Daniel 1:19

Ang Biblia 2011

Ug ang hari nakigsulti kanila, ug kanilang tanan walay nakita nga sama kang Daniel, kang Ananias, kang Misael ug kang Asarias, busa mipabilin sila sa atubangan sa hari.

Cross References

Genesis 41:46

Si Jose nagpanuigon ug 30 ka tuig sa pag-alagad niya sa Paraon, ang hari sa Ehipto. Ug si Jose mibiya sa atubangan sa Paraon ug milibot sa tibuok nga yuta sa Ehipto.

1 Mga Hari 17:1

Unya si Elias, ang Tisbihanon, sa Tisbe sa Gilead miingon kang Ahab, “Ingon nga buhi ang Ginoo, ang Dios sa Israel, nga sa atubangan ako nagtindog, walay yamog o ulan niining mga tuiga, gawas kon akong ipamulong.”

Mga Panultihon 22:29

Nakakita ba ikaw ug usa ka tawo nga batid sa iyang buhat? Siya mag-alagad atubangan sa mga hari; dili siya mag-alagad atubangan sa mga tawong dili inila.

Jeremias 15:19

Busa mao kini ang giingon sa Ginoo: “Kon mobalik ikaw kanako, ipahiuli ko ikaw, ug magtindog ikaw sa akong atubangan. Kon imong litokon ang bililhon, ug dili ang walay pulos, mahimo ikaw ingon nga akong baba. Sila mobalik kanimo, apan ikaw dili mobalik ngadto kanila.

Daniel 1:18

Human sa panahon, sa diha nga ang hari nagsugo nga ipadala sila, ang pangulo sa mga yunoko midala kanila ngadto sa atubangan ni Nabucodonosor.

Daniel 1:4

mga batan-on nga walay apan sa lawas, ambongan ug batid sa tanang kaalam, tinugahan sa kahibalo, hait ug salabotan, ug takos sa pag-alagad sa palasyo sa hari, ug sa pagtudlo kanila sa mga letra ug sa pinulongan sa mga Caldeanhon.

Daniel 1:5

Ang hari nagpalain alang kanila ug inadlawng bahin sa mga lamian nga pagkaon nga gikaon sa hari, ug sa bino nga iyang giinom. Kinahanglan nga magtuon sila sulod sa tulo ka tuig ug sa kataposan niana nga panahon kinahanglan nga mangatubang sila sa hari.

Daniel 1:6

Uban niini mao sila si Daniel, si Ananias, si Misael ug si Asarias, gikan sa banay ni Juda.

Daniel 1:7

Ang pangulo sa mga yunoko mihatag kanila ug mga ngalan: si Daniel iyang gitawag ug Beltesasar, si Ananias iyang gitawag ug Sadrac ug si Misael iyang gitawag ug Mesac, ug si Asarias iyang gitawag ug Abednego.

Daniel 2:13

Busa gipahibalo nga ang tanang mga maalamon nga mga tawo pamatyon; ug ilang gipangita si Daniel ug ang iyang mga kauban aron patyon.

Daniel 3:29

Busa ako magbuhat ug usa ka sugo. Ang tanang katawhan, nasod o pinulongan nga magsulti ug bisan unsa batok sa Dios ni Sadrac, ni Mesac ug ni Abednego wataswatason ug ang ilang mga balay gub-on kay walay laing dios nga makahimo pagluwas sa ingon niining paagiha.”