Daniel 1:7

Ang Biblia 2011

Ang pangulo sa mga yunoko mihatag kanila ug mga ngalan: si Daniel iyang gitawag ug Beltesasar, si Ananias iyang gitawag ug Sadrac ug si Misael iyang gitawag ug Mesac, ug si Asarias iyang gitawag ug Abednego.

Cross References

Genesis 41:45

Ug ang Paraon nagngalan kang Jose ug Zafenat-panea ug gihatag kaniya ingon nga asawa si Asenat nga anak ni Potifera ang pari sa On. Ug milibot si Jose sa yuta sa Ehipto.

2 Mga Hari 23:34

Unya ang Paraon nga si Neco naghimo kang Eliakim nga anak ni Josias ingon nga hari puli kang Josias nga iyang amahan ug giilisan ang iyang ngalan ug Jehoiakim. Apan iyang gikuha si Jehoahas ug miadto siya sa Ehipto ug namatay didto.

2 Mga Hari 24:17

Ug ang hari sa Babilonia mihimo kang Matanias, igsoon sa amahan ni Jehoiakin, ingon nga hari puli kaniya, ug ang iyang ngalan giilisdag Zedekias.

Daniel 1:19

Ug ang hari nakigsulti kanila, ug kanilang tanan walay nakita nga sama kang Daniel, kang Ananias, kang Misael ug kang Asarias, busa mipabilin sila sa atubangan sa hari.

Daniel 1:3

Unya ang hari misugo kang Aspenas nga pangulo sa iyang mga yunoko sa pagdala sa pipila sa katawhan sa Israel, gikan sa harianon nga panimalay ug sa mga halangdon,

Daniel 10:1

Sa ikatulo nga tuig ni Ciro nga hari sa Persia, usa ka mensahe gipadayag kang Daniel nga ginganlan ug Beltesasar. Ug ang mensahe matuod ug kini dakong panagsumpaki, ug siya nakasabot sa mensahe ug adunay pagsabot sa panan-awon.

Daniel 2:26

Ang hari miingon kang Daniel, nga ang ngalan mao si Beltesasar, “Makahimo ba ikaw sa pagpadayag kanako sa damgo nga akong nakita ug sa hubad niini?”

Daniel 2:49

Si Daniel mihangyo sa hari, ug iyang gitudlo si Sadrac, si Mesac ug si Abednego sa pagdumala sa mga buluhaton sa lalawigan sa Babilonia, apan si Daniel nagpabilin diha sa hawanan sa hari.

Daniel 4:5

Aduna akoy damgo nga nakapahadlok kanako. Sa naghigda ako sa higdaanan, ang mga paghanduraw ug mga panan-awon sa akong ulo nakapalisang kanako.

Daniel 4:8

Sa kataposan si Daniel mianhi sa akong atubangan, siya nga ginganlan ug Beltesasar sunod sa ngalan sa akong dios ug kaniya anaa ang espiritu sa mga balaang dios, ug gisugilon nako kaniya ang damgo nga nag-ingon,

Daniel 5:12

kay ang talagsaong katakos, ang kahibalo ug ang salabotan sa paghubad sa mga damgo, sa pagsaysay sa mga tigmo ug sa pagsulbad sa mga suliran nakita diha kang Daniel nga ginganlan sa hari ug Beltesasar. Karon ipatawag si Daniel ug siya magpadayag sa hubad.”