Daniel 11:22

Ang Biblia 2011

Ang kasundalohan mangahanaw sa iyang atubangan ug mabungkag ug ang pangulo sa kasabotan usab.

Cross References

Isaias 28:15

Tungod kay kamo nag-ingon, “Kami naghimo ug usa ka kasabotan uban sa kamatayon, ug uban sa Sheol kami may gikauyonan; sa diha nga moagi na ang naghaguros nga bunal, kini dili modangat kanamo; kay ang kabakakan gihimo namong dalangpanan, ug diha sa kabakakan kami magpasalipod sa among kaugalingon”;

Daniel 11:10

“Ang iyang mga anak nga lalaki makiggubat ug magtigom ug usa ka dakong panon sa kasundalohan nga mosulong ug molapaw ug molabang ug magdala na usab sa gubat hangtod sa iyang kuta.

Daniel 11:23

Ug sukad sa panahon nga nahimo ang pagpakig-abin uban kaniya, siya magbuhat nga malimbongon ug siya mahimong lig-on uban sa diyotay nga katawhan.

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Daniel 9:26

Ug human sa 62 ka pito ka tuig, ang dinihogan patyon ug walay mabatonan bisan unsa, ug ang katawhan sa pangulo nga moabot maoy molaglag sa siyudad ug sa balaang dapit. Ang kataposan niini moabot sama sa baha ug hangtod sa kataposan adunay gubat, ang pagkagun-ob gitakda na.

Amos 8:8

Dili ba mokurog ang yuta tungod niini, ug maguol ang tanan nga nagpuyo niini, ug ang tanan niini motubo sama sa Nilo, ug motubo ug mohubas pag-usab, sama sa Nilo sa Ehipto?”

Amos 9:5

Ang Ginoong Dios sa mga panon, siya nga mihikap sa yuta ug kini natunaw, ug ang tanan nga nagpuyo niini nagsubo, ug ang tanan niini motubo sama sa Nilo, ug mohubas pag-usab sama sa Nilo sa Ehipto;

Nahum 1:8

Apan uban sa dakong bul-og sa baha iyang puohon ang iyang mga kaaway, ug gukdon niya ang iyang mga kaaway ngadto sa kangitngit.