Daniel 11:21

Ang Biblia 2011

“Puli kaniya mobarog ang usa ka tawo nga talamayon, nga wala kahatagi sa kadungganan sa gingharian. Siya moabot nga walay pagpasidaan ug mokuha sa gingharian pinaagi sa mga pag-ulog-ulog.

Cross References

Salmo 12:8

Ang mga daotan naglakaw sa bisan diin nga dapit, ingon nga ang kangil-ad gipasidunggan taliwala sa mga anak sa mga tawo.

Salmo 15:4

sa iyang mga mata gitamay ang tawo nga dunot ug kasingkasing, apan nagtahod siya sa mga may kahadlok sa Ginoo; mobarog sa iyang panumpa bisan kini makasakit kaniya;

Salmo 55:21

Ang iyang pagpanulti hapsay pa sa mantikilya, apan gubat ang anaa sa iyang kasingkasing; ang iyang mga pulong lumo pa sa lana, apan diay inandam nga mga espada.

Isaias 32:5

Ang buangbuang dili na tawgon nga halangdon, o ang hakog tawgon nga dungganan.

Daniel 11:20

“Unya mobarog puli kaniya ang magpadala ug usa ka tigpaningil ug buhis latas sa himaya sa gingharian apan sulod sa pipila ka adlaw siya maguba, dili sa kasuko o sa gubat.

Daniel 11:32

Unya ilang danihon uban sa pag-ulog-ulog kadtong milapas sa kasabotan apan ang katawhan nga nakaila sa ilang Dios mobarog nga lig-on ug mosupak.

Daniel 11:34

Sa diha nga sila mangapukan, sila makadawat ug gamay nga tabang, ug daghan ang motipon kanila uban ang pag-ulog-ulog.

Daniel 11:7

“Niadtong mga panahona, ang usa ka sanga gikan sa iyang mga gamot motindog puli kaniya, siya moadto batok sa kasundalohan ug mosulod sa kuta sa hari sa amihanan ug siya makig-away kanila ug modaog.

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 7:8

Akong gisud-ong ang mga sungay, ug dihay migula gikan kanila nga laing sungay nga gamay, nga sa atubangan niining tulo sa unang mga sungay giibot hangtod sa mga gamot, ug niining sungaya dihay mga mata nga sama sa mga mata sa tawo, ug usa ka baba nga nagsulti ug dagkong mga butang.

Daniel 8:23

Sa ulahing panahon sa ilang paghari, sa diha nga ang mga malapason moabot na sa hingpit nga sukod, ang usa ka hari nga isog ug panagway, siya nga makasabot ug mga tigmo mobarog.

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Daniel 8:9

Gikan sa usa kanila migula ang usa ka gamay nga sungay nga mitubo sa hilabihan nga pagkadako paingon sa habagatan, paingon sa silangan ug paingon sa mahimayaon nga yuta.

Nahum 1:14

Ang Ginoo naghatag ug sugo mahitungod kanimo, “Dili na gayod magpadayon ang imong ngalan; gikan sa balay sa imong mga dios akong puohon ang larawan nga kinulit ug ang larawan nga tinunaw. Akong himoon ang imong lubnganan kay ikaw daotan.”

1 Samuel 3:13

Kay ako nagsulti kaniya nga ang iyang panimalay hapit na nako silotan hangtod sa kahangtoran tungod sa ilang sala nga iyang nahibaloan, kay ang iyang mga anak nga lalaki nagpasipala sa Dios ug wala siya magpugong kanila.