3 Juan 1:14

Ang Biblia 2011

Naglaom ako sa pagpakigkita kanimo sa dili madugay ug magsultihanay unya kita sa nawong ug nawong.

Cross References

Genesis 43:23

Ug siya mitubag, “Ang kalinaw maanaa kaninyo, ayaw kamo kahadlok, ang inyong Dios ug ang Dios sa inyong amahan naghatag kaninyo ug bahandi sa inyong mga sako. Ang inyong salapi ania kanako.” Ug si Simeon iyang gidala ngadto kanila.

Daniel 4:1

Si Hari Nabucodonosor, alang sa tanang mga katawhan, mga nasod, ug mga pinulongan nga nagpuyo sa tibuok nga yuta: Ang kalinaw modagaya unta kaninyo!

Juan 10:3

Alang kaniya ang tigbantay sa pultahan moabli ug ang mga karnero mamati sa iyang tingog ug ang iyang kaugalingong mga karnero tawgon niya sa ngalan ug mag-una kanila sa ilang pagpanggawas.

Juan 20:19

Sa pagkakilomkilom na niadtong adlawa nga mao ang unang adlaw sa semana, samtang tinakpan ang mga pultahan sa dapit diin didto ang mga tinun-an tungod sa kahadlok nila sa mga Judio, si Jesus mitungha ug mitindog sa ilang taliwala ug miingon kanila, “Ang kalinaw mag-uban kaninyo.”

Juan 20:21

Unya si Jesus miingon kanila pag-usab, “Ang kalinaw mag-uban kaninyo. Ingon nga gipadala ako sa Amahan, ako usab magpadala kaninyo.”

Mga Taga-Galacia 5:16

Apan ako mag-ingon, pagkinabuhi kamo diha sa Espiritu ug ayaw ninyo tumana ang mga tinguha sa unod.

Mga Taga-Efeso 6:23

Ang kalinaw maanaa unta sa mga kaigsoonan, ug ang gugma uban sa pagtuo gikan sa Dios nga Amahan ug sa Ginoong Jesu-Cristo.

1 Pedro 5:14

Pagpangumostahay kamo sa usa ug usa pinaagi sa halok sa gugma. Ang kalinaw maanaa kaninyong tanan nga anaa kang Cristo.

2 Juan 1:12

Bisan tuod ug daghan ako ug igsusulat kaninyo, dili na kini nako isulat pinaagi sa papel ug tinta apan gilaoman nako ang pag-anha diha sa pagpakigkita kaninyo ug sa pagpakigsulti kaninyo sa inatubangay aron mahingpit ang atong kalipay.