3 Juan 1:11

Ang Biblia 2011

Hinigugma, ayaw pagsunod sa daotan kondili sa maayo. Siya nga nagbuhat ug maayo iya sa Dios apan siya nga nagbuhat ug daotan, wala gayod makakita sa Dios.

Cross References

Salmo 34:14

Palayo gikan sa daotan, ug buhata ang maayo; pangitaa ang pakigdait ug sunda kini.

Salmo 37:27

Biya sa daotan, ug buhata ang maayo; aron magpuyo ikaw hangtod sa kahangtoran.

Exodo 23:2

Ayaw pagsunod sa daghan aron sa pagbuhat ug daotan, o sa pagsaksi ug bakak diha sa usa ka kaso pinaagi sa pagdapig sa daghan aron sa pagtuis sa katarongan,

Mga Panultihon 12:11

Siya nga nag-ugmad sa iyang yuta makabaton ug daghang pagkaon, apan siya nga nagsunod sa mga kalihokan nga walay hinungdan walay salabotan.

Juan 10:27

Ang akong mga karnero mamati sa akong tingog ug ako nakaila kanila ug sila nagsunod kanako.

Juan 12:26

Kon ang usa ka tawo mag-alagad kanako, kinahanglan nga mosunod siya kanako ug kon asa gani ako, ang akong alagad atua usab didto. Kon ang usa ka tawo mag-alagad kanako, ang Amahan magpasidungog kaniya.

Juan 3:20

Kay ang tanan nga nagbuhat ug daotan nagdumot sa kahayag, ug dili moduol sa kahayag, kay tingali unya ug madayag ang ilang mga binuhatan.

1 Mga Taga-Corinto 11:1

Sundog kamo kanako, ingon nga ako nagsundog kang Cristo.

1 Mga Taga-Corinto 4:16

Busa awhagon ko kamo nga sundogon ninyo ako.

Mga Taga-Efeso 5:1

Busa sundog kamo sa Dios, ingon nga mga pinalanggang anak.

Mga Taga-Filipos 3:17

Mga igsoon, duyog kamo sa pagsundog kanako ug timan-i ninyo sila nga nagkinabuhi sa ingon sumala sa panag-ingnan nga inyong nadawat kanamo.

1 Mga Taga-Tesalonica 1:6

Ug kamo misundog kanamo ug sa Ginoo, kay kamo midawat man sa pulong taliwala sa daghang kasakit, dinuyogan sa kalipay gikan sa Espiritu Santo.

1 Mga Taga-Tesalonica 2:14

Kay kamo, mga igsoon, misundog sa mga iglesia sa Dios nga anaa sa Judea diha kang Cristo Jesus, kay kamo nag-antos man usab sa samang mga butang gikan sa inyong mga katagilungsod sama sa ilang giantos gikan sa mga Judio.

2 Timoteo 3:10

Apan ikaw nakasunod pag-ayo sa akong pagpanudlo, sa paggawi, sa tumong sa kinabuhi, sa pagtuo, sa pagkamainantoson, sa gugma, sa pagkamalahutayon,

Mga Hebreo 6:12

aron dili kamo magtapol, hinuon mosundog kanila nga nakapanunod sa mga saad tungod sa ilang pagtuo ug pailob.

1 Pedro 3:11

Pabiyai niya ang daotan ug ipabuhat kaniya ang maayo, ipapangita kaniya ang kalinaw ug ipakab-ot kini.

1 Pedro 3:13

Kinsa may makahimo ug kadaot kaninyo kon magmainiton kamo sa pagbuhat sa maayo?

1 Juan 2:29

Kon kamo nahibalo nga siya matarong, masayran usab ninyo nga ang tanang nagbuhat ug matarong gipanganak gikan kaniya.

1 Juan 3:10

Maila kon kinsa ang mga anak sa Dios ug kinsa ang mga anak sa yawa pinaagi niini: si bisan kinsa nga wala magbuhat ug matarong ug wala mahigugma sa iyang igsoon, dili iya sa Dios.

1 Juan 4:1

Mga hinigugma, ayaw ninyo tuohi ang tanang espiritu, apan sulayi ninyo ang mga espiritu kon sila iya ba sa Dios kay daghan ang mga mini nga propeta nga nanungha sa kalibotan.