Daniel 1:20

Ang Biblia 2011

Sa tanang butang mahitungod sa kaalam ug sa salabotan mahitungod niini nagpakisayod kanila ang hari, iyang nakita nga sila napulo ka pilo nga labing maayo kay sa tanang mga salamangkiro ug mga tigpanglamat sa tibuok niyang gingharian.

Cross References

Genesis 31:7

Apan ang inyong amahan naglimbong kanako, ug iyang giusab-usab ang akong suhol sa napulo ka higayon apan ang Dios wala motugot nga magbuhat siya kanako ug daotan.

Genesis 41:8

Busa sa pagkabuntag nahasol ang iyang espiritu ug nagsugo siya ug gipatawag niya ang tanan nga mga tigsalamangka sa Ehipto ug ang tanan niya nga mga maalamong tawo. Ug ang Paraon misugilon kanila sa iyang mga damgo apan walay bisan kinsa nga nakahubad sa kahulogan niini ngadto sa Paraon.

Nehemias 4:12

Sa dihang miabot ang mga Judio nga nagpuyo tupad kanila, sila miingon kanamo sa napulo ka higayon, “Gikan sa tanang mga dapit nga ilang gipuy-an mosulong gayod sila kanamo.”

Job 19:3

Ikanapulo na ka higayon kining pagpakaulaw ninyo kanako; wala ba kamo maulaw sa pagdaot kanako?

Salmo 119:99

Aduna akoy labaw pang pagpanabot kay sa tanan nakong magtutudlo, kay ang imong mga pagpamatuod maoy akong pamalandong.

Exodo 7:22

Apan ang mga tigsalamangka sa Ehipto mibuhat sa samang butang pinaagi sa ilang mga lamat, busa ang kasingkasing sa Paraon nagpabilin nga gahi ug siya wala mamati kanila, sumala sa gisulti sa Ginoo.

Exodo 8:19

Unya ang mga tigsalamangka miingon sa Paraon, “Kini mao ang tudlo sa Dios.” Apan ang kasingkasing sa Paraon migahi ug siya wala mamati kanila sumala sa gisulti sa Ginoo.

Exodo 8:7

Apan ang mga tigsalamangka mibuhat sa samang butang pinaagi sa ilang mga lamat ug mipatungha ug mga baki sa ibabaw sa yuta sa Ehipto.

Isaias 19:3

ug ang espiritu sa mga Ehiptohanon sa sulod nila mawala, ug akong libogon ang ilang mga laraw; ug sila magpakisayod sa mga diosdios ug sa mga tigsalamangka, ug sa mga tigpakisayod ug mga espiritu, ug sa mga tigpanglamat;

Ezequiel 28:3

tinuod, ikaw maalamon pa kay kang Daniel, walay tinago nga natago gikan kanimo;

Daniel 1:17

Mahitungod niining upat ka batan-ong lalaki, ang Dios naghatag kanila ug kahibalo ug kabatid sa tanang sinulat ug kaalam, ug si Daniel adunay panabot sa tanang mga panan-awon ug sa mga damgo.

Daniel 2:13

Busa gipahibalo nga ang tanang mga maalamon nga mga tawo pamatyon; ug ilang gipangita si Daniel ug ang iyang mga kauban aron patyon.

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Daniel 5:17

Unya si Daniel mitubag sa atubangan sa hari, “Imoha na lang ang mga gasa ug ihatag ang imong mga ganti ngadto sa uban, apan bisan pa niana, basahon nako ang sinulat alang sa hari ug ipadayag kaniya ang kahulogan.

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,