Amos 1:1

Ang Biblia 2011

Ang mga pulong ni Amos nga usa sa mga tigbantay sa karnero sa Tekoa, nga iyang nakita mahitungod sa Israel sa mga adlaw ni Uzias nga hari sa Juda ug sa mga adlaw ni Jeroboam nga anak ni Joas nga hari sa Israel, duha ka tuig sa wala pa ang linog.

Cross References

2 Samuel 14:2

Ug si Joab nagpaadto ngadto sa Tekoa, ug gipakuha gikan didto ang usa ka maalamong babaye ug miingon kaniya, “Pagpakaaron-ingnon nga nagbangutan ikaw ug pagsul-ob ug bisti sa pagbangutan; ayaw dihogi ang imong kaugalingon ug lana, apan pagpakaaron-ingnon nga ikaw usa ka babaye nga dugay nang nagbangutan tungod sa namatay.

1 Mga Hari 19:19

Busa mibiya siya gikan didto ug nakita si Eliseo nga anak ni Safat nga nagdaro uban ang napulo ug duha ka yugo sa mga baka nga nag-una kaniya ug siya diha sa ikanapulo ug duha. Ug si Elias miagi kaniya ug miitsa sa iyang kupo ngadto kaniya.

2 Mga Hari 14:21

Ug ang tibuok katawhan sa Juda mikuha kang Asarias nga nagpanuigon ug napulo ug unom ka tuig, ug gihimo siya nga hari sa puli sa iyang amahan nga si Amasias.

2 Mga Hari 14:23

Sa ikanapulo ug lima nga tuig ni Amasias nga anak ni Joas nga hari sa Juda, si Jeroboam nga anak ni Joas nga hari sa Israel nagsugod sa paghari sa Samaria ug naghari sulod sa 41 ka tuig.

2 Cronicas 11:6

Iyang gitukod ang Betlehem, ang Etam, ang Tekoa,

2 Cronicas 20:20

Sila mibangon pagsayo sa pagkabuntag ug miadto sa kamingawan sa Tekoa, ug sa nangadto sila, si Jehosafat mitindog ug miingon, “Pamatia ako, Juda ug mga lumulupyo sa Jerusalem! Tuo kamo sa Ginoo nga inyong Dios aron kamo malig-on; tuohi ang iyang mga propeta ug molampos kamo.”

Exodo 3:1

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Isaias 1:1

Ang panan-awon ni Isaias nga anak ni Amos, nga iyang nakita mahitungod sa Juda ug sa Jerusalem, sa mga adlaw ni Uzias, ni Jotam, ni Ahas ug ni Hesekias, nga mga hari sa Juda.

Jeremias 1:1

Ang mga pulong ni Jeremias nga anak ni Hilkias, sa mga pari nga didto sa Anatot sa yuta ni Benjamin,

Jeremias 28:8

Ang mga propeta nga nag-una kanimo ug kanako sa karaang mga panahon nagpropesiya ug gubat, gutom ug kamatay batok sa daghang mga nasod ug batok sa dagkong mga gingharian.

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Jeremias 7:27

“Busa isulti nimo kanila kining tanan nga mga pulong, apan dili sila mamati kanimo. Tawgon nimo sila apan dili sila motubag kanimo.

Oseas 1:1

Ang pulong sa Ginoo nga midangat kang Hosea nga anak ni Beri, sa mga adlaw ni Uzias, ni Jotam, ni Ahas ug ni Hesekias, mga hari sa Juda, ug sa mga adlaw ni Jeroboam nga anak ni Joas nga hari sa Israel.

Amos 7:14

Unya mitubag si Amos kang Amasias, “Dili ako propeta o anak sa propeta apan ako usa ka tigbantay sa mga hayop ug usa ka tig-atiman sa mga kahoy nga sikomoro,

Miqueas 1:1

Ang pulong sa Ginoo nga midangat kang Mikeas nga taga-Moreset, sa mga adlaw ni Jotam, ni Ahas ug ni Hesekias, mga hari sa Juda, nga iyang nakita mahitungod sa Samaria ug sa Jerusalem.

Zacarias 14:5

Ug ang walog sa akong kabukiran maalihan kay ang walog sa mga bukid moabot sa kilid niini, ug kamo mangagiw sama sa inyong pagkagiw tungod sa linog panahon ni Uzias nga hari sa Juda. Unya ang Ginoo nga inyong Dios moanhi ug ang tanang mga balaan uban kaniya.

Mateo 4:18

Samtang naglakaw siya sa daplin sa Lanaw sa Galilea, nakita niya ang duha ka magsoon, si Simon nga ginganlan ug Pedro ug si Andres nga iyang igsoon nga namukot sa lanaw kay mga mananagat man sila.

1 Mga Taga-Corinto 1:27

apan gipili sa Dios ang binuang alang sa kalibotan aron sa pagpakaulaw sa mga maalamon, ug ang huyang alang sa kalibotan gipili sa Dios aron sa pagpakaulaw sa mga kusgan.