2 Timoteo 4:3

Ang Biblia 2011

Kay moabot ang panahon nga ang mga tawo dili na molahutay sa maayong pagtulun-an, kondili sumala sa ilang kaugalingong mga pangibog, magpatigom sila ug mga magtutudlo nga maghapohap sa ilang nagkatol nga mga dalunggan,

Cross References

1 Mga Hari 18:22

Unya si Elias miingon ngadto sa katawhan, “Ako, ako na lamang ang nahibilin nga propeta sa Ginoo, apan ang mga propeta ni Baal 450 ka tawo.

1 Mga Hari 22:18

Ug ang hari sa Israel miingon kang Jehosafat, “Wala ba ako magsugilon kanimo nga siya dili buot magpropesiya ug maayo mahitungod kanako, kondili daotan?”

1 Mga Hari 22:8

Ug ang hari sa Israel miingon kang Jehosafat, “Ania pay usa ka tawo nga pinaagi kaniya magpakisayod kita mahitungod sa Ginoo, si Micaias nga anak ni Imla, apan nagdumot ako kaniya, kay wala siya magpropesiya ug maayo mahitungod kanako, kondili daotan.” Ug si Jehosafat miingon, “Dili unta magsulti ang hari sa ingon.”

Exodo 32:33

Apan ang Ginoo miingon kang Moises, “Si bisan kinsa nga nakasala batok kanako, siya papason nako gikan sa akong basahon.

Isaias 28:12

nga kanila miingon siya, “Kini mao ang pahulay; hatagi ninyo ug pahulay siya nga gikapoyan; ug kini mao ang pahulay,” apan dili sila mamati.

Isaias 30:10

nga nag-ingon sa mga tigpanagna, “Ayaw pagtan-aw”; ug ngadto sa mga propeta, “Ayaw pagpropesiya kanamo sa mga butang nga matarong, pagsulti kanamo ug malumo nga mga butang, pagpropesiya ug mga lamat,

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 27:9

Busa ayaw kamo pamati sa inyong mga propeta, sa inyong mga tigpanagna, sa inyong mga tighubad sa damgo, sa inyong mga tighubad sa mga tilimad-on o sa inyong mga tigsalamangka nga nag-ingon kaninyo, “Dili kamo mag-alagad sa hari sa Babilonia.”

Jeremias 29:8

Kay mao kini ang giingon sa Ginoo sa mga panon, ang Dios sa Israel: Ayaw kamo pagpalimbong sa inyong mga propeta ug sa inyong mga tigpanagna nga anaa uban kaninyo ug ayaw kamo pamati sa mga damgo nga ilang gidamgo,

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Miqueas 2:11

Kon ang usa ka tawo magsuroysuroy nga magsulti ug walay hinungdan ug mga bakak, nga nag-ingon, “Ako magsangyaw kanimo mahitungod sa bino ug sa ilimnon,” siya mahimo nga tigsangyaw niini nga katawhan!

Lucas 20:19

Unya ang mga eskriba ug mga pangulong pari misulay sa pagdakop kang Jesus niadto gayong tungora, kay nakasabot man sila nga iyang gisugilon ang maong sambingay batok kanila, apan nahadlok sila sa mga tawo.

Lucas 6:26

“Alaot kamo sa diha nga ang tanang mga tawo magsulti ug maayo mahitungod kaninyo kay ingon usab niini ang gibuhat sa ilang katigulangan ngadto sa mga mini nga propeta.

Juan 8:45

Apan kay nagsulti man ako sa kamatuoran, kamo dili motuo kanako.

Mga Buhat 17:21

Ang tanan nga mga taga-Atenas ug mga langyaw nga nagpuyo didto walay laing lingaw gawas sa paghisgot o pagpaminaw ug bag-ong butang.

1 Mga Taga-Corinto 2:1

Sa akong pag-anha diha kaninyo, mga igsoon, mianha ako nga wala magsangyaw kaninyo sa misteryo sa Dios ginamit ang hinashasan nga mga pulong o kaalam.

1 Mga Taga-Corinto 2:4

Ang akong pulong ug pagwali dili pinaagi sa madanihong mga pulong sa kaalam kondili diha sa pagpadayag sa Espiritu ug sa gahom,

Mga Taga-Galacia 4:16

Karon nahimo na ba ako ninyong kaaway tungod sa akong pagsugilon kaninyo sa kamatuoran?

1 Timoteo 1:10

sa mga makihilawason, sa mga makig-unay ug isigkalalaki, sa mga mamimihag ug tawo, sa mga bakakon, sa mga tigpanumpa ug bakak, ug bisan unsa pa nga kabatok sa maayong pagtulun-an

2 Timoteo 1:13

Sunda ang sumbanan sa mga maayong pulong nga imong nadungog gikan kanako, diha sa pagtuo ug sa gugma nga anaa kang Cristo Jesus.

Judas 1:18

kay sila miingon kaninyo, “Sa kataposang panahon may manungha nga mga mayubiton, nagpahiuyon sa ilang dili diosnon nga mga pangibog.”