Daniel 1:15

Ang Biblia 2011

Human sa napulo ka adlaw, nakita nga maayo pa ang ilang mga panagway ug tambok pa ug lawas kay sa tanan nga mga batan-ong lalaki nga nangaon sa mga lamiang pagkaon sa hari.

Cross References

Salmo 37:16

Maayo pa ang diyotay nga anaa sa matarong kay sa kadagaya sa daghan nga makasasala.

Exodo 23:25

Kinahanglan nga mag-alagad kamo sa Ginoo nga inyong Dios ug ako magpanalangin sa inyong pan ug sa inyong tubig ug kuhaon nako ang sakit gikan kaninyo.

Mga Panultihon 10:22

Ang panalangin sa Ginoo makapadato, ug siya wala magdugang ug kasubo niini.

Daniel 1:14

Busa siya namati kanila niining butanga ug gisulayan sila sulod sa napulo ka adlaw.

Hageo 1:6

Nagpugas kamo ug daghan ug diyotay ra ang naani. Nagkaon kamo apan wala kamo makabaton ug igo, nanginom kamo apan wala kamo matagbaw. Nagbisti kamo sa inyong kaugalingon apan walay usa nga nainitan ug kadtong nagdawat ug suhol nagdawat sa suhol aron ibutang diha sa sudlanan sa salapi nga busloton.

Hageo 1:9

Nangita kamo ug daghan ug tan-awa, midangat kini sa pagkadiyotay ug sa diha nga gidala ninyo kini sa inyong balay, gihuyop nako kini. Ngano man? nag-ingon ang Ginoo sa mga panon. Tungod sa akong balay nga nagun-ob, samtang kamo, ang matag usa kaninyo, nagkapuliki sa iyang kaugalingong balay.

Malaquias 2:2

Kon dili kamo mamati, kon dili ninyo kini ibutang sa inyong kasingkasing aron sa paghatag ug himaya sa akong ngalan, nag-ingon ang Ginoo sa mga panon, ipadala nako ang tunglo kaninyo ug tunglohon nako ang inyong mga panalangin. Sa pagkatinuod, gitunglo na nako kini tungod kay wala ninyo kini ibutang sa inyong kasingkasing.

Mateo 4:4

Apan siya mitubag, “Nasulat na, ‘Ang tawo mabuhi dili sa pan lamang kondili sa matag pulong nga mogula sa baba sa Dios.’ ”