Daniel 1:4

Ang Biblia 2011

mga batan-on nga walay apan sa lawas, ambongan ug batid sa tanang kaalam, tinugahan sa kahibalo, hait ug salabotan, ug takos sa pag-alagad sa palasyo sa hari, ug sa pagtudlo kanila sa mga letra ug sa pinulongan sa mga Caldeanhon.

Cross References

Genesis 41:46

Si Jose nagpanuigon ug 30 ka tuig sa pag-alagad niya sa Paraon, ang hari sa Ehipto. Ug si Jose mibiya sa atubangan sa Paraon ug milibot sa tibuok nga yuta sa Ehipto.

2 Samuel 14:25

Karon sa tibuok Israel walay usa nga gidayeg pag-ayo tungod sa iyang kaambongan gawas kang Absalom, gikan sa lapalapa sa iyang tiil hangtod sa alimpulo sa iyang ulo walay ikasaway kaniya.

Mga Panultihon 22:29

Nakakita ba ikaw ug usa ka tawo nga batid sa iyang buhat? Siya mag-alagad atubangan sa mga hari; dili siya mag-alagad atubangan sa mga tawong dili inila.

Ecclesiastes 7:19

Ang kaalam maghatag ug kusog ngadto sa tawong maalamon labaw kay sa napulo ka pangulo nga anaa sa usa ka siyudad.

Isaias 36:11

Unya si Eliakim, si Sebna, ug si Joa miingon sa Rabsakes, “Kami naghangyo kanimo, sulti sa imong mga ulipon sa pinulongan nga Aramaico kay kami makasabot niini, ug ayaw pagsulti kanamo sa pinulongan sa Juda diha sa pangdungog sa mga katawhan nga anaa sa ibabaw sa kuta.”

Jeremias 5:15

Tan-awa, padad-an ko kamo ug usa ka nasod gikan sa layo, O balay sa Israel, nag-ingon ang Ginoo. Kini usa ka gamhanan nga nasod usa ka karaan nga nasod, usa ka nasod nga ang pinulongan wala nimo mahibaloi, o masabtan nimo ang ilang gisulti.

Daniel 2:10

Ang mga Caldeanhon mitubag sa hari, “Walay usa ka tawo sa yuta nga makahatag sa gipangayo sa hari kay walay bantogan ug gamhanan nga hari nga nakapangayo ug ingon nianang butanga sa mga salamangkiro o sa tigpanglamat o sa Caldeanhon.

Daniel 2:2

Unya ang hari nagsugo sa pagpatawag sa tanang mga tigsalamangka, sa mga tigpanglamat, sa mga anting-antingan ug sa mga Caldeanhon aron sa pagsulti sa hari sa iyang mga damgo. Busa sila miadto ug nangatubang sa hari.

Daniel 3:8

Busa niadtong panahona pipila ka Caldeanhon ang miduol ug mipasaka ug sumbong batok sa mga Judio.

Daniel 4:7

Unya miabot ang mga tigsalamangka, ang mga tigpanglamat, ang mga Caldeanhon, ug ang mga tigpanagna pinaagi sa mga bituon ug akong gisugilon kanila ang damgo apan wala sila makapadayag kanako sa hubad niini.

Daniel 5:11

Adunay usa ka tawo sa imong gingharian, nga kaniya anaa ang espiritu sa mga balaang dios. Sa mga adlaw sa imong amahan, ang kahayag ug salabotan ug kaalam nga sama sa kaalam sa mga dios nakita diha kaniya ug si Hari Nabucodonosor nga imong amahan naghimo kaniya nga pangulo sa mga tigsalamangka, sa mga tigpanglamat, sa mga Caldeanhon, ug sa mga tigpanagna pinaagi sa mga bituon,

Daniel 5:7

Ang hari misinggit ug kusog aron pasudlon ang mga tigpanglamat, ang mga Caldeanhon ug ang mga tigpanagna pinaagi sa mga bituon. Ang hari misulti sa mga maalamong tawo sa Babilonia, “Si bisan kinsa nga makabasa niining sinulat ug makapadayag kanako sa hubad niini, sul-oban ug mahalong bisti nga tapol, makaangkon ug kuwentas nga bulawan sa iyang liog, ug mahimong ikatulong tinugyanan sa gingharian.”

Daniel 9:1

Sa unang tuig ni Dario nga anak ni Ahasuero, nga natawo nga Medianhon nga nahimong hari sa tibuok nga gingharian sa mga Caldeanhon,

Zacarias 2:4

ug miingon kaniya, “Dagan, sultihi kining batan-ong lalaki, ‘Ang Jerusalem puy-an sama sa kabalangayan nga walay mga kuta, tungod sa panon sa mga tawo ug sa kahayopan didto.

Mga Buhat 7:20

Sa maong panahon natawo si Moises ug siya matahom gayod sa atubangan sa Dios. Sulod sa tulo ka bulan siya gipadako didto sa balay sa iyang amahan.

Mga Buhat 7:22

Ug si Moises gitudloan sa tanang kaalam sa mga Ehiptohanon ug siya gamhanan sa iyang mga pulong ug mga buhat.

Mga Taga-Efeso 5:27

aron nga sa iyang atubangan ang iglesia ikahalad diha sa iyang katahom, walay buling o kunot o bisan unsa nga sama niini, aron siya mahimong balaan ug dili masaway.

Mga Maghuhukom 8:18

Unya siya miingon kang Zeba ug kang Zalmuna, “Hain ang mga tawo nga inyong gipamatay sa Tabor?” Ug sila mitubag, “Sama kanimo, mao usab sila, ang tanan kanila sama ug panagway sa mga anak sa usa ka hari.”