Amos 4:3

Ang Biblia 2011

Kamo manggula agi sa mga lungag sa kuta, ang matag usa lahos sa iyang atubangan; ug kamo itambog ngadto sa Harmon;” nag-ingon ang Ginoo.

Cross References

2 Mga Hari 25:4

Unya ang kuta sa siyudad gibuslotan ug ang hari uban sa mga manggugubat miikyas sa pagkagabii agi sa ganghaan tungatunga sa duha ka paril duol sa tanaman sa hari bisan ug ang mga Caldeanhon naglibot na sa siyudad. Ug sila miagi sa dalan padulong sa Araba.

2 Mga Hari 7:15

Ug sila misunod kanila hangtod sa Jordan, ug tan-awa ang tanang dalan nalukop sa mga bisti ug mga sudlanan nga nabiyaan sa mga Sirianhon sa ilang pagdali. Ug ang mga sulugoon namalik ug gisuginlan ang hari.

Isaias 2:20

Nianang adlawa isalibay sa mga tawo ang ilang mga diosdios nga plata ug ang mga diosdios nga bulawan, nga gibuhat nila aron simbahon, ngadto sa mga ilaga ug sa mga kabog,

Isaias 31:7

Kay nianang adlawa ang tanan mosalibay sa iyang diosdios nga plata ug sa iyang mga diosdios nga bulawan nga gibuhat sa inyong mga kamot alang kaninyo tungod sa inyong pagpakasala.

Jeremias 52:7

Unya ang pagbuslot sa paril sa siyudad nahimo ug ang tanang mga tawo sa gubat nangikyas ug nanggula sa siyudad sa pagkagabii agi sa ganghaan taliwala sa duha ka paril, duol sa tanaman sa hari, samtang ang mga Caldeanhon naglibot sa siyudad. Ug sila nangadto padulong sa Araba.

Ezequiel 12:12

Ug ang pangulo nga uban kanila magpas-an sa iyang dad-onon diha sa kangitngit ug molakaw. Siya magbuho sa paril aron mogawas agi niini. Siya magtabon sa iyang nawong, aron siya dili makakita sa yuta pinaagi sa iyang mga mata.

Ezequiel 12:5

Buhoi ang paril diha sa ilang panan-aw ug gawas agi niini.

Amos 6:7

Busa sila karon mao ang una niadtong mahiadto sa pagkabihag, ug ang paghudyaka niadtong naghay-ad sa higdaanan mahanaw.”

Sofonias 1:18

Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo, sa kalayo sa iyang pagpangabubho, ang tibuok kalibotan maut-ot; kay sa kalit taposon niya sa makalilisang gayod silang tanan nga nagpuyo sa yuta.

Mateo 16:26

Kay unsa may kapuslanan alang sa usa ka tawo kon maangkon niya ang tibuok kalibotan apan kawad-an sa iyang kinabuhi? O unsa may ikahatag sa tawo ingon nga bugti sa iyang kinabuhi?

Mga Maghuhukom 5:17

Si Gilead nagpabilin sa tabok sa Jordan; ug si Dan, nganong nagpabilin man siya sa mga barko? Si Aser nagpabilin pa sa baybayon sa dagat, nagpahimutang diha sa mga dunggoanan.