2 Samuel 9:3

Ang Biblia 2011

Ug ang hari miingon, “Wala na bay bisan usa sa balay ni Saul, aron ako makapakita sa kaluoy sa Dios ngadto kaniya?” Ug si Ziba miingon sa hari, “Si Jonatan may usa pa ka anak nga lalaki nga piang ang mga tiil.”

Cross References

2 Samuel 19:26

Siya mitubag, “Akong agalon, O hari, ang akong sulugoon naglimbong kanako, kay ang imong sulugoon miingon kaniya, ‘Akong gimontorahan ang usa ka asno alang kanako aron makasakay niini ug makauban sa hari,’ kay ang imong sulugoon bakol.

2 Samuel 19:27

Iyang gibutangbutangan ang imong sulugoon ngadto sa akong agalon nga hari. Apan ang akong agalon nga hari sama sa usa ka anghel sa Dios, busa buhata ang bisan unsa nga maayo alang kanimo.

2 Samuel 4:4

Si Jonatan nga anak ni Saul, adunay usa ka anak nga lalaki nga piang ang tiil. Lima ka tuig ang iyang panuigon sa dihang midangat ang mga balita mahitungod kang Saul ug kang Jonathan gikan sa Jesreel, ug gikuha siya sa iyang tig-atiman ug mikagiw, ug sa diha nga nagdalidali siya pagkagiw, ang bata nahulog ug napiang. Ug ang iyang ngalan mao si Mefiboset.

2 Samuel 9:13

Busa si Mefiboset mipuyo sa Jerusalem ug siya nagkaon kanunay diha sa lamisa sa hari. Ug siya piang sa duha ka tiil.

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

Lucas 6:36

Pagmaluluy-on kamo, ingon nga maluluy-on man ang inyong Amahan.

Deuteronomio 10:15

Apan ang Ginoo nahimuot sa imong katigulangan sa paghigugma kanila ug nagpili sa ilang kaliwatan gikan kanila, kaninyo gikan sa taliwala sa tanang mga katawhan, sama niining adlawa.

Deuteronomio 4:37

Ug tungod kay siya nahigugma sa inyong mga katigulangan ug nagpili sa ilang kaliwatan sunod kanila ug nagpagula kaninyo uban kaniya gikan sa Ehipto, pinaagi sa iyang dakong gahom,