Amos 1:5

Ang Biblia 2011

Gun-obon nako ang trangka sa Damasco, puohon ang mga lumulupyo gikan sa Walog sa Aven, ug siya nga naghupot sa sitro gikan sa Bet-eden, ug ang katawhan sa Siria mangabihag ngadto sa Kir,” nag-ingon ang Ginoo.

Cross References

2 Mga Hari 14:28

Karon ang ubang mga buhat ni Jeroboam ug ang tanan niyang gihimo ug ang iyang gahom giunsa niya pagpakiggubat ug giunsa niya pagbawi ang Damasco ug ang Hamat nga sakop sa Juda alang sa Israel, wala ba kini masulat sa basahon sa mga Kasaysayan sa mga Hari sa Israel?

2 Mga Hari 16:9

Ug ang hari sa Asiria namati kaniya. Ug ang hari sa Asiria misulong batok sa Damasco ug nailog kini ug gidala ang katawhan ingon nga binihag ngadto sa Kir ug iyang gipatay si Resin.

Isaias 22:6

Si Elam nagdala sa baslayan uban ang mga karwahi ug ang mga nagdala niini ug gibuksan ni Kir ang taming.

Isaias 43:14

Kini mao ang giingon sa Ginoo, ang inyong Manunubos, ang Balaan sa Israel: “Tungod kaninyo ako magpadala ngadto sa Babilonia, ug gun-obon nako ang tanang rehas, ug ang singgit sa mga Caldeanhon, mahimong pagbangutan.

Isaias 8:4

kay sa dili pa ang bata makakat-on pagtawag ug ‘Amahan ko’ ug ‘Inahan ko,’ ang mga bahandi sa Damasco ug ang inilog sa Samaria dad-on sa atubangan sa hari sa Asiria.”

Jeremias 50:36

Espada ngadto sa mga tigpanag-an, aron sila mangabuang! Espada ngadto sa iyang mga manggugubat, aron sila mangalaglag!

Jeremias 51:30

Ang mga manggugubat sa Babilonia mihunong sa pagpakig-away, sila nagpabilin sa ilang mga salipdanan; ang ilang kusog nagkaluya, nahimo sila nga sama sa mga babaye; ang iyang mga puluy-anan gisunog, ang iyang mga trangka nangabunggo.

Mga Pagbangotan 2:9

Ang iyang mga ganghaan nangalusno ngadto sa yuta; iyang gilaglag ug gipamunggo ang mga trangka niini; ang iyang hari ug ang iyang mga pangulo atua sa taliwala sa mga nasod; wala na ang balaod, ug ang iyang mga propeta wala nay panan-awon gikan sa Ginoo.

Ezequiel 27:23

Ang Haran, ang Cane, ang Eden, ang mga tigpatigayon sa Seba, ang Asur, ug ang Kilmad nakigpatigayon kanimo.

Ezequiel 30:17

Ang mga batan-ong lalaki sa On ug sa Pibeset mangapukan pinaagi sa espada ug ang mga babaye mahiadto sa pagkabihag.

Oseas 10:8

Ang mga habog nga mga dapit sa Aven, ang sala sa Israel, laglagon. Ang tunok ug ang sagbot manubo sa ilang mga halaran ug sila mag-ingon sa kabukiran, Taboni kami, ug sa kabungtoran, Tumpagi kami.

Amos 5:5

apan ayaw ninyo pangitaa ang Betel ug ayaw kamo pagsulod sa Gilgal o motabok sa Beerseba; kay ang Gilgal mabihag gayod ug ang Betel mawagtang.”

Amos 9:7

“Dili ba kamo sama sa mga Etiopianhon alang kanako, O katawhan sa Israel?” nag-ingon ang Ginoo. “Wala ba nako kuhaa ang Israel gikan sa yuta sa Ehipto, ug ang mga Filistihanon gikan sa Caftor ug ang mga Sirianhon gikan sa Kir?

Nahum 3:13

Tan-awa, ang imong katawhan mga babaye sa imong kinataliwad-an. Ang mga ganghaan sa imong yuta nangabukas alang sa imong mga kaaway; ang kalayo milamoy sa imong mga trangka.