Daniel 1:1

Ang Biblia 2011

Sa ikatulo nga tuig sa pagmando ni Jehoiakim nga hari sa Juda, si Nabucodonosor nga hari sa Babilonia miadto sa Jerusalem ug mipalibot niini.

Cross References

2 Mga Hari 23:36

Sa Jehoiakim 25 ka tuig ang panuigon sa pagsugod niya sa paghari ug siya naghari sulod sa napulo ug usa ka tuig didto sa Jerusalem. Ang ngalan sa iyang inahan mao si Zebida nga anak ni Pedaias sa Ruma.

2 Mga Hari 24:13

Ug iyang gidala gikan didto ang tanan nga mga bahandi sa balay sa Ginoo ug ang mga bahandi sa balay sa hari, ug gidugmok ang tanan nga mga sudlanan nga bulawan nga diha sa Templo sa Ginoo nga gibuhat ni Solomon nga hari sa Israel sumala sa gisulti nang daan sa Ginoo.

Isaias 39:7

Pipila sa imong kaugalingong mga anak nga gipanganak kanimo kuhaon, ug sila mangahimong yunoko sa palasyo sa hari sa Babilonia.”

Jeremias 25:1

Ang pulong nga midangat kang Jeremias mahitungod sa tibuok katawhan sa Juda, sa ikaupat nga tuig ni Jehoiakim nga anak ni Josias, ang hari sa Juda (kadto mao ang unang tuig ni Nabucodonosor nga hari sa Babilonia),

Jeremias 35:1

Ang pulong nga midangat kang Jeremias gikan sa Ginoo sa mga adlaw ni Jehoiakim nga anak ni Josias, hari sa Juda,

Jeremias 35:11

Apan sa diha nga si Nabucodonosor nga hari sa Babilonia misulong sa yuta, kami miingon, ‘Dali, mangadto kita sa Jerusalem tungod sa kahadlok sa kasundalohan sa mga Caldeanhon ug sa kasundalohan sa mga Siriahanon.’ Busa ania, nagpuyo kami sa Jerusalem.”

Jeremias 36:1

Sa ikaupat nga tuig ni Jehoiakim nga anak ni Josias, hari sa Juda, kining pulonga midangat kang Jeremias gikan sa Ginoo:

Jeremias 45:1

Ang pulong nga gisulti ni Jeremias nga propeta ngadto kang Baruk nga anak ni Nerias, sa pagsulat niya niining mga pulonga diha sa usa ka basahon sumala sa gisulti ni Jeremias, sa ikaupat nga tuig ni Jehoiakim nga anak ni Josias nga hari sa Juda,

Jeremias 50:1

Ang pulong nga gisulti sa Ginoo mahitungod sa Babilonia, mahitungod sa yuta sa mga Caldeanhon, pinaagi kang Jeremias nga propeta:

Jeremias 52:12

Sa ikalima nga bulan, sa ikanapulo nga adlaw sa bulan, nga mao ang ikanapulo ug siyam nga tuig ni Nabucodonosor nga hari sa Babilonia, si Nebusaradan nga kapitan sa mga bantay nga nag-alagad sa hari sa Babilonia misulod sa Jerusalem.

Jeremias 52:28

Mao kini ang gidaghanon sa katawhan nga gibihag ni Nabucodonosor: sa ikapito nga tuig, 3,023 ka Judio.

Daniel 5:13

Unya si Daniel gidala sa atubangan sa hari. Ang hari miingon kang Daniel, “Ikaw kadtong Daniel nga usa sa mga binihag gikan sa Juda nga gidala sa hari nga akong amahan gikan sa Juda.