2 Timoteo 1:7

Ang Biblia 2011

kay ang Dios wala maghatag kanato ug espiritu sa katalaw kondili sa gahom ug sa gugma ug sa pagpugong sa kaugaligon.

Cross References

Salmo 119:80

Mahingpit unta ang akong kasingkasing diha sa imong mga lagda, aron ako dili maulawan.

Mga Panultihon 2:7

siya magtigom ug husto nga kaalam alang sa mga matarong; siya usa ka taming alang kanila nga naglakaw diha sa kaligdong,

Mga Panultihon 8:14

Akoa ang maayong tambag ug ang husto nga kaalam, akoa ang maayong hunahuna, akoa ang kusog.

Isaias 11:2

Ang Espiritu sa Ginoo mopuyo diha kaniya, ang espiritu sa kaalam ug pagsabot, ang espiritu sa pagtambag ug kagahom, ang espiritu sa kahibalo ug ang kahadlok sa Ginoo.

Miqueas 3:8

Apan alang kanako, puno ako sa gahom, sa Espiritu sa Ginoo, ug sa hustisya ug kusog, sa pagpahayag kang Jacob sa iyang mga kasaypanan ug sa Israel sa iyang sala.

Zacarias 4:6

Unya siya miingon kanako, “Kini mao ang pulong sa Ginoo ngadto kang Zerubabel: Dili pinaagi sa kusog o pinaagi sa gahom, kondili pinaagi sa akong Espiritu, nag-ingon ang Ginoo sa mga panon.

Lucas 10:19

Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo.

Lucas 15:17

Apan sa dihang nakaamgo na siya sa iyang kaugalingon, siya miingon, ‘Pagkadaghan sa mga sinuholan sa akong amahan nga may igong pagkaon ug sobra pa, samtang ako dinhi hapit na mamatay sa kagutom!

Lucas 24:49

Ug tan-awa, ipadala nako ang saad sa akong Amahan kaninyo, apan pabilin kamo sa siyudad hangtod nga masul-oban na kamo ug gahom gikan sa kahitas-an.”

Lucas 8:35

Unya ang mga tawo nanggawas sa pagsusi unsay nahitabo, ug miadto sila kang Jesus. Ug ilang nakita ang tawo nga gigulaan sa mga demonyo nga naglingkod sa tiilan ni Jesus, nagbisti na ug maayo na ang panimuot, ug sila nangahadlok.

Juan 14:27

Ang kalinaw ibilin nako kaninyo, ang akong kalinaw ihatag nako kaninyo. Ihatag nako kini kaninyo, dili sama sa paghatag sa kalibotan. Ayaw kamo kaguol diha sa inyong kasingkasing, ayaw kamo pagtalaw.

Mga Buhat 1:8

Apan makadawat kamo ug gahom sa diha nga mokunsad na kaninyo ang Espiritu Santo ug kamo mao unya ang akong mga saksi sa Jerusalem ug sa tibuok Judea ug Samaria ug hangtod sa kinatumyan sa kalibotan.”

Mga Buhat 10:38

giunsa sa Dios pagdihog pinaagi sa Espiritu Santo ug sa gahom, giunsa niya paglibot aron sa pagbuhat ug maayo ug sa pagpang-ayo sa tanang gisakit sa yawa, kay ang Dios nag-uban kaniya.

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Mga Buhat 21:13

Unya siya mitubag, “Unsa ba kining inyong gibuhat nga naghilak man kamo ug nagsamad sa akong kasingkasing? Andam ako dili lamang sa pagpabilanggo, kondili bisan sa pagpakamatay didto sa Jerusalem tungod sa ngalan sa Ginoong Jesus.”

Mga Buhat 26:11

Ug sa makadaghan gipakastigo nako sila diha sa tanang mga sinagoga aron sa pagpugos kanila sa pagpasipala, ug sa bangis nga kapungot batok kanila, gilutos nako sila bisan didto sa mga siyudad gawas sa nasod.

Mga Buhat 26:25

Apan si Pablo miingon, “Wala ako magsalimoang, labing halangdong Festo, hinuon nagsulti ako sa mga pulong nga maayo ug tinuod.

Mga Buhat 6:8

Unya si Esteban, nga puno sa grasya ug gahom, naghimo ug dagkong mga kahibulongan ug mga ilhanan diha sa katawhan.

Mga Buhat 9:22

Apan si Saulo misamot pa gayod ka mainiton ug nakapahilom sa mga Judio nga nagpuyo sa Damasco pinaagi sa iyang pagpamatuod nga si Jesus mao ang Cristo.

Roma 5:5

ug ang paglaom dili mopakyas kanato kay ang gugma sa Dios gikabubo man nganhi sa atong mga kasingkasing pinaagi sa Espiritu Santo nga gikahatag nganhi kanato.

Roma 8:15

Kay wala kamo makadawat sa espiritu sa pagkaulipon aron mahadlok na usab kamo, hinuon maoy nadawat ninyo ang espiritu sa pagkaanak. Ug pinaagi kaniya magtuaw kita, “Abba! Amahan!”

1 Mga Taga-Corinto 2:4

Ang akong pulong ug pagwali dili pinaagi sa madanihong mga pulong sa kaalam kondili diha sa pagpadayag sa Espiritu ug sa gahom,

Mga Taga-Galacia 5:22

Apan ang bunga sa Espiritu mao ang gugma, kalipay, kalinaw, pailob, pagkamaluluy-on, pagkamaayo, pagkamatinumanon,

Mga Taga-Colosas 1:8

ug siya mao ang nagsugilon kanamo mahitungod sa inyong gugma diha sa Espiritu.

Mga Hebreo 2:15

ug aron maluwas niya silang tanan nga naulipon sulod sa tibuok nilang kinabuhi tungod sa kahadlok sa kamatayon.

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Juan 4:18

Ang kahadlok wala diha sa gugma, apan ang hingpit nga gugma naghingilin sa kahadlok. Kay ang kahadlok adunay silot ug siya nga nahadlok wala pa mahingpit diha sa gugma.