Daniel 10:14

Ang Biblia 2011

Ug ako mianhi sa pagpasabot kanimo sa mahitabo sa imong katawhan sa ulahing mga adlaw kay ang panan-awon alang pa sa umaabot nga mga adlaw.”

Cross References

Genesis 49:1

Unya gitawag ni Jacob ang iyang mga anak ug giingnan, “Pagtigom kamo aron sultihan ko kamo sa inyong dangatan sa umaabot nga mga adlaw.

Isaias 2:2

Mahitabo sa ulahing mga adlaw nga ang bukid sa balay sa Ginoo ipahiluna ingon nga kinahabogan sa kabukiran, ug ituboy ibabaw sa kabungtoran; ug ang tanang kanasoran mag-ambahan ngadto kaniya.

Ezequiel 12:27

“Anak sa tawo, tan-awa, sila nga mga sakop sa balay sa Israel nag-ingon, ‘Ang panan-awon nga iyang nakita alang sa daghang mga adlaw nga umaabot ug siya nagpropesiya sa mga panahon nga layo pa kaayo.’

Ezequiel 38:16

Ikaw motungas batok sa akong katawhan nga Israel, sama sa usa ka panganod nga motabon sa yuta. Sa ulahing mga adlaw, dad-on ko ikaw batok sa akong yuta, aron ang mga nasod makaila kanako, sa diha nga pinaagi kanimo, O Gog, pamatud-an ang akong pagkabalaan diha sa ilang mga mata.

Daniel 10:1

Sa ikatulo nga tuig ni Ciro nga hari sa Persia, usa ka mensahe gipadayag kang Daniel nga ginganlan ug Beltesasar. Ug ang mensahe matuod ug kini dakong panagsumpaki, ug siya nakasabot sa mensahe ug adunay pagsabot sa panan-awon.

Daniel 12:4

Apan ikaw, O Daniel, tagoa ang mga pulong ug takpi ang basahon, hangtod sa panahon sa kataposan. Daghan ang managan ngadto-nganhi ug ang kahibalo mouswag.”

Daniel 12:9

Siya miingon, “Padayon sa imong panaw, Daniel, kay ang mga pulong gitakpan ug gisilyohan hangtod sa panahon sa kataposan.

Daniel 2:28

apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:

Daniel 8:16

Ug nadungog nako ang tingog sa usa ka tawo sa taliwala sa duha ka tampi sa Ulai ug nagsangpit kini, “Gabriel, pasabta kining tawhana sa panan-awon.”

Daniel 8:26

Ang panan-awon sa gabii ug sa buntag nga gisugilon matuod, apan tipigi ang panan-awon kay kini nagpasabot sa daghang mga adlaw nga umaabot.”

Daniel 9:22

Siya miabot ug nakigsulti kanako, “O Daniel, ako mianhi karon sa paghatag kanimo sa kaalam ug salabotan.

Oseas 3:5

Human niana ang mga anak sa Israel mamalik, ug mangita sa Ginoo nga ilang Dios ug kang David nga ilang hari. Sila mangadto nga may kahadlok sa Ginoo ug sa iyang pagkamaayo sa ulahing mga adlaw.

Miqueas 4:1

Apan sa ulahing mga adlaw mahitabo nga ang bukid sa balay sa Ginoo himoon nga labing habog sa kabukiran, ug bayawon ibabaw sa kabungtoran; ug ang mga katawhan magbaha ngadto niini,

Habacuc 2:3

Kay sa gihapon ang panan-awon nagpaabot sa panahon niini; kini nagdali paingon sa kataposan, dili kini mamakak. Kon daw dugay kini, paabota kini; moabot gayod kini, dili kini maglangay.

Numeros 24:14

Ug karon, tan-awa, ako moadto sa akong katawhan. Dali, tug-anan ko ikaw unsay buhaton niining katawhan sa imong katawhan sa ulahing mga adlaw.”

Deuteronomio 31:21

Ug sa diha nga moabot kanila ang daghang mga kadaotan ug mga kasamok, kini nga awit magpamatuod sa ilang atubangan ingon nga saksi kay kini dili kalimtan sa baba sa ilang kaliwatan, kay ako nahibalo sa ilang katuyoan nga ilang gihunahuna sa wala pa nako sila madala ngadto sa yuta nga akong gipanumpa nga ihatag.”

Deuteronomio 31:29

Kay nahibalo ako nga human sa akong kamatayon magbuhat gayod kamo ug daotan ug motipas kamo sa dalan nga akong gisugo kaninyo. Ug moabot kaninyo ang daotan sa umaabot nga mga adlaw tungod kay buhaton ninyo ang daotan diha sa panan-aw sa Ginoo, sa pagpasuko kaniya tungod sa buhat sa inyong mga kamot.”

Deuteronomio 4:30

Sa diha nga anaa kamo sa kalisdanan ug modangat kaninyo kining tanang mga butang sa ulahing mga adlaw, mobalik kamo sa Ginoo nga inyong Dios ug motuman sa iyang tingog,

2 Timoteo 3:1

Apan hibaloi kini nga sa kataposang mga adlaw mangabot ang mga panahon sa kalisdanan.

Mga Hebreo 2:3

unsaon man nato sa pag-ikyas kon dili kita manumbaling sa maong dako kaayong kaluwasan? Kini sa sinugdan gipamulong sa Ginoo, ug unya nganhi kanato gipamatud-an nila nga mga nakadungog kaniya.