Daniel 10:16

Ang Biblia 2011

Unya dihay usa nga sama ug panagway sa mga anak sa tawo nga mihikap sa akong mga ngabil, unya akong gibuka ang akong baba ug ako misulti. Miingon ako kaniya nga nagtindog sa akong atubangan, “O agalon ko, tungod sa panan-awon ang kasakit midangat kanako ug walay nahibilin nga kusog kanako.

Cross References

Exodo 4:10

Apan si Moises miingon sa Ginoo, “O akong Ginoo, dili ako maayong manulti bisan hangtod karon ug bisan sukad sa imong pagpakigsulti sa imong ulipon; kay ako hinay nga mosulti ug yungit ug dila.”

Exodo 4:13

Apan si Moises miingon, “O akong Ginoo, naghangyo ako, lain lang ang paadtoa.”

Ecclesiastes 1:18

Kay diha sa hilabihan nga kaalam anaa ang hilabihang kasakit, ug siya nga nagpadaghan sa kahibalo, nagpadaghan sa kagul-anan.

Isaias 6:7

Iyang gihikap ang akong baba niini ug miingon, “Tan-awa, nakatandog kini sa imong mga ngabil; ang imong pagkadaotan gikuha na ug ang imong sala gipasaylo na.”

Jeremias 1:9

Unya ang Ginoo mituy-od sa iyang kamot ug mihikap sa akong baba, ug ang Ginoo miingon kanako, “Ania, ako nagbutang sa akong mga pulong diha sa imong baba.

Ezequiel 1:26

Ug ibabaw sa atop-atop nga diha sa ibabaw sa ilang mga ulo dihay daw trono nga sama ug panagway sa usa ka bato nga sapiro, ug diha sa daw trono, dihay daw tawo nga naglingkod niini.

Ezequiel 3:27

Apan sa diha nga ako makigsulti kanimo, ablihan nako ang imong baba ug ikaw moingon kanila, ‘Kini mao ang giingon sa Ginoong Dios.’ Siya nga mamati, papamatia siya, ug siya nga magdumili sa pagpamati, padumilia siya, kay sila usa ka panimalay nga masupilon.

Ezequiel 33:22

Karon ang kamot sa Ginoo diha kanako sa gabii sa wala pa moabot ang tawo nga nakaikyas, ug gibuka niya ang akong baba, sa diha nga siya mianhi kanako sa pagkabuntag, ug ang akong baba nabuka ug ako wala na maamang.

Daniel 12:8

Ako nakadungog apan ako wala makasabot, unya ako miingon, “O agalon ko, unsa ba ang sangpotanan niining mga butanga?”

Daniel 4:19

Unya si Daniel, nga ang ngalan mao si Beltesasar, nalisang sa makadiyot, ug ang iyang mga hunahuna nakapakuyaw kaniya. Ang hari miingon, “Beltesasar, ayaw tugoti nga ang damgo o ang hubad makapakuyaw kanimo.” Si Beltesasar mitubag, “Agalon ko, hinaot nga ang damgo mahimo unta nga alang kanila nga nagdumot kanimo ug ang hubad niini alang sa imong mga kaaway!

Daniel 7:15

Mahitungod kanako, si Daniel, ang akong espiritu nabalaka sulod kanako ug ang mga panan-awon sa akong ulo nakapalisang kanako.

Daniel 7:28

Dinhi natapos ang maong butang. Mahitungod kanako, si Daniel, ang akong mga hunahuna nakapakuyaw pag-ayo kanako, ug nangluspad ang akong nawong; apan akong gitagoan ang maong butang sulod sa akong hunahuna.

Daniel 8:15

Sa diha nga ako, si Daniel, nakakita sa panan-awon, nagtinguha ako sa pagsabot niini, ug dihay mitindog sa akong atubangan nga ang panagway sama sa usa ka tawo.

Daniel 8:17

Busa siya miduol sa dapit diin ako magtindog ug sa pag-abot niya, nahadlok ako ug mihapa apan siya miingon kanako, “Sabta, O anak sa tawo, nga ang panan-awon alang sa panahon sa kataposan.”

Daniel 8:18

Samtang nagsulti siya kanako, ako nahinanok sa lalom nga pagkatulog nga ang akong nawong nag-ubo sa yuta apan gihikap niya ako ug gipatindog.

Daniel 8:27

Unya ako, si Daniel, nagluya ug nasakit sa pipila ka adlaw. Unya ako mitindog ug nagbuhat sa buluhaton sa hari apan nahibulong ako sa panan-awon, ug wala makasabot niini.

Daniel 9:21

samtang nagsulti pa ako diha sa pag-ampo, ang tawo nga si Gabriel, nga akong nakita sa panan-awon sa sinugdan, miduol kanako nga tuling milupad panahon sa paghalad sa kagabhion.

Lucas 1:64

Dihadiha nabuka ang iyang baba ug naluag ang iyang dila, ug misulti siya nga nagdayeg sa Dios.

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Juan 20:28

Ug si Tomas miingon kaniya, “Akong Ginoo ug akong Dios!”

Josue 5:14

Ug siya miingon, “Dili, apan ingon nga tigmando sa kasundalohan sa Ginoo, mianhi ako karon.” Ug si Josue mihapa sa yuta ug misimba ug miingon kaniya, “Unsa ba ang isugo sa akong agalon ngadto sa iyang ulipon?”

Gipadayag 1:13

ug sa taliwala sa mga lamparahan nakita nako ang daw anak sa tawo nga nagsul-ob ug taas nga bisti ug may bakos nga bulawan sa iyang dughan.

Mga Maghuhukom 13:8

Unya si Manoa nagpakiluoy sa Ginoo ug miingon, “O Ginoo, ako nag-ampo kanimo, himoa nga ang tawo sa Dios nga imong gipadala makaanhi kanamo pag-usab, ug magtudlo kanamo kon unsay buhaton namo sa bata nga matawo.”

Mga Maghuhukom 6:13

Ug si Gideon miingon kaniya, “O akong agalon, kon ang Ginoo nag-uban kanamo, ngano nga nahitabo man kining tanan kanamo? Ug hain na man ang tanan niyang mga katingalahang buhat nga gisugilon kanamo sa among mga ginikanan nga nag-ingon, ‘Wala ba ang Ginoo magkuha kanamo gikan sa Ehipto?’ Apan karon ang Ginoo nagsalikway kanamo ug nagtugyan kanamo ngadto sa kamot sa Midian.”

Mga Maghuhukom 6:15

Ug si Gideon miingon kaniya, “O Ginoo, unsaon man nako pagluwas sa Israel? Tan-awa, ang akong banay maoy labing huyang sa Manases ug ako mao ang labing ubos sa akong panimalay.”