Amos 9:2

Ang Biblia 2011

“Bisan pa ug magkalot sila ngadto sa Sheol, gikan didto kuhaon sila sa akong kamot; bisan pa ug mokatkat sila ngadto sa langit, gikan didto pakanaogon nako sila.

Cross References

Job 20:6

Bisan ug ang iyang gitas-on mosangko sa kalangitan ug ang iyang ulo maabot sa kapanganoran,

Job 22:13

Busa ikaw nag-ingon, ‘Unsa ang nahibaloan sa Dios? Makahimo ba siya sa paghukom taliwala sa dakong kangitngit?

Job 24:23

Siya naghatag kanila ug kasigurohan ug gipaluyohan sila; ang iyang mga mata anaa sa ilang mga dalan.

Job 26:6

Ang Sheol hubo sa atubangan sa Dios, ug ang Abadon walay tabon.

Job 34:22

Walay kangiob o hilabihan nga kangitngit diin ang mga tigbuhat ug daotan makatago sa ilang kaugalingon.

Isaias 2:19

Ang mga tawo manulod sa mga langob sa mga bato, ug sa mga lungib sa yuta, gikan sa atubangan sa pagkamakalilisang sa Ginoo, ug gikan sa himaya sa iyang pagkahalangdon, sa diha nga siya motindog aron sa paglisang sa yuta.

Jeremias 49:16

Ang imong pagkamalilisang naglimbong kanimo, ang garbo sa imong kasingkasing, ikaw nga nagpuyo sulod sa mga liki sa pangpang, nga naghupot sa kahitas-an sa bukid. Bisan ug gihimo nimo ang imong salag sama kahabog sa salag sa agila, gikan didto taktakon ko ikaw ngadto sa ubos, nag-ingon ang Ginoo.

Jeremias 51:53

Bisan ug ang Babilonia mokayab ngadto sa langit, bisan ug palig-onan niya ang lig-on niyang salipdanan, ang mga tiglaglag moadto kaniya gikan kanako, nag-ingon ang Ginoo.

Ezequiel 26:20

dad-on ko ikaw uban kanila nga nanaog ngadto sa Gahong, ngadto sa katawhan sa kanhing panahon, ug magpapuyo kanimo didto sa kalibotan sa ilalom, taliwala sa mga nangaguba sa kanhing panahon, uban kanila nga nanaog ngadto sa Gahong, aron ikaw dili na puy-an o makaangkon ug dapit sa yuta sa mga buhi.

Ezequiel 31:14

Kini gihimo aron nga walay kahoy daplin sa katubigan nga motubo nga habog kaayo o mosangko ang tumoy niini sa kapanganoran, ug walay kahoy nga moinom ug tubig nga makaabot ngadto niini sa gitas-on. Kay silang tanan gitugyan ngadto sa kamatayon, ngadto sa kalibotan sa ilalom, uban sa tanang may kamatayon, uban kanila nga nanganaog sa Gahong.

Abdias 1:4

Bisan ug ikaw naglupad sa kahitas-an sama sa agila, bisan ug ang imong salag ipahimutang taliwala sa mga bituon, gikan diha ihulog ko ikaw, nag-ingon ang Ginoo.

Lucas 10:18

Ug si Jesus miingon kanila, “Nakita nako si Satanas nga nahulog sama sa kilat gikan sa langit.