Amos 5:4

Ang Biblia 2011

Kay mao kini ang giingon sa Ginoo ngadto sa banay sa Israel, “Pangitaa ninyo ako ug kamo mangabuhi;

Cross References

2 Mga Hari 20:3

“Hinumdomi karon, O Ginoo, ako nangamuyo kanimo, giunsa nako paglakaw nga matinud-anon diha sa imong atubangan ug uban sa tibuok nako nga kasingkasing, ug nagbuhat sa maayo diha sa imong panan-aw.” Ug si Hesekias mihilak sa hilabihan.

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

2 Cronicas 15:2

Siya migula aron sa pagsugat kang Asa ug miingon kaniya, “Pamatia ako, Asa, ug tibuok nga Juda ug Benjamin: Ang Ginoo nag-uban kaninyo, samtang kamo uban pa kaniya. Kon pangitaon ninyo siya, inyo siyang makit-an, apan kon isalikway ninyo siya, iya kamong isalikway.

2 Cronicas 20:3

Unya si Jehosafat nahadlok, ug mipahimutang sa iyang kaugalingon aron sa pagpangita sa Ginoo, ug nagmando ug usa ka pagpuasa sa tibuok Juda.

2 Cronicas 20:4

Ug ang Juda nagtigom aron sa pagpangita ug tabang gikan sa Ginoo; gikan sa tanang mga siyudad sa Juda sila miadto sa pagpangita sa Ginoo.

2 Cronicas 34:3

Kay sa ikawalo nga tuig sa iyang paghari, samtang batan-on pa siya, siya nag-alagad sa Dios ni David nga iyang amahan ug sa ikanapulo ug duha nga tuig siya nagsugod sa paghinlo sa Juda ug sa Jerusalem sa mga habog nga dapit, sa mga Asera, ug sa mga kinulit ug sa mga tinunaw nga larawan.

Salmo 14:2

Ang Ginoo nagsud-ong gikan sa langit ngadto sa mga anak sa mga tawo, sa pagtan-aw kon may usa ba nga maalam, nga nangita sa Dios.

Salmo 22:26

Ang kabos magkaon ug mabusog; magdayeg sa Ginoo ang nangita kaniya! Molungtad unta ang inyong kasingkasing hangtod sa kahangtoran!

Salmo 27:8

Ikaw nag-ingon, “Pangitaa ninyo ang akong nawong.” Ang akong kasingkasing nag-ingon kanimo, “Ang nawong nimo, Ginoo, ang akong pangitaon.”

Salmo 69:32

Pakit-a niini ang mga dinaogdaog ug malipay sila; kamo nga nangita sa Dios, padasiga ang inyong kasingkasing.

Salmo 69:33

Kay ang Ginoo namati sa mga nanginahanglan, ug wala magtamay sa iyang katawhan nga nabilanggo.

Isaias 31:1

Alaot kadtong manglugsong sa Ehipto aron sa pagpakitabang, ug magsalig sa mga kabayo, ug magsalig sa mga karwahi tungod kay sila daghan ug sa mga tigpangabayo tungod kay sila kusgan, apan wala magtutok sa Balaan sa Israel, o magpakisayod sa Ginoo!

Isaias 55:3

Ikiling ang imong igdulungog ug ngari kanako; pamati ug ang imong kalag mabuhi; ug ako magbuhat ug usa ka walay kataposang kasabotan uban kaninyo, ang akong walay paglubad ug kasaligan nga gugma alang kang David.

Jeremias 38:20

Si Jeremias miingon, “Dili ikaw itugyan ngadto kanila. Tumana ang tingog sa Ginoo sumala sa akong gisulti kanimo, ug maayo kini alang kanimo, ug maluwas ang imong kinabuhi.

Ezequiel 18:9

naglakaw diha sa akong lagda ug nagtuman sa akong mga tulumanon, matinud-anon nga nagbuhat niini—siya matarong, siya mabuhi gayod, nag-ingon ang Ginoong Dios.

Oseas 10:12

Pagpugas kamo ug pagkamatarong alang sa inyong kaugalingon; aniha ang bunga sa gugmang walay paglubad; dugmoka ang inyong wala matamni nga yuta; kay panahon kini sa pagpangita sa Ginoo, aron siya moanhi ug magpaulan sa kaluwasan nganha kaninyo.

Amos 5:6

Pangitaa ninyo ang Ginoo ug kamo mangabuhi, kay tingali unya ug mosilaob siya sama sa kalayo diha sa balay ni Jose, ug kini maglamoy ug walay bisan kinsa nga makapalong niini alang sa Betel.

Sofonias 2:3

Pangitaa ninyo ang Ginoo, kamong tanan nga mga maaghop sa yuta nga nagtuman sa iyang mga sugo; pangitaa ang pagkamatarong, pangitaa ang pagkamapaubsanon; basin ug kamo tagoan sa adlaw sa kaligutgot sa Ginoo.

Mateo 7:8

Kay ang tanan nga mangayo makadawat ug ang mangita makakaplag ug alang kaniya nga manuktok ablihan ang pultahan.

Deuteronomio 32:46

siya miingon kanila, “Ibutang ninyo sa inyong kasingkasing ang tanang mga pulong nga gimando kaninyo niining adlawa nga isugo ninyo sa inyong mga anak aron sila magmatngon sa pagbuhat sa tanang mga pulong niini nga Balaod.

Deuteronomio 32:47

Kay kini dili butang nga walay pulos alang kaninyo apan kini mao ang inyong kinabuhi ug tungod niini mabuhi kamo ug dugay didto sa yuta nga inyong adtoan diin motabok kamo sa Jordan aron sa pagpanag-iya niini.”

Deuteronomio 4:29

Apan gikan didto mangita kamo sa Ginoo nga inyong Dios ug makakaplag kamo kaniya kon mangita kamo kaniya sa tibuok ninyong kasingkasing ug sa tibuok ninyong kalag.