Amos 9:1

Ang Biblia 2011

Nakita nako ang Ginoo nga nagtindog diha sa halaran ug siya miingon, “Hampaka ang mga haligi hangtod nga ang mga pultahan matay-og, ug dugmoka kini diha sa ulo sa tanang katawhan; ang mahibilin kanila akong patyon pinaagi sa espada; walay usa kanila nga makadagan, walay usa kanila nga makaikyas.

Cross References

2 Cronicas 18:18

Ug si Micaias miingon, “Busa pamatia ang pulong sa Ginoo: Nakita nako ang Ginoo nga naglingkod sa iyang trono ug ang tanang panon sa langit nagbarog diha sa iyang tuong kamot ug dapit sa wala.

Salmo 68:21

Apan ang Dios maghampak sa ulo sa iyang mga kaaway, ang buhokon nga ulo niadtong naglakaw diha sa iyang kasal-anan.

Salmo 68:22

Ang Ginoo nag-ingon, “Dad-on nako sila pagbalik gikan sa Basan, dad-on nako sila pagbalik gikan sa kahiladman sa dagat,

Isaias 30:16

ug kamo miingon, “Dili, kay kami motulin pagpangabayo,” tungod niini kamo tulin nga mopalayo; ug “Kami mangabayo sa tulin nga mga kabayo,” busa ang maggukod kaninyo tulin usab.

Isaias 6:1

Sa tuig nga namatay si hari Uzias, nakita nako ang Ginoo nga naglingkod sa usa ka trono, taas ug tinuboy; ug ang iyang mga bisti milukop sa Templo.

Jeremias 11:11

Busa mao kini ang giingon sa Ginoo, nagpadala ako ug kadaotan ngadto kanila nga dili nila malikayan; bisan ug sila magpakitabang kanako, dili ako mamati kanila.

Jeremias 42:16

ang espada nga inyong gikahadlokan moapas kaninyo didto sa yuta sa Ehipto, ug ang gutom nga inyong gikalisangan mosunod gayod kaninyo didto sa Ehipto, ug didto mangamatay kamo.

Jeremias 48:44

Siya nga midagan gikan sa kahadlok mahulog ngadto sa gahong ug siya nga mosaka gikan sa gahong mabitik sa lit-ag. Kay dad-on nako kining mga butanga ngadto sa Moab sa tuig sa pagsilot kanila, nag-ingon ang Ginoo.

Ezequiel 1:28

Sama sa dagway sa bangaw nga anaa sa panganod sa adlaw nga may ulan, mao usab ang dagway sa kasanag nga naglibot. Ingon niini ang dagway sa himaya sa Ginoo. Ug sa diha nga nakita nako kini, ako mihapa ug nadungog nako ang usa ka tingog sa usa nga nagsulti.

Ezequiel 10:4

Ug ang himaya sa Ginoo mikayab gikan sa mga kerubin ngadto sa tugkaran sa balay ug ang balay nalukop sa panganod ug ang hawanan napuno sa kasilaw sa himaya sa Ginoo.

Ezequiel 15:7

Ug akong ipaatubang ang akong nawong batok kanila. Bisan ug makalingkawas sila gikan sa kalayo, ang kalayo maghurot gihapon kanila, ug kamo makaila nga ako mao ang Ginoo, sa diha nga ipaatubang nako ang akong nawong batok kanila.

Ezequiel 9:2

Ug dihay unom ka tawo nga nanggula gikan sa ibabaw nga ganghaan nga nag-atubang sa amihanan, ang matag usa nga may hinagiban diha sa iyang kamot alang sa pagpatay ug uban kanila ang usa ka tawo nga nagsul-ob ug lino, nga may sudlanan sa igsusulat diha sa iyang kilid. Ug sila misulod ug mitindog tupad sa halaran nga bronsi.

Amos 3:14

“nga sa adlaw nga silotan nako ang Israel tungod sa iyang kalapasan, silotan nako ang mga halaran sa Betel, ug ang mga sungay sa halaran pamutlon ug mangahulog sa yuta.

Amos 7:17

Busa mao kini ang giingon sa Ginoo, ‘Ang imong asawa magbaligya sa iyang dungog diha sa siyudad, ug ang imong mga anak nga lalaki ug mga anak nga babaye mangapukan pinaagi sa espada, ug ang imong yuta bahinon pinaagi sa latid ug ikaw gayod mamatay sa hugaw nga yuta, ug ang Israel moadto gayod sa pagkabihag layo sa iyang yuta.’ ”

Amos 7:9

ang habog nga mga dapit ni Isaac mahimong biniyaan, ug ang mga balaang dapit sa Israel mahimong awaaw, ug ako motindog batok sa balay ni Jeroboam uban ang usa ka espada.”

Habacuc 3:13

Mipanaw ikaw alang sa kaluwasan sa imong katawhan, alang sa kaluwasan sa imong dinihogan. Gigupok nimo ang ulo sa balay sa daotan, gipabuy-od nga walay bisti, gikan sa paa ngadto sa liog. Selah

Sofonias 1:12

Nianang panahona susihon nako ang Jerusalem ginamit ang mga lampara, ug silotan nako ang mga tawo nga nahiuyon sa ilang kahimtang, nga nag-ingon diha sa ilang kasingkasing, “Ang Ginoo dili magbuhat ug maayo, o magbuhat ug daotan.”

Sofonias 2:14

Ang mga panon sa kahayopan manglubog sa taliwala niya, ang tanang mga mananap sa mga nasod, lakip ang agila ug ang eriso; magpuyo sa iyang mga ulohang siyudad, ang ngiwngiw mag-awit diha sa mga tamboanan ang uwak magtingog diha sa mga tugkaranan, kay ilang panguhaon ang mga hinimo ug kahoy nga cedro.

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 1:32

Ug si Juan nagpamatuod nga nag-ingon, “Nakita nako ang Espiritu nga mikunsad ingon ug salampati gikan sa langit, ug kini nagpabilin diha kaniya.

Mga Buhat 26:13

Sa pagkaudto, O hari, nakita diha sa dalan ang usa ka kahayag gikan sa langit nga silaw pa kay sa adlaw, nga midan-ag libot kanako ug sa akong mga kauban.

Josue 10:18

Ug si Josue miingon, “Paligira ang dagkong mga bato ngadto sa baba sa langob ug butangi ug mga tawo duol niini aron sa pagbantay niini.

Gipadayag 1:17

Sa pagkakita nako kaniya, natumba ako nga daw patay diha sa iyang tiilan. Ug gitapion niya kanako ang iyang tuo nga kamot ug miingon siya kanako, “Ayaw kahadlok! Ako mao ang sinugdan ug ang kataposan

Gipadayag 8:3

Ug usa pa ka laing anghel mitungha ug mitindog dapit sa halaran nga nagbitbit ug bulawan nga sudlanan ug insenso, ug gihatagan siya ug daghang insenso aron iuban sa mga pag-ampo sa mga balaan ibabaw sa bulawan nga halaran atubangan sa trono.