmugna ug mga laraw batok sa mga kuta, apan alang lamang sa usa ka panahon.

Daniel 8:24

Ang iyang gahom dako ug siya maghimo ug makapahadlok nga paglaglag ug molampos sa bisan unsa nga iyang buhaton, ug iyang lumpagon ang mga gamhanang tawo ug ang katawhan sa mga balaan.

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Roma 1:29

Sila napuno sa tanang matang sa pagkadili matarong, pagkadaotan, kahakog, kangil-ad. Puno sila sa kasina, pagpatay, pakig-away, pagpangilad, daotang tinguha, pagpanglibak, pagdaot sa dungog;

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

2 Mga Taga-Tesalonica 2:9

Ang pagtungha sa malapason sa balaod pinaagi sa paglihok ni Satanas ubanan sa tanang gahom ug mga ilhanan ug katingalahan nga bakak,