Daniel 1:2

Ang Biblia 2011

Ang Ginoo mitugyan kang Jehoiakim nga hari sa Juda ngadto sa iyang kamot uban ang pipila ka mga galamiton sa balay sa Dios, ug gidala niya sila ngadto sa yuta sa Sinar, sa balay sa iyang diosdios, ug gibutang ang mga galamiton diha sa tipiganan sa iyang diosdios.

Cross References

Genesis 10:10

Ang sinugdan sa iyang gingharian mao ang Babel ug ang Erec ug ang Acad, ang tanan anaa sa yuta sa Sinar.

Genesis 11:2

Ug nahitabo nga sa dihang mipanaw sila gikan sa silangan, nakakaplag sila ug usa ka patag sa yuta sa Sinar ug didto mipuyo sila.

2 Mga Hari 24:1

Sa iyang mga adlaw si Nabucodonosor nga hari sa Babilonia misulong, ug si Jehoiakim nahimo nga iyang sulugoon sulod sa tulo ka tuig. Unya mialsa si Jehoiakim batok kaniya.

2 Cronicas 36:5

Si Jehoiakim 25 ang panuigon sa iyang pagsugod sa paghari ug siya naghari sulod sa napulo ug usa ka tuig didto sa Jerusalem. Siya nagbuhat ug daotan diha sa panan-aw sa Ginoo nga iyang Dios.

2 Cronicas 36:7

Si Nabucodonosor midala usab sa ubang mga kagamitan sa balay sa Ginoo ngadto sa Babilonia ug gibutang kini didto sa iyang balay sa Babilonia.

Esdras 1:7

Si Ciro nga hari mipagula sa mga kagamitan sa balay sa Ginoo nga gidala ni Nabucodonozor gikan sa Jerusalem ug gibutang diha sa balay sa iyang mga diosdios.

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 42:24

Kinsa ba ang mihatag kang Jacob ngadto sa tigpangilog, ug kang Israel ngadto sa mga tulisan? Dili ba ang Ginoo, nga batok kaniya kita nakasala, ug nga sa iyang mga dalan dili sila molakaw, ug nga sa iyang Balaod dili sila motuman?

Jeremias 25:1

Ang pulong nga midangat kang Jeremias mahitungod sa tibuok katawhan sa Juda, sa ikaupat nga tuig ni Jehoiakim nga anak ni Josias, ang hari sa Juda (kadto mao ang unang tuig ni Nabucodonosor nga hari sa Babilonia),

Jeremias 27:16

Misulti usab ako sa mga pari ug niining tibuok nga katawhan, nga nag-ingon, “Mao kini ang giingon sa Ginoo: Ayaw pamati sa pulong sa inyong mga propeta nga nagpropesiya kaninyo, nga nag-ingon, ‘Ang mga kagamitan sa balay sa Ginoo sa dili madugay dad-on na usab gikan sa Babilonia,’ kay bakak ang ilang gipropesiya kaninyo.

Jeremias 28:3

Sulod sa duha ka tuig akong dad-on pagbalik nganhi niining dapita ang tanang mga kagamitan sa balay sa Ginoo, nga gikuha ni Nabucodonosor nga hari sa Babilonia gikan niining dapita, ug gidala ngadto sa Babilonia.

Jeremias 35:11

Apan sa diha nga si Nabucodonosor nga hari sa Babilonia misulong sa yuta, kami miingon, ‘Dali, mangadto kita sa Jerusalem tungod sa kahadlok sa kasundalohan sa mga Caldeanhon ug sa kasundalohan sa mga Siriahanon.’ Busa ania, nagpuyo kami sa Jerusalem.”

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 51:44

Ako magsilot kang Bel sa Babilonia ug ipasuka nako gikan sa iyang baba ang iyang gilamoy. Ang mga nasod dili na magbaha ngadto kaniya; ang paril sa Babilonia natumpag.

Daniel 5:13

Unya si Daniel gidala sa atubangan sa hari. Ang hari miingon kang Daniel, “Ikaw kadtong Daniel nga usa sa mga binihag gikan sa Juda nga gidala sa hari nga akong amahan gikan sa Juda.

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Habacuc 1:16

Busa naghalad siya alang sa iyang pukot, ug nagsunog ug insenso alang sa iyang baling; kay pinaagi kanila nagkinabuhi siya diha sa kaharuhay ug daghan ang iyang pagkaon.

Zacarias 5:11

Siya miingon kanako, “Ngadto sa yuta sa Sinar, aron sa pagtukod ug balay alang niini, ug sa diha nga andam na kini, ipahiluna nila ang sudlanan didto sa tungtonganan niini.”

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Mga Maghuhukom 2:14

Busa ang kasuko sa Ginoo misilaob batok sa Israel ug gihatag niya sila ngadto sa mga tulisan nga nanulis kanila ug gibaligya niya sila ngadto sa gahom sa ilang mga kaaway nga naglibot, aron dili na sila makasugakod sa ilang mga kaaway.

Mga Maghuhukom 3:8

Tungod niini ang kasuko sa Ginoo misilaob batok sa Israel ug iyang gibaligya sila ngadto sa kamot ni Cusan-risataim nga hari sa Mesopotamia. Ug ang katawhan sa Israel nag-alagad kang Cusan-risataim sulod sa walo ka tuig.

Mga Maghuhukom 4:2

Ug ang Ginoo nagbaligya kanila ngadto sa kamot ni Jabin nga hari sa Canaan nga naghari sa Hasor. Ang nagmando sa iyang panon sa kasundalohan mao si Sisera, nga nagpuyo sa Haroset-hagoyim.

1 Samuel 5:2

Unya gikuha sa mga Filistihanon ang sudlanan sa kasabotan sa Dios ug gidala kini ngadto sa balay ni Dagon ug gibutang kini tupad kang Dagon.