2 Samuel 9:11

Ang Biblia 2011

Unya si Ziba miingon sa hari, “Sumala sa tanan nga gisugo sa akong agalong hari ngadto sa iyang sulugoon, mao usab ang buhaton sa imong sulugoon.” Busa si Mefiboset, nagkaon kanunay diha sa lamisa ni David sama sa usa sa mga anak sa hari.

Cross References

2 Samuel 15:15

Ug ang mga sulugoon sa hari miingon sa hari, “Tan-awa, ang imong mga sulugoon andam na sa pagbuhat sa bisan unsa nga ipabuhat sa akong agalon nga hari.”

2 Samuel 19:17

Mikuyog kaniya ang usa ka libo ka tawo nga gikan sa Benjamin. Ug si Ziba nga sulugoon sa balay ni Saul ug ang iyang napulo ug lima ka anak nga lalaki ug ang iyang 20 ka ulipon uban kaniya, midali paglugsong sa Jordan una sa hari.

2 Samuel 19:24

Si Mefiboset nga anak ni Saul milugsong aron sa pagsugat sa hari ug wala niya mahugasi ang iyang mga tiil o maguntingi ang iyang bungot o malabhi ang iyang mga bisti sukad sa adlaw nga ang hari migikan hangtod sa adlaw nga siya mibalik sa balay nga walay kadaot.

2 Samuel 19:26

Siya mitubag, “Akong agalon, O hari, ang akong sulugoon naglimbong kanako, kay ang imong sulugoon miingon kaniya, ‘Akong gimontorahan ang usa ka asno alang kanako aron makasakay niini ug makauban sa hari,’ kay ang imong sulugoon bakol.

2 Samuel 9:10

Ikaw ug ang imong mga anak nga lalaki ug ang imong mga sulugoon mag-uma alang kaniya ug dad-on nimo dinhi ang mga abot aron ang anak sa imong agalon adunay pan nga kaonon, apan si Mefiboset nga anak sa imong agalon, anhi na magkaon kanunay sa akong lamisa.” Ug si Ziba may napulo ug lima ka anak nga lalaki ug 20 ka sulugoon.

2 Samuel 9:12

Ug si Mefiboset may usa ka batan-ong anak nga lalaki nga ginganlan ug Mica. Ug ang tanan nga nagpuyo sa balay ni Ziba nahimong mga sulugoon ni Mefiboset.

2 Samuel 9:13

Busa si Mefiboset mipuyo sa Jerusalem ug siya nagkaon kanunay diha sa lamisa sa hari. Ug siya piang sa duha ka tiil.