Daniel 10:6

Ang Biblia 2011

Ang iyang lawas sama sa batong berilo ug ang iyang nawong sama sa dagway sa kilat, ang iyang mga mata sama sa mga sulo nga nagsiga, ang iyang mga bukton ug ang iyang mga bitiis sama sa pinasinaw nga bronsi, ug ang tingog sa iyang mga pulong sama sa tingog sa panon.

Cross References

Exodo 28:20

Ug ang ikaupat nga laray, berilo, onyx ug jaspe. Ilubong kini sa engaste nga bulawan.

Awit sa mga Awit 5:14

Ang iyang mga bukton bulawan nga gibutangan ug mga mahalong bato. Ang iyang lawas tango sa elepante nga kinulitan, dinayandayanan ug mga sapiro.

Ezequiel 1:14

Ang mga buhing binuhat mikilab nga nagbalikbalik sama sa pangidlap sa kilat.

Ezequiel 1:16

Ang dagway sa mga ligid ug ang pagkabuhat niini sama sa berilo ug ang upat managsama ug dagway, ug ang ilang dagway ug ang pagkabuhat niini daw sama sa ligid nga anaa sa sulod sa usa ka ligid.

Ezequiel 1:24

Ug sa dihang mipanaw sila, akong nadungog ang tingog sa ilang mga pako, sama sa kanaas sa dakong katubigan, sama sa dahunog sa Labing Gamhanan, usa ka kagahob sa kagubot nga sama sa kagahob sa usa ka panon. Sa diha nga motindog sila, ilang ipaubos ang ilang mga pako.

Ezequiel 1:7

Ang ilang mga bitiis tul-id, ug ang lapalapa sa ilang mga tiil sama sa lapalapa sa tiil sa usa ka nating baka ug kini nagpangidlap sama sa pinasinaw nga bronsi.

Ezequiel 10:9

Ug mitan-aw ako ug nakita nako ang upat ka ligid tupad sa mga kerubin, usa ka ligid diha sa tupad sa usa ka kerubin, ug ang lain nga ligid diha sa lain nga kerubin. Ang dagway sa mga ligid sama sa naggilakgilak nga batong birilo.

Ezequiel 40:3

Sa diha nga gidala niya ako didto, dihay usa ka tawo nga ang dagway sama sa bronsi, nagdala ug pisi nga lanot diha sa iyang kamot ug usa ka igsusukod nga lipak, ug siya nagtindog didto sa ganghaan.

Ezequiel 8:2

Unya mitan-aw ako ug nakita nako ang usa ka pamayhon nga daw tawo, ubos sa daw hawak niya kalayo, ug ibabaw sa iyang hawak daw panagway sa kahayag, sama sa naggilakgilak nga bronsi.

Mateo 17:2

Ug nausab ang iyang dagway sa ilang atubangan, ang iyang nawong midan-ag sama sa adlaw, ug ang iyang bisti miamag sa kaputi sama sa kahayag.

Mateo 28:3

Ang iyang dagway sama sa kilat ug ang iyang bisti puti kaayo.

Lucas 9:29

Ug sa iyang pag-ampo, nausab ang panagway sa iyang nawong ug ang iyang mga bisti misidlak sa kaputi.

Gipadayag 10:1

Unya nakita nako ang laing gamhanang anghel nga nanaog gikan sa langit, sinul-oban ug panganod, ug dihay bangaw sa iyang ulo. Ang iyang nawong sama sa adlaw, ug ang iyang mga bitiis sama sa mga haligi nga kalayo.

Gipadayag 19:12

Ang iyang mga mata daw kalayo nga nagdilaab, ug sa iyang ulo dihay daghang mga purongpurong, ug siya may sinulat nga ngalan nga walay bisan kinsa nga nasayod gawas sa iyang kaugalingon.

Gipadayag 2:18

“Ug ngadto sa anghel sa iglesia sa Tiatira isulat kini: ‘Mao kini ang mga pulong sa Anak sa Dios nga ang mga mata sama sa nagdilaab nga kalayo, ug ang mga tiil sama sa bronsi nga gipasinawan.

Gipadayag 21:20

ang ikalima sardonika, ang ikaunom kornalina, ang ikapito krisolito, ang ikawalo birilo, ang ikasiyam topasyo, ang ikanapulo krisopraso, ang ikanapulo ug usa hasinto, ang ikanapulo ug duha amatista.