Daniel 11:15

Ang Biblia 2011

Unya ang hari sa amihanan moabot ug magpabarog ug kahimanan sa pagsulong ug ilogon ang usa ka siyudad nga maayong pagkalig-on. Ug ang kasundalohan sa habagatan dili makasukol bisan ang iyang mga piniling panon kay wala gayoy kusog nga makasugakod.

Cross References

Jeremias 33:4

Kay mao kini ang giingon sa Ginoo, ang Dios sa Israel, mahitungod sa mga balay niining siyudara, ug sa mga balay sa mga hari sa Juda, nga gilumpag aron sa paghimo ug panalipod batok sa mga pagsulong ug sa espada:

Jeremias 5:10

“Panaka kamo agi sa iyang mga kaparasan, ug gun-oba kini, apan ayaw hingpita sa pagguba; kuhaa ang iyang mga sanga, kay dili kini iya sa Ginoo.

Jeremias 52:4

Sa ikasiyam nga tuig sa iyang paghari, sa ikanapulo nga bulan, sa ikanapulo nga adlaw sa bulan, si Nabucodnosor nga hari sa Babilonia miabot uban sa iyang mga kasundalohan batok sa Jerusalem, ug gilibotan kini ug sila nagbuhat ug mga kahimanan sa pagsulong libot niini.

Jeremias 6:6

Kay mao kini ang giingon sa Ginoo sa mga panon: “Pamutla ninyo ang iyang mga kahoy; paghimo ug bundo alang sa pagsulong batok sa Jerusalem. Kini mao ang siyudad nga kinahanglang silotan; walay bisan unsa diha kaniya kondili pagpangdaogdaog.

Ezequiel 17:17

Ang Paraon uban ang iyang lig-on nga kasundalohan ug dakong panon dili motabang kaniya sa gubat sa diha nga sila maghimo ug mga bundo, ug magtukod ug mga kuta, aron sa pagpatay sa daghang mga tawo.

Ezequiel 4:2

Pagbutang ug mga kahimanan sa pagsulong batok niini ug pagtapok ug usa ka bundo batok niini ug ipahamutang usab ang mga kampo batok niini ug paliboti kini ug mga troso nga iglulumpag.

Daniel 11:14

“Niadtong mga panahona daghan ang moalsa batok sa hari sa habagatan, ug ang mga tawo nga bangis taliwala sa imong katawhan magpataas sa ilang kaugalingon aron sa pagtuman sa panan-awon, apan sila mapakyas.

Daniel 11:6

Human sa pipila ka tuig sila makig-abin ug ang anak nga babaye sa hari sa habagatan moadto sa hari sa amihanan aron sa pagpakigdait, apan dili magpabilin kaniya ang kusog sa iyang bukton. Ang hari ug ang iyang kaliwat dili makalahutay, hinuon itugyan ang babaye ug ang nagbantay kaniya, ang iyang anak ug ang nanag-iya kaniya.

Daniel 8:7

Nakita nako siya nga miduol sa laking karnero ug siya napungot kaayo kaniya, ug gidasmagan ang laking karnero ug gibali ang iyang duha ka sungay. Ang laking karnero walay gahom sa pagsukol kaniya, hinuon gitumba siya sa yuta ug giyatakan, ug walay usa nga nakaluwas sa laking karnero gikan sa iyang gahom.

Josue 1:5

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.