2 Timoteo 1:3

Ang Biblia 2011

Nagpasalamat ako sa Dios nga akong gisimba sama sa gibuhat sa akong katigulangan, uban sa hinlo nga tanlag ingon nga ako walay hunong sa paghinumdom kanimo diha sa akong mga pag-ampo adlaw ug gabii.

Cross References

Lucas 2:37

unya nabiyuda siya hangtod 84 na ang iyang panuigon. Wala siya mopahawa sa Templo apan nagpadayon siya sa pagsimba adlaw ug gabii pinaagi sa pagpuasa ug pag-ampo.

Mga Buhat 22:3

“Ako usa ka Judio nga natawo sa Tarsus sa Cilicia, apan nagtubo dinhi niining siyudara sa tiilan ni Gamaliel, gitudloan sumala sa higpit nga paagi sa balaod sa atong mga katigulangan, mainiton alang sa Dios sama kaninyong tanan niining mga adlawa karon.

Mga Buhat 23:1

Ug si Pablo, samtang nagtutok sa Sanhedrin miingon, “Mga igsoon, sa atubangan sa Dios nagkinabuhi ako diha sa hinlo gayod nga tanlag hangtod niining adlawa.”

Mga Buhat 24:14

Apan kini akong angkonon kanimo nga sumala sa Dalan nga ilang gitawag ug pundok, ako nagsimba sa Dios sa among mga katigulangan, nagtuo sa tanan nga nahimutang diha sa balaod o nasulat diha sa mga propeta.

Mga Buhat 24:16

Busa kanunay nako nga gipaningkamotan ang pagbaton ug hinlo nga tanlag ngadto sa Dios ug sa mga tawo.

Mga Buhat 26:4

“Ang matang sa akong pagkinabuhi sukad pa sa akong pagkabatan-on, sukad pa sa sinugdan diha sa akong kaugalingong nasod ug sa Jerusalem, nahibaloan na sa tanang mga Judio.

Mga Buhat 27:23

Kay niining gabhiona may mitindog tupad kanako nga usa ka anghel sa Dios diin ako sakop ug maoy akong gisimba,

Roma 9:1

Nagsulti ako sa tinuod diha kang Cristo, wala ako mamakak; ang akong tanlag nagsaksi niini kanako diha sa Espiritu Santo,

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

Mga Taga-Galacia 1:14

ug nga diha sa tinuohan sa mga Judio ako miuswag labaw pa kay sa kadaghanan sa akong mga katagilungsod nga kadungan nako, nga sa hilabihan ako mainiton gayod alang sa mga gikabilinbilin nga kalagdaan sa akong mga katigulangan.

Mga Taga-Efeso 1:16

wala ako moundang sa pagpasalamat tungod kaninyo, ug naglakip kaninyo sa akong mga pag-ampo

1 Mga Taga-Tesalonica 3:10

Nga nag-ampo kami nga mainiton gayod sa gabii ug sa adlaw nga unta kami makakita sa inyong nawong ug makasangkap sa nakulang sa inyong pagtuo.

1 Timoteo 1:19

magbaton ug pagtuo ug maayong tanlag. Ang uban nga nagsalikway niini nangalunod sa ilang pagtuo.

1 Timoteo 1:5

Karon ang tumong sa sugo mao ang gugma nga gikan sa putli nga kasingkasing ug sa maayong tanlag ug sa walay pagpakaaron-ingnon nga pagtuo,

1 Timoteo 5:5

Ang babaye nga tinuod gayod nga biyuda, ug nagpuyo nga nag-inusara, nagbutang sa iyang paglaom diha sa Dios ug nagpadayon diha sa mga pagpangamuyo ug sa mga pag-ampo sa gabii ug sa adlaw.

2 Timoteo 1:5

Nahinumdom ako sa imong matinud-anong pagtuo nga sa sinugdan diha sa imong apohang babaye nga si Loida ug sa imong inahan nga si Eunice ug nga karon, nagtuo ako nga anaa usab kanimo.

2 Timoteo 3:15

ug nga sukad sa imong pagkabata nakahibalo ikaw sa balaan nga kasulatan nga takos sa pagtudlo kanimo ngadto sa kaluwasan pinaagi sa pagtuo kang Cristo Jesus.

Mga Hebreo 13:8

Si Jesu-Cristo mao sa gihapon kagahapon ug karon ug hangtod sa kahangtoran.

1 Samuel 12:23

Dugang pa, ipahilayo unta kini gikan kanako nga ako makasala batok sa Ginoo pinaagi sa paghunong sa pag-ampo alang kaninyo, ug ako magtudlo kaninyo sa maayo ug sa matarong nga dalan.