Daniel 10:1

Ang Biblia 2011

Sa ikatulo nga tuig ni Ciro nga hari sa Persia, usa ka mensahe gipadayag kang Daniel nga ginganlan ug Beltesasar. Ug ang mensahe matuod ug kini dakong panagsumpaki, ug siya nakasabot sa mensahe ug adunay pagsabot sa panan-awon.

Cross References

Genesis 41:32

Ug tungod niini ang damgo gihimo sa makaduha nganha sa Paraon tungod kay ang maong butang gitakda sa Dios ug nga ang Dios maghimo niini sa dili madugay.

2 Cronicas 36:22

Unya sa unang tuig ni Ciro nga hari sa Persia, aron nga ang pulong sa Ginoo pinaagi sa baba ni Jeremias matuman, ang Ginoo nagdasig sa espiritu ni Ciro nga hari sa Persia nga tungod niana siya naghimo ug usa ka pahibalo sa tibuok niyang gingharian ug gisulat usab kini,

Esdras 3:7

Unya mihatag sila ug salapi sa mga tigsapsap sa bato ug sa mga panday, ug pagkaon ug ilimnon ug lana ngadto sa mga Sidonhanon ug sa mga Tirohanon aron sa pagdala ug mga cedro nga kahoy gikan sa Lebanon ngadto sa dagat sa Jopa sumala sa pagtugot kanila ni Ciro nga hari sa Persia.

Esdras 4:3

Apan si Zerubabel, si Jesua ug ang uban nga mga pangulo sa mga panimalay sa mga katigulangan sa Israel miingon kanila, “Kamo walay labot kanamo sa pagtukod ug balay sa among Dios, apan kami lamang ang magtukod alang sa Ginoo, ang Dios sa Israel, sumala sa gisugo kanamo ni Hari Ciro nga hari sa Persia.”

Esdras 4:5

ug nanuhol ug mga magtatambag batok kanila, aron sa pagpakyas sa ilang katuyoan, sa tanang mga adlaw ni Ciro nga hari sa Persia, bisan hangtod sa paghari ni Dario nga hari sa Persia.

Esdras 6:14

Ug ang mga kadagkoan sa mga Judio nagtukod ug miuswag pinaagi sa pagpropesiya ni Hageo nga propeta ug ni Zacarias nga anak ni Ido. Ilang gihuman ang pagtukod sumala sa sugo sa Dios sa Israel, ug sumala sa sugo ni Ciro, ni Dario ug ni Artaxerxes nga hari sa Persia.

Esdras 6:3

Sa unang tuig ni Ciro nga hari, si Ciro nga hari naghimo ug usa ka sugo: Mahitungod sa balay sa Dios nga atua sa Jerusalem, ipatukod pag-usab ang balay, ang dapit diin ang mga paghalad himoon ug ang mga halad nga sunogon adto dad-on. Ang gihabogon niini 60 ka maniko ug ang gilapdon niini kan-oman ka maniko,

Isaias 44:28

nga nag-ingon mahitungod kang Ciro, ‘Siya mao ang akong tigbantay sa karnero, ug siya magbuhat sa tanan nakong katuyoan,’ nag-ingon mahitungod sa Jerusalem, ‘Siya tukoron,’ ug mahitungod sa templo, ‘Ang imong patukoranan ipahiluna.’ ”

Daniel 1:17

Mahitungod niining upat ka batan-ong lalaki, ang Dios naghatag kanila ug kahibalo ug kabatid sa tanang sinulat ug kaalam, ug si Daniel adunay panabot sa tanang mga panan-awon ug sa mga damgo.

Daniel 1:21

Ug si Daniel nagpadayon hangtod sa unang tuig ni Hari Ciro.

Daniel 1:7

Ang pangulo sa mga yunoko mihatag kanila ug mga ngalan: si Daniel iyang gitawag ug Beltesasar, si Ananias iyang gitawag ug Sadrac ug si Misael iyang gitawag ug Mesac, ug si Asarias iyang gitawag ug Abednego.

Daniel 10:14

Ug ako mianhi sa pagpasabot kanimo sa mahitabo sa imong katawhan sa ulahing mga adlaw kay ang panan-awon alang pa sa umaabot nga mga adlaw.”

Daniel 11:2

“Karon ipakita nako kanimo ang kamatuoran. Tan-awa, tulo pa ka hari ang mobarog sa Persia, ug ang ikaupat labing dato kay kanilang tanan ug sa diha nga nakusgan na siya tungod sa iyang mga bahandi, hagiton niya ang tanan batok sa gingharian sa Gresya.

Daniel 12:4

Apan ikaw, O Daniel, tagoa ang mga pulong ug takpi ang basahon, hangtod sa panahon sa kataposan. Daghan ang managan ngadto-nganhi ug ang kahibalo mouswag.”

Daniel 12:9

Siya miingon, “Padayon sa imong panaw, Daniel, kay ang mga pulong gitakpan ug gisilyohan hangtod sa panahon sa kataposan.

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Daniel 4:8

Sa kataposan si Daniel mianhi sa akong atubangan, siya nga ginganlan ug Beltesasar sunod sa ngalan sa akong dios ug kaniya anaa ang espiritu sa mga balaang dios, ug gisugilon nako kaniya ang damgo nga nag-ingon,

Daniel 5:12

kay ang talagsaong katakos, ang kahibalo ug ang salabotan sa paghubad sa mga damgo, sa pagsaysay sa mga tigmo ug sa pagsulbad sa mga suliran nakita diha kang Daniel nga ginganlan sa hari ug Beltesasar. Karon ipatawag si Daniel ug siya magpadayag sa hubad.”

Daniel 5:17

Unya si Daniel mitubag sa atubangan sa hari, “Imoha na lang ang mga gasa ug ihatag ang imong mga ganti ngadto sa uban, apan bisan pa niana, basahon nako ang sinulat alang sa hari ug ipadayag kaniya ang kahulogan.

Daniel 6:28

Busa si Daniel nagmauswagon panahon sa paghari ni Dario, ug sa paghari ni Ciro nga Persianhon.

Daniel 8:16

Ug nadungog nako ang tingog sa usa ka tawo sa taliwala sa duha ka tampi sa Ulai ug nagsangpit kini, “Gabriel, pasabta kining tawhana sa panan-awon.”

Daniel 8:26

Ang panan-awon sa gabii ug sa buntag nga gisugilon matuod, apan tipigi ang panan-awon kay kini nagpasabot sa daghang mga adlaw nga umaabot.”

Lucas 1:20

Apan karon, ikaw maamang ug dili makasulti hangtod sa adlaw nga mahitabo kining mga butanga, kay wala man ikaw motuo sa akong mga pulong nga matuman unya sa ilang panahon.”

Gipadayag 19:9

Ug ang anghel miingon kanako, “Isulat kini: Bulahan ang mga gipangdapit ngadto sa kombira sa kasal sa Nating Karnero.” Ug siya miingon kanako, “Kini matuod nga mga pulong sa Dios.”