Amos 5:3

Ang Biblia 2011

Kay mao kini ang giingon sa Ginoong Dios, “Ang siyudad nga migula nga may usa ka libo mabilinan ug usa ka gatos, ug kadtong migula nga may usa ka gatos mabilinan ug napulo.”

Cross References

Salmo 144:14

Ang among kahayopan modaghan unta ang mga nati nga walay madaot o makuha; wala untay maghilak sa kasubo diha sa among kadalanan!

Isaias 1:9

Kon ang Ginoo sa mga panon wala pa magbilin alang kanato ug pipila ka salin, mahimo unta kita nga sama sa Sodoma, ug mahimo unta nga sama sa Gomora.

Isaias 10:22

Kay bisan ug ang imong katawhan nga Israel mahisama sa balas sa dagat, usa lamang ka salin ang mahiuli. Ang kalaglagan gitakda na, nga mag-awas uban sa pagkamatarong.

Isaias 6:13

Bisan pa ug adunay ikanapulo nga bahin nga mahibilin niini, kini ut-oton pag-usab, sama sa mga dagkong kahoy nga mahibilin ang tuod kon kini putlon.” Ang balaan nga binhi mao ang tuod niini.

Ezequiel 12:16

Apan paikyason nako ang pipila kanila gikan sa espada, gikan sa gutom ug kamatay aron ibutyag nila ang tanan nilang mga dulumtanan taliwala sa mga nasod nga ilang adtoan ug sila makaila nga ako mao ang Ginoo.”

Amos 6:9

Ug kon napulo ka tawo ang mahibilin sa usa ka balay, mangamatay sila.

Roma 9:27

Ug si Isaias mituaw mahitungod sa Israel, “Bisan pa kon ang gidaghanon sa mga anak ni Israel sama sa balas sa dagat, ang mahibilin lamang mao ang maluwas,

Deuteronomio 28:62

Bisan ug sama kamo ka daghan sa mga bituon sa langit, magpabilin kamo nga diyotay ang gidaghanon kay wala kamo magtuman sa tingog sa Ginoo nga inyong Dios.

Deuteronomio 28:63

Ug ingon nga ang Ginoo nalipay sa pagbuhat ug kaayohan nganha kaninyo, ug sa pagpadaghan kaninyo, ang Ginoo usab nalipay sa pagdala ug kadaot nganha kaninyo ug sa paglaglag kaninyo. Ug ibton kamo gikan sa yuta nga inyong adtoan aron panag-iyahon.

Deuteronomio 4:27

Ug ang Ginoo magpatibulaag kaninyo taliwala sa mga katawhan, ug bilinan kamo ug diyotay nga gidaghanon taliwala sa mga nasod diin dad-on kamo sa Ginoo.