Amos 1:3

Ang Biblia 2011

Mao kini ang giingon sa Ginoo, “Tungod sa tulo ka kalapasan sa Damasco, ug tungod sa upat, dili nako bakwion ang silot; tungod kay gigiokan nila ang Gilead uban sa mga galamiton nga puthaw alang sa paggiok.

Cross References

1 Mga Hari 19:17

Ug siya nga makaikyas gikan sa espada ni Hasael patyon ni Jehu, ug siya nga makaikyas sa espada ni Jehu, patyon ni Eliseo.

2 Mga Hari 13:3

Ug ang kasuko sa Ginoo misilaob batok sa Israel ug gitugyan niya sila kanunay ngadto sa kamot ni Hasael nga hari sa Siria ug unya ngadto sa kamot ni Ben-hadad nga anak ni Hasael.

2 Mga Hari 13:7

Kay walay mahibilin kang Jehoahas nga kasundalohan nga labaw sa 50 ka tigpangabayo ug napulo ka karwahi ug napulo ka libo ka sundalo nga naglakaw, kay sila gilaglag sa hari sa Siria ug gihimo sila nga sama sa abog nga gitamaktamakan.

2 Mga Hari 16:9

Ug ang hari sa Asiria namati kaniya. Ug ang hari sa Asiria misulong batok sa Damasco ug nailog kini ug gidala ang katawhan ingon nga binihag ngadto sa Kir ug iyang gipatay si Resin.

2 Mga Hari 8:12

Ug si Hasael miingon, “Nganong naghilak man ang akong agalon?” Ug siya mitubag, “Tungod kay ako nahibalo sa daotan nga imong buhaton ngadto sa katawhan sa Israel; ang ilang mga kuta imong sunogon, ug pamatyon ang ilang mga batan-ong lalaki pinaagi sa espada ug dugmokon ang mga gagmay nga bata, ug yasyasan ang ilang mga babaye nga mabdos.”

Job 19:3

Ikanapulo na ka higayon kining pagpakaulaw ninyo kanako; wala ba kamo maulaw sa pagdaot kanako?

Job 5:19

Siya magluwas kanimo gikan sa unom ka kasamok; sa ikapito walay daotan nga makadapat kanimo.

Mga Panultihon 6:16

Adunay unom ka butang nga gidumtan sa Ginoo, pito ang dulumtanan niya:

Ecclesiastes 11:2

Hatagi ug bahin ang pito, bisan ang walo, kay ikaw wala masayod kon unsa ang kadaot nga mahitabo ibabaw sa yuta.

Isaias 28:27

Kay ang anis dili giokon pinaagi sa galamiton sa paggiok, ang anis dili paligsan sa ligid sa karomata; apan ang anis dukdokon pinaagi ug bunal, ug ang kumino lubkon pinaagi ug alho.

Isaias 41:15

Tan-awa, himoon ko ikaw nga usa ka galamiton sa paggiok, bag-o, hait ug adunay mga ngipon; ikaw maggiok sa kabukiran ug magdugmok niini, ug himoon nimong sama sa tahop ang kabungtoran.

Isaias 7:16

Kay sa dili pa ang bata makakat-on sa pagsalikway sa daotan ug sa pagpili sa maayo, biyaan ang yuta diin ang duha ka hari imong gikahadlokan.

Isaias 7:8

Kay ang ulo sa Siria mao ang Damasco, ug ang ulo sa Damasco mao si Resin. (Sulod sa 65 ka tuig ang Efraim mabungkag aron dili na kini mahimong usa ka katawhan.)

Isaias 8:4

kay sa dili pa ang bata makakat-on pagtawag ug ‘Amahan ko’ ug ‘Inahan ko,’ ang mga bahandi sa Damasco ug ang inilog sa Samaria dad-on sa atubangan sa hari sa Asiria.”

Amos 1:11

Mao kini ang giingon sa Ginoo, “Tungod sa tulo ka kalapasan sa Edom, ug tungod sa upat, dili nako bakwion ang silot; tungod kay iyang gigukod uban sa espada ang iyang igsoon ug gisalikway ang tanang kaluoy, ug ang iyang kasilag walay hunong, ug siya nagbaton sa iyang kaligutgot hangtod sa kahangtoran.

Amos 1:13

Mao kini ang giingon sa Ginoo, “Tungod sa tulo ka kalapasan sa mga Amonihanon, ug tungod sa upat, dili nako bakwion ang silot; tungod kay giyasyasan nila ang mga mabdos nga babaye sa Gilead, aron padakoon nila ang ilang utlanan.

Amos 1:6

Mao kini ang giingon sa Ginoo, “Tungod sa tulo ka kalapasan sa Gaza ug tungod sa upat, dili nako bakwion ang silot; tungod kay ilang gibihag ang tibuok nga katawhan, aron sa pagtugyan kanila ngadto sa Edom.

Amos 1:9

Mao kini ang giingon sa Ginoo, “Tungod sa tulo ka kalapasan sa Tiro, ug tungod sa upat, dili nako bakwion ang silot; tungod kay ilang gitugyan ang tibuok nga katawhan ngadto sa Edom ug wala mahinumdom sa kasabotan sa pagkamanagsoon.

Amos 2:1

Mao kini ang giingon sa Ginoo, “Tungod sa tulo ka kalapasan sa Moab, ug tungod sa upat, dili nako bakwion ang silot; tungod kay gisunog niya hangtod sa pagkaapog ang mga bukog sa hari sa Edom.

Amos 2:4

Mao kini ang giingon sa Ginoo, “Tungod sa tulo ka kalapasan sa Juda ug tungod sa upat, dili nako bakwion ang silot; tungod kay gisalikway nila ang balaod sa Ginoo, ug wala magtuman sa iyang mga lagda, apan ang ilang kabakakan nagpahisalaag kanila, nga mao ang gisubay sa ilang mga katigulangan.

Amos 2:6

Mao kini ang giingon sa Ginoo, “Tungod sa tulo ka kalapasan sa Israel, ug tungod sa upat, dili nako bakwion ang silot; tungod kay gibaligya nila ang matarong alang sa plata ug ang nanginahanglan alang sa usa ka paris sa sapatos—

Zacarias 9:1

Ang pulong sa Ginoo batok sa yuta sa Hadrac, ug mopahiluna diha sa Damasco. Kay iya sa Ginoo ang mga siyudad sa Aram, bisan ingon sa tanang banay sa Israel.

Zacarias 9:2

Ang Hamat usab nga kasikbit niini, ang Tiro ug ang Sidon, bisan ug sila maalamon kaayo.