2 Timoteo 4:1

Ang Biblia 2011

Sa atubangan sa Dios ug ni Cristo Jesus nga mao ang maghukom sa mga buhi ug sa mga patay, ug pinaagi sa iyang pagpadayag ug sa iyang gingharian, ako magtugon kanimo niini:

Cross References

Salmo 50:6

Ang kalangitan nagpadayag sa iyang pagkamatarong, kay ang Dios gayod mao ang maghuhukom! Selah

Salmo 96:13

sa atubangan sa Ginoo; kay siya moabot, kay siya moanhi aron sa paghukom sa yuta. Hukman niya ang kalibotan pinaagi sa pagkamatarong, ug ang mga katawhan pinaagi sa iyang kamatuoran.

Salmo 98:9

sa atubangan sa Ginoo, kay siya moanhi aron sa paghukom sa yuta. Diha sa pagkamatarong maghukom siya sa kalibotan, ug sa mga katawhan diha sa kaangayan.

Mateo 16:27

Kay ang Anak sa Tawo moanhi uban sa iyang mga anghel, diha sa himaya sa iyang Amahan, ug unya gantihan niya ang matag usa sumala sa iyang mga binuhatan.

Lucas 19:12

Busa miingon siya, “Usa ka tawong dungganan milakaw ngadto sa layong dapit aron pagdawat alang sa iyang kaugalingon ug usa ka gingharian, ug unya mobalik siya.

Lucas 19:15

Ug nahitabo nga sa pagpauli niya, human madawat ang gingharian, iyang gipasugoan ang maong mga sulugoon nga iyang gihatagan sa salapi sa pag-adto kaniya, aron iyang mahibaloan kon pilay ilang nakita sa pagpatigayon.

Lucas 23:42

Ug siya miingon, “Jesus, hinumdomi ako inig-abot nimo sa imong gingharian.”

Mga Buhat 10:42

Ug siya misugo kanamo sa pagwali ngadto sa mga tawo ug sa pagpamatuod nga siya mao ang gitudlo sa Dios aron mahimong maghuhukom sa mga buhi ug sa mga patay.

Mga Buhat 17:31

kay siya nagtakda ug adlaw kon kanus-a niya hukman ang kalibotan diha sa pagkamatarong pinaagi sa usa ka tawo nga iyang gitudlo, ug niini naghatag siya ug pasalig ngadto sa tanang mga tawo pinaagi sa pagbanhaw kaniya gikan sa mga patay.”

Roma 2:16

unya sa maong Adlaw nga, sumala sa akong Maayong Balita, hukman sa Dios ang mga tinagoan sa mga tawo pinaagi kang Cristo Jesus.

Mga Taga-Colosas 3:4

Sa dihang ipadayag na unya si Cristo nga mao ang inyong kinabuhi, kamo usab ipadayag uban kaniya sa himaya.

2 Mga Taga-Tesalonica 2:8

Ug unya ang malapason sa balaod ipadayag, ug siya patyon sa Ginoong Jesus pinaagi sa espiritu sa iyang baba ug laglagon pinaagi sa pagpadayag sa iyang pag-abot.

1 Timoteo 5:21

Sa atubangan sa Dios ug ni Cristo Jesus ug sa pinili nga mga anghel, ako magtugon kanimo sa pagbantay niining mga butanga sa walay pagpalabi, dili magbuhat pinaagi sa pagdapig.

2 Timoteo 1:10

apan karon iyang gipadayag kini pinaagi sa pagpakita sa atong Manluluwas nga si Cristo Jesus, nga nagbuntog sa kamatayon ug nagdala ug kinabuhi ug pagkawalay kamatayon ngadto sa kahayag pinaagi sa Maayong Balita.

2 Timoteo 2:14

Pahinumdomi sila niini, ug pahimatngoni sila sa atubangan sa Dios sa dili pagpakiglantugi mahitungod sa mga pulong nga dili makahatag ug kaayohan, hinuon makadaot sa mga namati.

2 Timoteo 4:18

Ang Ginoo magpalingkawas kanako gikan sa tanang buhat nga daotan ug magluwas kanako alang sa iyang langitnong gingharian. Kaniya ang himaya hangtod sa kahangtoran. Amen.

2 Timoteo 4:8

Sukad karon adunay gitagana alang kanako nga purongpurong sa pagkamatarong nga niadto unyang adlawa iganti kanako sa Ginoo, ang matarong nga maghuhukom, ug dili lamang kanako ra kondili usab sa tanang mga nahigugma sa iyang pagpadayag.

Tito 2:13

samtang magpaabot kita sa atong bulahan nga paglaom ug pagpadayag sa himaya ni Jesu-Cristo nga atong dakong Dios ug Manluluwas.

1 Pedro 1:7

aron nga ang pagkatinuod sa inyong pagtuo, nga labaw pa ka bililhon kay sa bulawan nga madugta nga sulayan pinaagi ug kalayo, mosangpot ngadto sa pagdayeg ug paghimaya ug pagpasidungog inigpadayag unya kang Jesu-Cristo.

1 Pedro 4:5

Apan kini sila maghatag ra unya ug husay ngadto kaniya nga andam sa paghukom sa mga buhi ug sa mga patay.

1 Pedro 5:4

Ug inigpadayag unya sa pangulong Magbalantay, kamo makadawat unya sa mahimayaong purongpurong nga dili malawos.

2 Pedro 1:11

Busa aduna unyay daghan kaayong pagpahigayon alang kaninyo sa pagsulod ngadto sa dayong gingharian sa atong Ginoo ug Manluluwas nga si Jesu-Cristo.

2 Pedro 1:17

Kay sa iyang pagkadawat sa pasidungog ug himaya gikan sa Dios nga Amahan, sa dihang gihatod kaniya sa Halangdong Himaya ang tingog nga nag-ingon, “Kini mao ang akong pinalanggang Anak, nga kaniya may kalipay ako.”

1 Juan 2:28

Ug karon, mga anak ko, pabilin kamo diha kaniya aron nga sa dihang ipadayag na unya siya, makabaton kita ug pagsalig ug dili maulaw kaniya inig-abot niya.

Gipadayag 1:7

Tan-awa, siya moabot uban sa mga panganod; ug makita siya sa tanang mata, sa tanang miduslak kaniya; ug ang tanang kabanayan sa yuta magminatay tungod kaniya. Oo. Amen.