Daniel 1:9

Ang Biblia 2011

Unya ang Dios mihatag kang Daniel ug pag-uyon ug kaluoy sa panan-aw sa pangulo sa mga yunoko.

Cross References

Genesis 32:28

Ug siya miingon, “Ang imong ngalan dili na tawgon ug Jacob kondili Israel, kay nakiglayog man ikaw sa Dios ug sa mga tawo ug midaog ikaw.”

Genesis 39:21

Apan ang Ginoo nag-uban kang Jose ug nagpakita kaniya sa gugmang walay paglubad ug gihimo siya nga mahimut-an sa panan-aw sa tinugyanan sa bilanggoan.

1 Mga Hari 8:50

ug pasayloa ang imong katawhan nga nakasala batok kanimo sa tanan nilang kalapasan nga ilang nahimo batok kanimo ug ihatag kanila ang kaluoy sa atubangan niadtong nagbihag kanila aron sila maluoy kanila,

Nehemias 1:11

O Ginoo, ako nangamuyo kanimo, papamatia ang imong dalunggan sa pag-ampo sa imong alagad ug sa pag-ampo sa imong mga alagad nga nahinangop sa pagkahadlok sa imong ngalan. Ug hatagi ug kalamposan ang imong alagad karong adlawa ug hatagi siya ug kaluoy sa panan-aw niining tawhana.” Niadtong panahona ako ang tigdala sa kupa sa hari.

Nehemias 2:4

Unya ang hari miingon kanako, “Unsa ba ang imong pangayoon?” Busa nag-ampo ako ngadto sa Dios sa langit.

Ester 2:9

Ang dalaga nakapahimuot kaniya ug nadani ang iyang kaluoy ug dihadiha iyang gihatag kang Ester ang mga pahumot niini uban sa iyang pagkaon ug uban sa pito ka piniling dalaga gikan sa palasyo sa hari ug iyang gibalhin siya ug ang iyang mga dalaga sa labing maayo nga dapit sa balay sa mga babaye.

Job 5:15

Apan luwason niya ang mga walay amahan gikan sa ilang baba, ang mga nanginahanglan gikan sa kamot sa mga gamhanan.

Job 5:16

Busa ang kabos adunay paglaom, ug ang pagkadaotan magtak-om sa iyang baba.

Salmo 106:46

Gihimo niya sila nga kaluy-an niadtong tanan nga nagdala kanila nga binihag.

Salmo 4:3

Apan hibaloi nga ang Ginoo naggahin alang kaniya sa tawo nga diosnon; ang Ginoo mamati sa diha nga magtawag ako kaniya.

Mga Panultihon 16:7

Kon ang mga pamaagi sa usa ka tawo makapahimuot sa Ginoo, iyang himoon bisan ang iyang mga kaaway nga makigdait kaniya.

Daniel 1:10

Ang pangulo sa mga yunoko miingon kang Daniel, “Nahadlok ako kay tingali unya ug ang akong agalon nga hari nga maoy nagbuot sa inyong pagkaon ug sa inyong ilimnon makakita nga anaa kamo sa ubos nga kahimtang kay sa mga batan-ong lalaki nga sama sa inyong panuigon. Busa inyong gibutang sa kakuyaw ang akong ulo sa atubangan sa hari.”

Mga Buhat 7:10

ug miluwas kaniya gikan sa tanan niyang mga kasakitan, ug naghatag kaniyag grasya ug kaalam sa atubangan sa Paraon nga hari sa Ehipto nga mihimo kaniya nga gobernador sa Ehipto ug sa tibuok niyang panimalay.