2 Timoteo 1:8

Ang Biblia 2011

Busa ayaw ikaulaw ang pagpamatuod sa atong Ginoo, o alang kanako nga iyang binilanggo, hinuon pakig-ambit sa mga pag-antos alang sa Maayong Balita pinaagi sa gahom sa Dios

Cross References

Salmo 119:46

Isugilon usab nako ang imong mga pagpamatuod sa atubangan sa mga hari, ug dili ako maulawan,

Salmo 19:7

Ang balaod sa Ginoo hingpit, nagpahiuli sa kalag; ang pagpamatuod sa Ginoo tinuod, naghimong maalamon sa mga walay alamag;

Isaias 51:7

“Pamati kanako, kamo nga nahibalo sa pagkamatarong, ang katawhan nga sa ilang kasingkasing anaa ang akong balaod; ayaw ninyo kahadloki ang pagtamay sa mga tawo, o mangaluya kamo tungod sa ilang mga pagbiaybiay.

Isaias 8:20

Ngadto sa pagtulun-an ug sa pagpamatuod! Kay kining pulonga nga ilang gisulti wala gayoy kabuntagon.

Marcos 8:38

Kay si bisan kinsa nga maulaw tungod kanako ug sa akong mga pulong dinhi niining mananapaw ug makasasala nga kaliwatan, ikaulaw usab sa Anak sa Tawo inig-abot niya diha sa himaya sa iyang Amahan kauban sa mga anghel nga balaan.”

Lucas 9:26

Kay si bisan kinsa nga maulaw tungod kanako ug sa akong mga pulong, ikaulaw sa Anak sa Tawo inig-abot niya diha sa iyang himaya ug sa himaya sa Amahan ug sa mga balaang anghel.

Juan 15:27

Ug kamo usab magpamatuod kay kamo uban man kanako sukad sa sinugdan.

Juan 19:35

Siya nga nakakita niini nagpamatuod ug tinuod ang iyang pamatuod ug siya nahibalo nga siya nagsulti sa tinuod, aron kamo usab motuo.

Mga Buhat 5:41

Ug gikan sa atubangan sa Sanhedrin, sila mibiya nga nagmalipayon kay giisip sila nga takos nga moantos sa kaulawan tungod sa iyang ngalan.

Roma 1:16

Kay dili nako ikaulaw ang Maayong Balita, kay kini mao ang gahom sa Dios alang sa kaluwasan sa matag usa nga nagtuo, ngadto sa Judio una sa tanan ug unya ngadto sa Grego usab.

Roma 16:25

Ngadto kaniya nga makahimo paglig-on kaninyo sumala sa akong Maayong Balita ug sa pagsangyaw kang Jesu-Cristo, sumala sa pagpadayag sa misteryo nga gitipigan sa hilom sulod sa taas nga panahon

Roma 8:36

Ingon sa nasulat, “Tungod kanimo gipamatay kami sa tibuok nga adlaw; giisip kami nga daw mga karnero nga ihawonon.”

Roma 9:33

ingon sa nasulat, “Tan-awa, akong gibutang diha sa Zion ang bato nga makapapandol sa mga tawo, usa ka bato nga makapatumba kanila, apan ang mosalig kaniya dili gayod maulawan?”

1 Mga Taga-Corinto 1:6

Ingon nga ang pagsaksi mahitungod kang Cristo namatud-an diha kaninyo,

2 Mga Taga-Corinto 6:7

sa sinultihan nga matinud-anon ug sa gahom sa Dios, pinaagi sa mga hinagiban sa pagkamatarong alang sa tuo ug wala nga kamot,

Mga Taga-Efeso 3:1

Tungod niining maong hinungdan, ako, si Pablo, binilanggo ni Cristo Jesus tungod ug alang kaninyo nga mga Gentil,

Mga Taga-Efeso 3:13

Busa maghangyo ako kaninyo, nga unta dili kamo maluya tungod sa akong mga pag-antos alang kaninyo; mao kini ang inyong kahimayaan.

Mga Taga-Efeso 4:1

Busa, ako nga binilanggo diha sa Ginoo, naghangyo kaninyo nga unta magkinabuhi kamo nga takos gayod sa tawag nga alang niini gitawag kamo,

Mga Taga-Efeso 4:17

Busa ako moingon ug magpamatuod niini tungod sa Ginoo, nga kinahanglan dili na kamo magkinabuhi sama sa mga Gentil diha sa pagkawalay hinungdan sa ilang panghunahuna,

Mga Taga-Filipos 1:7

Matarong alang kanako ang paghunahuna sa ingon niini mahitungod kaninyong tanan, tungod kay kamo ania man sa akong kasingkasing, kay kamong tanan miambit man uban kanako sa grasya, diha sa akong pagkabilanggo ug sa paglaban ug pagpamatuod sa Maayong Balita.

Mga Taga-Filipos 3:10

Buot akong makaila kaniya ug sa gahom sa iyang pagkabanhaw ug sa pagpakig-ambit sa iyang mga kasakit, nga mahisama kaniya sa iyang kamatayon

Mga Taga-Filipos 4:13

Mahimo nako ang tanang butang diha kaniya nga naglig-on kanako.

Mga Taga-Colosas 1:11

Hinaot unta nga malig-on kamo sa tanang kusog, sumala sa iyang mahimayaong gahom, alang sa tanang paglahutay ug pagpailob uban sa kalipay,

Mga Taga-Colosas 1:24

Gikalipay nako karon ang akong mga pag-antos tungod ug alang kaninyo, ug dinhi sa akong lawas akong gihingpit ang mga kasakit nga nakulang sa mga pag-antos ni Cristo alang sa iyang lawas nga mao ang iglesia

1 Mga Taga-Tesalonica 3:4

Kay sa diha pa kami uban kaninyo, kamo gisuginlan namong daan nga kita mag-antos gayod sa mga kasakit ug kini nahitabo sumala sa inyo nang nasayran.

1 Timoteo 2:6

nga naghatag sa iyang kaugalingon ingon nga lukat alang sa tanan, nga ang pagpamatuod niini nahimo na sa gitakda nga panahon.

2 Timoteo 1:10

apan karon iyang gipadayag kini pinaagi sa pagpakita sa atong Manluluwas nga si Cristo Jesus, nga nagbuntog sa kamatayon ug nagdala ug kinabuhi ug pagkawalay kamatayon ngadto sa kahayag pinaagi sa Maayong Balita.

2 Timoteo 1:12

ug mao kana ang hinungdan ngano nga nag-antos ako sa ingon. Apan wala nako kini ikaulaw, kay ako nakaila kinsa ang akong gituohan ug ako nagtuo gayod nga hangtod niadto unyang adlawa siya makahimo pagbantay sa gipiyal kanako.

2 Timoteo 1:16

Hinaot nga ang Ginoo maghatag ug kaluoy sa panimalay ni Onesiforo, kay sa makadaghan iya akong gidasig. Wala niya ikaulaw ang akong pagkabilanggo,

2 Timoteo 2:3

Pakig-ambit sa mga pag-antos ingon nga maayong sundalo ni Cristo Jesus.

2 Timoteo 2:8

Hinumdomi si Jesu-Cristo nga nabanhaw gikan sa mga patay nga kaliwat ni David sumala sa akong maayong balita,

2 Timoteo 2:9

nga tungod niini ako nag-antos bisan ngadto sa pagkaginapos sama sa usa ka tigbuhat ug daotan. Apan ang pulong sa Dios dili ginapos.

2 Timoteo 4:17

Apan ang Ginoo mibarog tupad kanako ug gilig-on ako aron pinaagi kanako ang pagsangyaw hingpit nga matuman ug ang tanang mga Gentil makadungog niini. Ug ako giluwas gikan sa baba sa liyon.

2 Timoteo 4:5

Apan ikaw, pagbantay sa tanang panahon, antosa ang mga kasakitan, buhata ang katungdanan sa usa ka magsasangyaw sa Maayong Balita, tumana ang imong buluhaton.

1 Pedro 1:5

nga mga gibantayan sa gahom sa Dios pinaagi sa pagtuo alang sa kaluwasan nga andam aron ipadayag unya sa kataposang panahon.

1 Juan 4:14

Ug kita nakakita ug nagpamatuod nga ang Amahan nagpadala sa iyang Anak, ingon nga Manluluwas sa kalibotan.

Judas 1:24

Karon ngadto kaniya nga may gahom sa pagbantay kaninyo gikan sa pagkapukan ug sa pagpasundayag kaninyo nga walay buling diha sa atubangan sa iyang himaya uban sa dakong kalipay,

Gipadayag 1:2

nga nagsaksi sa pulong sa Dios ug sa pagpamatuod ni Jesu-Cristo sa tanan nga iyang nakita.

Gipadayag 1:9

Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus.

Gipadayag 12:11

Ug sila nagmadaogon batok kaniya pinaagi sa dugo sa Nating Karnero ug sa pulong sa ilang pagpamatuod, tungod kay wala man sila mahigugma sa ilang mga kinabuhi bisan ngadto sa kamatayon.

Gipadayag 19:10

Unya mihapa ako sa iyang tiilan aron unta sa pagsimba kaniya, apan siya miingon kanako, “Ayaw kana buhata! Ako usa lamang ka sulugoon nga kauban nimo ug sa imong kaigsoonan nga naghupot sa pagpamatuod mahitungod kang Jesus. Maoy simbaha ang Dios. Kay ang pagpamatuod mahitungod kang Jesus mao man ang espiritu sa propesiya.”