Daniel 10:17

Ang Biblia 2011

Unsaon man sa alagad sa akong agalon pagpakigsulti sa akong agalon? Kay karon walay kusog nga nahibilin kanako ug walay gininhawa nga nahibilin kanako.”

Cross References

Genesis 32:20

Ug ingna siya ninyo, ‘Ania usab karon, ang imong alagad nga si Jacob, nagsunod kanamo.’ ” Kay siya naghunahuna, “Hupayon nako ang iyang kaligutgot pinaagi sa gasa nga nag-una kanako. Ug human niini, tan-awon nako ang iyang nawong, basin ug dawaton niya ako.”

Exodo 33:20

Siya miingon, “Apan dili ikaw makakita sa akong nawong, kay ang tawo dili mahimong makakita kanako ug mabuhi.”

Daniel 10:8

Busa ako nahibilin nga nag-inusara ug nakakita niining dakong panan-awon ug walay kusog nga nahibilin kanako. Ang akong dagway nga nagdan-ag nahimo nga kahadlokan ug walay kusog nga nahibilin kanako.

Daniel 4:19

Unya si Daniel, nga ang ngalan mao si Beltesasar, nalisang sa makadiyot, ug ang iyang mga hunahuna nakapakuyaw kaniya. Ang hari miingon, “Beltesasar, ayaw tugoti nga ang damgo o ang hubad makapakuyaw kanimo.” Si Beltesasar mitubag, “Agalon ko, hinaot nga ang damgo mahimo unta nga alang kanila nga nagdumot kanimo ug ang hubad niini alang sa imong mga kaaway!

Marcos 12:36

Si David gayod, pinaagi sa Espiritu Santo, mao ang nag-ingon, ‘Ang Ginoo miingon sa akong Ginoo, Lingkod sa akong tuo, hangtod nga ibutang nako ang imong mga kaaway sa ilalom sa imong mga tiil.’

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Mga Maghuhukom 6:22

Unya si Gideon nakamatikod nga kadto mao ang anghel sa Ginoo ug si Gideon miingon, “O Ginoong Dios! Karon akong nakita ang anghel sa Ginoo, nawong ug nawong.”