Daniel 1:17

Ang Biblia 2011

Mahitungod niining upat ka batan-ong lalaki, ang Dios naghatag kanila ug kahibalo ug kabatid sa tanang sinulat ug kaalam, ug si Daniel adunay panabot sa tanang mga panan-awon ug sa mga damgo.

Cross References

1 Mga Hari 3:12

karon, ako magbuhat sumala sa imong pulong. Ako maghatag kanimo ug usa ka maalamon ug may pagpanabot nga kasingkasing, aron walay sama kanimo sa mga nag-una kanimo ug walay motindog nga sama kanimo sa umaabot.

1 Mga Hari 3:28

Ug ang tibuok Israel nakadungog sa hukom nga gihatag sa hari ug sila nangahadlok sa hari kay nakita nila ang kaalam sa Dios diha kaniya sa paghatag ug hustisya.

2 Cronicas 1:10

Hatagi ako karon sa kaalam ug kahibalo sa paggula ug pagsulod sa atubangan niining katawhan kay kinsa ba ang makamando niining imong katawhan nga dako kaayo?”

2 Cronicas 1:12

ang kaalam ug kahibalo ihatag kanimo. Hatagan ko usab ikaw ug mga bahandi, mga kabtangan, ug dungog, nga niini walay hari nga una kanimo ug walay sunod kanimo nga makabaton ug sama.”

2 Cronicas 26:5

Nangita siya sa Dios sa mga adlaw ni Zacarias nga nagtudlo kaniya sa pagkahadlok sa Dios. Samtang nangita siya sa Ginoo, ang Dios naghimo kaniya nga mauswagon.

Job 32:8

Apan ang espiritu nga diha sa tawo, ang gininhawa sa Labing Gamhanan, mao ang naghatag kaniya ug panabot.

Mga Panultihon 2:6

Kay ang Ginoo maghatag ug kaalam; gikan sa iyang baba mogula ang kahibalo ug pagpanabot;

Ecclesiastes 2:26

Kay ngadto sa tawo nga nakapahimuot kaniya, ang Dios naghatag ug kaalam ug kahibalo ug kalipay; apan ngadto sa makasasala, siya naghatag sa kabudlay sa pagtigom ug pagpundok aron ihatag kini ngadto sa nakapahimuot sa Dios. Kini usab kakawangan ug usa lamang ka paggukod sa hangin.

Isaias 28:26

Kay siya gitudloan sa matarong; ang iyang Dios nagtudlo kaniya.

Ezequiel 28:3

tinuod, ikaw maalamon pa kay kang Daniel, walay tinago nga natago gikan kanimo;

Daniel 1:18

Human sa panahon, sa diha nga ang hari nagsugo nga ipadala sila, ang pangulo sa mga yunoko midala kanila ngadto sa atubangan ni Nabucodonosor.

Daniel 1:20

Sa tanang butang mahitungod sa kaalam ug sa salabotan mahitungod niini nagpakisayod kanila ang hari, iyang nakita nga sila napulo ka pilo nga labing maayo kay sa tanang mga salamangkiro ug mga tigpanglamat sa tibuok niyang gingharian.

Daniel 1:4

mga batan-on nga walay apan sa lawas, ambongan ug batid sa tanang kaalam, tinugahan sa kahibalo, hait ug salabotan, ug takos sa pag-alagad sa palasyo sa hari, ug sa pagtudlo kanila sa mga letra ug sa pinulongan sa mga Caldeanhon.

Daniel 10:1

Sa ikatulo nga tuig ni Ciro nga hari sa Persia, usa ka mensahe gipadayag kang Daniel nga ginganlan ug Beltesasar. Ug ang mensahe matuod ug kini dakong panagsumpaki, ug siya nakasabot sa mensahe ug adunay pagsabot sa panan-awon.

Daniel 2:19

Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Daniel 2:23

Nganha kanimo, O Dios sa akong mga katigulangan, ako nagpasalamat ug nagdayeg kay ikaw naghatag kanako ug kaalam ug kalig-on ug nagpadayag kanako sa among gipangayo kanimo, kay imong gipadayag kanamo ang butang mahitungod sa hari.”

Daniel 2:30

Apan alang kanako, dili tungod sa bisan unsang kaalam nga labaw sa uban nga mga buhi nga kining tinago gipadayag kanako kondili aron nga ang hubad ikapadayag ngadto sa hari, ug aron mahibalo ikaw sa mga hunahuna sa imong kasingkasing.

Daniel 4:6

Busa ako naghimo ug usa ka sugo nga ang tanang mga maalamong tawo sa Babilonia dad-on sa akong atubangan, aron ipadayag nila kanako ang hubad sa damgo.

Daniel 5:14

Ako nakadungog mahitungod kanimo nga ang espiritu sa mga balaang dios anaa kanimo ug nga ang kahayag ug salabotan ug labawng kaalam nakita diha kanimo.

Daniel 7:1

Sa unang tuig ni Belsasar nga hari sa Babilonia si Daniel adunay damgo ug mga panan-awon sa iyang ulo samtang naghigda siya sa iyang higdaanan. Unya iyang gisulat ang damgo ug gisugilon ang kinatibuk-an sa maong butang.

Daniel 8:1

Sa ikatulo nga tuig sa paghari ni Hari Belsasar, usa ka panan-awon mipakita kanako, si Daniel, human niadtong mipakita kanako sa una.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Mga Buhat 6:10

Apan wala sila makasugakod sa kaalam ug sa Espiritu nga pinaagi niini siya misulti.

Mga Buhat 7:10

ug miluwas kaniya gikan sa tanan niyang mga kasakitan, ug naghatag kaniyag grasya ug kaalam sa atubangan sa Paraon nga hari sa Ehipto nga mihimo kaniya nga gobernador sa Ehipto ug sa tibuok niyang panimalay.

Mga Buhat 7:22

Ug si Moises gitudloan sa tanang kaalam sa mga Ehiptohanon ug siya gamhanan sa iyang mga pulong ug mga buhat.

Mga Taga-Colosas 1:9

Busa sukad sa adlaw sa among pagkadungog niini, wala kami mohunong sa pag-ampo alang kaninyo ug sa pagpangamuyo nga unta mapuno kamo sa kahibalo mahitungod sa iyang kabubut-on diha sa tanang espirituhanong kaalam ug pagpanabot,

Santiago 1:17

Ang tanang maayong paghatag ug ang tanang hingpit nga gasa gikan sa kahitas-an, gikan sa Amahan sa mga kahayag, kinsa walay pagkausab o anino sa pagkabalhin.

Santiago 1:5

Kon aduna man kaninyoy nakulangan ug kaalam, papangayoa siya sa Dios nga naghatag nga madagayaon ngadto sa tanang tawo ug sa walay pagpamuyboy, ug kini ihatag kaniya.