Amos 1:10

Ang Biblia 2011

Busa magpadala ako ug kalayo sa kuta sa Tiro, ug kini maglamoy sa mga salipdanan niini.”

Cross References

Jeremias 47:4

tungod sa adlaw nga moabot sa paglaglag sa tanang mga Filistihanon, sa pagpuo gikan sa Tiro ug sa Sidon sa tanang mga mitabang nga nagpabilin. Kay laglagon sa Ginoo ang mga Filistihanon, ang nahibilin sa pulo sa Caftor.

Ezequiel 26:12

Ilogon nila ang imong mga bahandi ug ilang tukbon ang imong mga butang nga baligya, ug gun-obon nila ang imong mga kuta ug lumpagon ang maanindot nimong mga balay. Ang imong mga bato ug mga kahoy ug yuta ilang itambog ngadto sa taliwala sa katubigan.

Ezequiel 26:4

Lumpagon nila ang mga kuta sa Tiro, ug gun-obon ang iyang mga tore ug kaloton nako ang iyang yuta gikan kaniya ug himoon nako siya nga usa ka batong panas.

Ezequiel 28:18

Tungod sa kadaghan sa imong mga sala, diha sa pagkadili matarong sa imong patigayon ikaw nagpasipala sa imong balaang mga dapit; busa gipagula nako ang kalayo gikan sa imong taliwala; kini milamoy kanimo, ug ikaw gihimo nako nga abo diha sa yuta sa atubangan nilang tanan nga nagsud-ong kanimo.

Joel 3:4

“Unsa ba kamo alang kanako, O Tiro ug Sidon ug ang tanang kayutaan sa Filistia? Nagbalos ba kamo kanako alang sa usa ka butang? Kon kamo nagbalos kanako, ako mobalos dayon ug sa hinanali gayod sa inyong binuhatan nganha sa inyong ulo.

Amos 1:4

Busa padad-an nako ug kalayo ang balay ni Hasael, ug kini maglamoy sa mga kuta ni Ben-hadad.

Amos 1:7

Busa magpadala ako ug kalayo ngadto sa kuta sa Gaza, ug kini maglamoy sa mga salipdanan niini.

Zacarias 9:4

Apan tan-awa, kuhaan siya sa Ginoo sa iyang mga kabtangan ug ilabay ang iyang bahandi ngadto sa dagat, ug siya lamyon sa kalayo.