3 Juan 1:3

Ang Biblia 2011

Gikalipay ko gayod ug dako ang pag-abot sa mga igsoon ug ang ilang pagpamatuod sa pagkamatinud-anon sa imong kinabuhi, ingon nga ikaw nagkinabuhi diha sa kamatuoran.

Cross References

Salmo 119:11

Gitipigan nako ang imong pulong sulod sa akong kasingkasing, aron dili ako makasala batok kanimo.

Mga Buhat 1:15

Niadtong mga adlawa si Pedro mitindog taliwala sa kaigsoonan nga ang gidaghanon mga 120 ka tawo, ug siya miingon,

1 Mga Taga-Corinto 13:6

Ang gugma dili malipay sa daotan, apan malipay kini sa kamatuoran,

Mga Taga-Galacia 6:10

Busa, ingon nga kita adunay kahigayonan, buhaton nato ang maayo ngadto sa tanang mga tawo, ilabi na kanila nga mga sakop sa panimalay sa pagtuo.

Mga Taga-Filipos 1:4

Sa tanan nakong pagpangamuyo alang kaninyong tanan, ako sa kanunay nag-ampo uban sa kalipay,

2 Juan 1:2

tungod sa kamatuoran nga nagpabilin kanato ug mag-uban kanato hangtod sa kahangtoran:

2 Juan 1:4

Nalipay gayod ako pag-ayo kay akong nakita ang imong mga anak nga nagkinabuhi diha sa kamatuoran, sumala sa sugo nga atong nadawat gikan sa Amahan.

3 Juan 1:10

Busa kon moanha ako, hinumdoman ra unya nako ang iyang mga buhat, sa iyang pagtabi ug daotang mga pulong batok kanamo. Ug wala pa gayod matagbaw niini, siya nagdumili sa pagdawat sa mga igsoon, ug iyang gisanta ang mga buot untang modawat kanila ug gipapahawa sila gikan sa iglesia.

3 Juan 1:2

Hinigugma, nag-ampo ako nga ang tanan maayo alang kanimo ug nga maanaa ikaw sa maayong panglawas, ingon nga maayo ang imong kalag.

3 Juan 1:4

Wala na akoy kalipay nga molabaw pa niini, nga makadungog ako nga ang akong mga anak nagkinabuhi diha sa kamatuoran.

3 Juan 1:5

Hinigugma, nagbuhat ikaw nga matinumanon sa bisan unsang pag-alagad ngadto sa mga igsoon ug sa mga dumuduong.