Amos 3:15

Ang Biblia 2011

Lumpagon nako ang balay alang sa tingtugnaw uban sa balay alang sa ting-init; ug ang mga balay nga gidayandayanan ug mga tango sa elepante mangahanaw, ug ang dagkong mga balay mangatapos,” nag-ingon ang Ginoo.

Cross References

Jeremias 36:22

Kadto mao ang ikasiyam nga bulan ug ang hari naglingkod diha sa balay alang sa tingtugnaw ug dihay kalayo sa bagahan nga nagdilaab sa iyang atubangan.

1 Mga Hari 22:39

Ang uban nga mga buhat ni Ahab ug ang tanan niyang gibuhat ug ang balay nga iyang hinimo gikan sa mga tango sa elepante ug ang tanang mga siyudad nga iyang gitukod, wala ba kini masulat sa basahon sa mga Cronicas sa mga Hari sa Israel?

Mga Maghuhukom 3:20

Unya si Ehud miadto kaniya samtang naglingkod siya nga nag-inusara diha sa iyang bugnaw nga lawak nga diha sa itaas. Ug si Ehud miingon, “Aduna akoy usa ka mensahe gikan sa Dios nganha kanimo.” Ug siya mitindog gikan sa iyang lingkoranan.

Amos 6:11

Kay tan-awa, ang Ginoo nagsugo, ug ang dakong balay gun-obon ngadto sa pagkadugmok ug ang mga gagmayng balay ngadto sa pagkapulpog.

Isaias 5:9

Ang Ginoo sa mga panon nanumpa diha sa akong pangdungog, “Daghan gayong mga balay nga mahimong biniyaan, dagko ug matahom nga mga balay, walay magpuyo.

Amos 3:11

Busa mao kini ang giingon sa Ginoong Dios, “Ang kaaway maglibot sa yuta ug magkuha sa inyong mga panalipod gikan kaninyo, ug ang inyong mga salipdanan lungkabon.”

Salmo 45:8

ang tanan nimong kupo humot sa mira ug mga aloe ug casia. Gikan sa mga palasyo nga hinimo sa tango sa elepante ang mga tulunggon nga may kuwerdas naglipay kanimo;

Amos 2:5

Busa magpadala ako ug kalayo ngadto sa Juda ug kini maglamoy sa mga salipdanan sa Jerusalem.”

Amos 5:11

Busa kay giyatakan man ninyo ang mga kabos, ug nagpahamtang kaniya ug tubo sa trigo, nakatukod kamo ug mga balay nga hinimo gikan sa sinapsap nga bato, apan kamo dili makapuyo niini; nagtanom kamo ug mga matahom nga kaparasan apan kamo dili makainom sa bino niini.

Malaquias 1:4

Kon ang Edom moingon, “Kami nalaglag na apan tukoron namo pag-usab ang nagun-ob,” ang Ginoo sa mga panon moingon, “Mahimong tukoron nila apan akong lumpagon hangtod nga tawgon sila nga daotan nga nasod, ang katawhan nga gikaligutgotan sa Ginoo hangtod sa kahangtoran.”