2 Timoteo 2:5

Ang Biblia 2011

Ug kon si bisan kinsa nga makiglumba diha sa dula, dili siya mapurongpurongan gawas kon makiglumba siya subay sa mga lagda.

Cross References

Lucas 13:24

“Paningkamot kamo pagsulod agi sa pultahan nga sigpit kay sultihan ko kamo nga daghan ang maninguha sa pagsulod apan dili makahimo.

Mga Taga-Filipos 1:15

Tinuod, ang uban nagwali kang Cristo gikan sa kasina ug sa pagpalabaw, apan ang uban gikan sa maayong kabubut-on.

Mga Taga-Colosas 1:29

Alang niini ako naghago, nanglimbasog sumala sa kusog nga iyang gihatag nga naggahom sa sulod nako.

Mga Hebreo 12:4

Sa inyong pagpakigbisog batok sa sala, wala pa kamo makigbatok niini hangtod nga nagkadugo na kamo.

Mga Hebreo 2:7

Gibuhat nimo siya nga sa makadiyot ubos sa mga anghel, gipurongpurongan nimo siya ug himaya ug dungog,

Mga Hebreo 2:9

Apan nakita nato karon si Jesus, nga sa makadiyot gihimo nga ubos sa mga anghel, gipurongpurongan sa himaya ug dungog tungod sa iyang pag-antos sa kamatayon, aron nga pinaagi sa grasya sa Dios makatilaw siya ug kamatayon alang sa matag usa.

Santiago 1:12

Bulahan ang tawo nga milahutay sa mga pagsulay kay human siya makaantos sa pagsulay, iyang madawat ang purongpurong sa kinabuhi nga gisaad sa Dios ngadto sa mga nahigugma kaniya.

1 Pedro 5:4

Ug inigpadayag unya sa pangulong Magbalantay, kamo makadawat unya sa mahimayaong purongpurong nga dili malawos.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.

Gipadayag 3:11

Moanha na ako sa dili madugay. Kupti pag-ayo ang anaa kanimo aron walay makailog sa imong purongpurong.

Gipadayag 4:10

ang 24 ka kadagkoan mohapa sa atubangan niadtong naglingkod sa trono ug magsimba kaniya nga mao ang buhi hangtod sa kahangtoran, ug ang ilang mga purongpurong ipangitsa nila ngadto sa atubangan sa trono, dungan sa pag-awit nga mag-ingon,

Gipadayag 4:4

Ug libot sa trono dihay ug kawhaan ug upat ka trono, ug diha sa mga trono naglingkod ang kawhaan ug upat ka kadagkoan nga sinul-oban ug puti nga mga bisti ug may mga purongpurong nga bulawan diha sa ilang mga ulo.