Amos 2:9

Ang Biblia 2011

“Bisan pa niana gipatay nako ang Amorihanon sa ilang atubangan, nga ang gitas-on sama sa gitas-on sa mga cedro ug sama ka kusgan sa dagkong kahoy; gilaglag nako ang iyang mga bunga sa itaas ug ang iyang mga gamot sa ilalom.

Cross References

Malaquias 4:1

“Tan-awa, ang adlaw nagsingabot, nagdilaab sama sa hudno, nga ang tanang mga mapahitas-on ug ang tanang tigbuhat ug daotan mangahimong tuod. Ang adlaw nga moabot magsunog kanila, nag-ingon ang Ginoo sa mga panon, aron kini dili magbilin kanila bisan gamot o sanga.

Job 18:16

Ang iyang mga gamot nauga diha sa ilalom, ug ang iyang mga sanga nangalaya sa ibabaw.

Deuteronomio 3:11

(Kay si Og lamang nga hari sa Basan maoy nahibilin sa mga salin sa mga Refahanon. Ang iyang lungon usa ka higdaanan nga puthaw, wala ba kini diha sa Raba sa mga Amonihanon? Ang gitas-on niini siyam ka maniko ug ang gilapdon upat ka maniko sumala sa maniko sa lalaki.)

Exodo 34:11

“Tumana ang akong gisugo kaninyo niining adlawa. Akong hinginlan gikan sa inyong atubangan ang mga Amorihanon, ang mga Canaanhon, ang mga Hitihanon, ang mga Perisihanon, ang mga Hibihanon ug ang mga Jebusihanon.

Genesis 15:16

Ug sa ikaupat nga kaliwatan mobalik sila dinhi kay ang pagkadaotan sa Amorihanon wala pa mahingpit.”

Ezequiel 17:9

Isulti: Mao kini ang giingon sa Ginoong Dios: Molambo ba kini? Dili ba ibton niya ang gamot niini ug pupoon ang iyang mga bunga, aron kini malaya, aron ang tanang bag-ong mga dahon niini malaya? Dili kinahanglan ang usa ka kusgan nga bukton o daghang mga tao aron sa pag-ibot niini gikan sa gamot.

Josue 10:12

Unya si Josue misulti sa Ginoo sa adlaw nga ang Ginoo mihatag sa mga Amorihanon ngadto sa katawhan sa Israel ug siya miingon diha sa panan-aw sa Israel, “Adlaw, hunong tungod sa Gibeon, ug ikaw, Bulan, sa walog sa Aialon.”

Josue 3:10

Ug si Josue miingon, “Tungod niini mahibaloan ninyo nga ang buhing Dios anaa uban kaninyo ug sa walay pagkapakyas siya maghingilin gikan sa atubangan ninyo sa mga Canaanhon, sa mga Hitihanon, sa mga Hibihanon, sa mga Perisihanon, sa mga Gergasihanon, sa mga Amorihanon, ug sa mga Jebusihanon.

Deuteronomio 1:28

Asa man kita motungas? Ang atong mga igsoon nagbugnaw sa atong mga kasingkasing ug miingon, “Ang mga tawo dagko ug tag-as kay kanato. Ang mga siyudad dagko ug kinutaan hangtod sa langit, ug dugang pa, nakita namo didto ang mga kaliwat sa mga Anakihanon.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Isaias 5:24

Busa ingon nga ang dila sa kalayo maglamoy sa dagami, ug ingon nga ang uga nga balili masunog diha sa siga, ang ila usab nga gamot madunot, ug ang ilang putot mawala sama sa abog; tungod kay ilang gisalikway ang balaod sa Ginoo sa mga panon, ug gitamay ang pulong sa Balaan sa Israel.

Isaias 10:33

Tan-awa, ang Ginoong Dios sa mga panon, magbali sa mga sanga pinaagi sa gahom nga makalilisang, ug ang mga habog kaayo pukanon ug ang tag-as ipaubos.

Numeros 32:13

Ug ang kaligutgot sa Ginoo misilaob batok sa Israel ug gihimo niya nga sila maglatagaw sa kamingawan sa 40 ka tuig hangtod nga ang tanang kaliwatan nga nagbuhat ug daotan sa panan-aw sa Ginoo mangahurot.

1 Cronicas 1:14

ug sa mga Jebusihanon, sa mga Amorihanon, sa mga Girgasihanon,