2 Samuel 9:6

Ang Biblia 2011

Unya si Mefiboset nga anak ni Jonatan nga anak ni Saul miadto kang David ug mihapa ug mihatag ug katahoran. Ug si David miingon, “Mefiboset!” Ug siya mitubag, “Ania ang imong ulipon!”

Cross References

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

Genesis 33:3

Ug siya mao ang nag-una kanila ug miyukbo siya ngadto sa yuta sa makapito, hangtod nga miabot siya sa iyang igsoon.

2 Samuel 1:7

Ug sa pagtan-aw niya sa iyang luyo, nakita ako niya ug mitawag siya kanako. Ug ako mitubag, ‘Ania ako.’

2 Samuel 16:4

Unya ang hari miingon kang Ziba, “Tan-awa, ang tanan nga iya ni Mefiboset maimoha na.” Ug si Ziba miingon, “Ako moyukbo. Itugot nga makakaplag ako ug kahimuot sa imong panan-aw, agalon ko nga hari.”

2 Samuel 21:7

Apan ang hari mipalingkawas kang Mefiboset nga anak ni Jonatan nga anak ni Saul, tungod sa panumpa sa Ginoo nga diha sa taliwala nila, taliwala ni David ug ni Jonatan nga anak ni Saul.

2 Samuel 4:4

Si Jonatan nga anak ni Saul, adunay usa ka anak nga lalaki nga piang ang tiil. Lima ka tuig ang iyang panuigon sa dihang midangat ang mga balita mahitungod kang Saul ug kang Jonathan gikan sa Jesreel, ug gikuha siya sa iyang tig-atiman ug mikagiw, ug sa diha nga nagdalidali siya pagkagiw, ang bata nahulog ug napiang. Ug ang iyang ngalan mao si Mefiboset.

2 Samuel 9:5

Gipakuha siya ni Hari David gikan sa balay ni Makir nga anak ni Amiel sa Lodebar.

1 Cronicas 8:34

Ang anak nga lalaki ni Jonatan mao si Merib-baal ug si Merib-baal amahan ni Mica.

1 Cronicas 9:40

Ug ang anak nga lalaki ni Jonatan mao si Merib-baal, ug si Merib-baal mao ang amahan ni Mica.

1 Samuel 20:41

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.

1 Samuel 25:23

Sa pagkakita ni Abigail kang David, siya nagdali ug nanaog sa iyang asno, ug mihapa sa atubangan ni David ug miyukbo ngadto sa yuta.